scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଏହି ସରକାରୀ ସ୍କିମରେ କରନ୍ତୁ ନିବେଶ, କେବଳ ୨୧୦ ଟଙ୍କା ଲେଖାଏଁ ଜମା କରି ମାସିକ ପାଇପାରିବେ ୫୦୦୦ ଟଙ୍କା

19/10/2022 at 1:21 PM

ନୂଆଦିଲ୍ଳୀ ୧୯।୧୦ : କେନ୍ଦ୍ର ସରକାରଙ୍କ ତରଫରୁ ଆରମ୍ଭ ହୋଇଥିବା ଅଟଳ ପେନ୍ସନ ଯୋଜନା ନୂଆା ରେକର୍ଡ କରିଛି । ଅଟଳ ପେନ୍ସନ ଯୋଜନା ଭାରତ ସରକାରଙ୍କ ଦ୍ବାରା ସମର୍ଥିତ ଏକ ନିଶ୍ଚିତ ପେନ୍ସନ ଯୋଜନା(ଏପିଆଇ) । ଏହି ଯୋଜନାର ଆରମ୍ଭ ୨୦୧୫ ମେ ୯ ତାରିଖରେ ଆରମ୍ଭ ହୋଇଥିଲା । ଏପିଆଇ ନିୟମ ଅନୂଯାୟୀ, ୧୮ ରୁ ୪୦ ବର୍ଷ ବୟସର ବ୍ୟକ୍ତି ମାସିକ ପେନ୍ସନ ପାଇଁ ଯୋଗ୍ୟ । ଏହି ଯୋଜନାରେ ୬୦ ବର୍ଷ ପରେ ତାଙ୍କର ଯୋଗଦାନ ଆଧାରରେ ୧୦୦୦ ରୁ ୫୦୦୦ ଟଙ୍କାର ପେନ୍ସନ ମିଳିଥାଏ ।

ସୂଚନାଯୋଗ୍ୟ, କମ୍ ଟଙ୍କା ନିବେଶରେ ପେନ୍ସନର ଗ୍ୟାରେଣ୍ଟି ପାଇଁ ଅଟଲ ପେନ୍ସନ ଯୋଜନା ଏକ ଭଲ ବିକଳ୍ପ। ଏହି ଯୋଜନା ଅନୁଯାୟୀ ପ୍ରତିମାସରେ ଏକ ନିଶ୍ଚିତ ରାଶି ଦେବାକୁ ପଡ଼ିଥାଏ ଏବଂ ଅବସର ପରେ ୧ ହଜାରରୁ ୫ ହଜାର ଟଙ୍କା ମାସିକ ମିଳିବ। ପ୍ରତି ୬ ମାସରେ କେବଳ ୧୨୩୯ ଟଙ୍କା ନିବେଶ କରିବା ଦ୍ବାରା ୬୦ ବର୍ଷ ପରେ ଆଜୀବନ ୫୦୦୦ ଟଙ୍କା ପ୍ରତିମାସରେ ଅର୍ଥାତ୍ ବାର୍ଷିକ ୬୦ ହଜାର ଟଙ୍କା ମିଳିବ।

ବର୍ତ୍ତମାନର ନିୟମ ଅନୂଯାୟୀ ୫ ହଜାର ଟଙ୍କା ମାସିକ ପେନ୍ସନ ପାଇଁ ଯଦି ୧୮ ବର୍ଷ ବୟସରୁ ପ୍ରତିମାସରେ ୨୧୦ ଟଙ୍କା ରଖିବାକୁ ପଡ଼ିବ। ୧ ହଜାର ଟଙ୍କା ମାସିକ ପେନ୍ସନ ପାଇଁ ଏହା ଅର୍ଥ ମାସିକ ୪୨ ଟଙ୍କା ରହିଛି । ମନେ କରାଯାଉ ଯଦି ୫ ହଜାର ପେନ୍ସନ ପାଇଁ ଆପଣ ୩୫ ବର୍ଷ ବୟସରେ ଏହି ଯୋଜନାରେ ଯୋଡ଼ି ହେଉଛନ୍ତି। ତେବେ ୨୫ ବର୍ଷ ପର୍ଯ୍ୟନ୍ତ ପ୍ରତି ୬ ମାସରେ ୫୩୨୩ ଟଙ୍କା ଜମା କରିବାକୁ ପଡ଼ିବ। ଏମିତିରେ ଆପଣଙ୍କ ସମୁଦାୟ ନିବେଶ ୨.୬୬ ଲକ୍ଷ ଟଙ୍କା ହେବ। ଯାହା ଉପରେ ଆପଣଙ୍କୁ ୫ ହଜାର ଟଙ୍କା ମାସିକ ପେନ୍ସନ ମିଳିବ।

   Related Posts