ଖୋର୍ଦ୍ଧା ୦୬।୧୨: ବେଗୁନିଆ ଥାନା ଗଡ ମାଣିତ୍ରୀ ତଳଗଡ ସାହିରେ ଅଭାବନୀୟ ଘଟଣା । ମା ମୋବାଇଲ ଛଡାଇ ନେଇ ଗାଳି କରିବାରୁ ନବମ ଶ୍ରେଣୀ ରେ ପଢୁଥିବା ପୁଅ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତ ଛାତ୍ର ଅକ୍ଷୟ ସୁବୁଦ୍ଧିଙ୍କ ପୁଅ ଅଶୋକ ସୁବୁଦ୍ଧି ।
ଖବର ଅନୁଯାୟୀ, ଗତକାଲି ଅପରାହ୍ନ ରେ ଅଶୋକ ମୋବାଇଲରେ ଖେଳୁଥିବା ବେଳେ ମାଆ ତାଙ୍କୁ ବାରଣ କରିବା ସହ ବାପାଙ୍କୁ ଫୋନ୍ କରିବାକୁ ମୋବାଇଲ ମାଗିଥିଲେ । ହେଲେ ଅଶୋକ କିଛି ନ ଶୁଣି ଖେଳି ଚାଲିଥିଲେ । ମାଆ ଅଶୋକ ଠାରୁ ମୋବାଇଲ ଛଡାଇ ନେଇ ଗାଳି କରିବା ପରେ ଅଶୋକ ପାଇଖାନା ଘରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ଖବର ପାଇ ବେଗୁନିଆ ଥାନା ପୋଲିସ ଘଟଣାସ୍ଥଳରେ ପହଂଚି ମୃତଦେହ ବ୍ୟବଚ୍ଛେଦ ପାଇଁ ଖୋର୍ଦ୍ଧା ଡାକ୍ତରଖାନାକୁ ପଠାଇବା ସହ ଘଟଣାର ତଦନ୍ତ ଚଳାଇଛି।
