ଭଦ୍ରକ ୦୪।୧୨ : ଯୁବତୀଙ୍କ ଆତ୍ମହତ୍ୟା । ଭଦ୍ରକ ଟାଉନ୍ ଥାନା ଅଧିନ ଚରମ୍ପା ଅଞ୍ଚଳରେ ଜଣେ ଯୁବତୀ ବେକରେ ଓଢଣୀ ଲଗାଇ ଆତ୍ମହତ୍ୟା କରିଛନ୍ତି । ଜଣେ ଯୁବକଙ୍କ ପାଇଁ ଆତ୍ନହତ୍ୟା କରିଥିବା ଥାନାରେ ଅଭିଯୋଗ ।
ଖବର ଅନୁଯାୟୀ, ଯୁବତୀ ଜଣକ ସନ୍ଧ୍ୟା ବେଳେ ମ୍ୟାଗି ଖାଇବା ପାଇଁ କହିଥିଲେ । ତାଙ୍କ ମାଆ ଓ ଭାଇ ମ୍ୟାଗି ଆଣିବା ପାଇଁ ବଜାରକୁ ଯାଇଥିବା ବେଳେ ଘରେ କେହି ନଥିଲେ । ଘର ଲୋକେ ଘରେ ପହଞ୍ଚି ଝିଅ ବେକର ଓଢଣୀ ଲଗାଇ ଦେଇ ଆତ୍ମହତ୍ୟା କରଥିବା ଦେଖିଥିଲେ । ପରିବାର ଲୋକମାନେ ଅଭିଯୋଗ କରିଛନ୍ତି ଜଣେ ଯୁବକ ୮ ଦିନ ପୂର୍ବରୁ ତାଙ୍କ ଝିଅକୁ ଧମକ ଦେବା ସହ ଗାଳି ଗୁଲଜ କରିଥିଲେ । ଯୁବକଙ୍କ ପାଇଁ ତାଙ୍କ ଝିଅ ଫାଶୀ ଲଗାଇ ଆତ୍ମହତ୍ୟା କରିଛି ବୋଲି ଘର ଲୋକେ ଅଭିଯୋଗ କରିଛନ୍ତି ।
ସେପଟେ ଏନେଇ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି ପରିବାର ଲୋକ । ପୋଲିସ ସଠିକ ଭାବେ ତଦନ୍ତ କରି ପରିବାରକୁ ନ୍ୟାୟ ଦିଆଯାଉ ବୋଲି ପରିବାର ଲୋକମାନେ ନିବେଦନ କରିଛନ୍ତି । ପୋଲିସ ନିରପେକ୍ଷ ତଦନ୍ତ କରି ଦୋଷୀ ଙ୍କୁ ଗିରଫ କରାଯାଉ ବୋଲି ଗ୍ରାମବାସୀ ମାନେ ଅଭିଯୋଗ କରିଛନ୍ତି ।
