ଭୁବନେଶ୍ୱର ୨୦।୧୧ : ମଙ୍ଗଳବାର ଠାରୁ ଆରମ୍ଭ ହେବ ବିଧାନସଭା ଶୀତ ଅଧିବେଶନ। ଏନେଇ ବିଧାନସଭାରେ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି ।  ପୋଲିସ ଡିଜି ସୁନୀଲ ବଂଶଲ ବିଧାନସଭା ପରିସରରେ  ହୋଇଥିବା ସୁରକ୍ଷା ବ୍ୟବସ୍ଥାର ଯାଞ୍ଚ କରିଛନ୍ତି ।

ଖବର ଅନୁଯାୟୀ, ବିଧାନସଭା ଶୀତ ଅଧିବେଶନର ସୁରକ୍ଷା ଦାୟିତ୍ୱ କମିଶନରେଟ୍‌ ପୋଲିସ ହାତରେ ରହିବ । ବିଧାନସଭା ପରିସର ଏବଂ ବାହାରେ ତ୍ରିସ୍ତରୀୟ ସୁରକ୍ଷା ବନ୍ଦୋବସ୍ତ କରାଯାଇଛି । ଭୁବନେଶ୍ୱର ଡିସିପି ନେତୃତ୍ୱରେ ରହିବ ପୁରା ସୁରକ୍ଷା ବ୍ୟବସ୍ଥା । ସୁରକ୍ଷା ଲାଗି ୩୦ ପ୍ଲାଟୁନ୍‌ ପୋଲିସ ଫୋର୍ସ ମୁତୟନ ହେବେ । ୬ ଜଣ ଅତିରିକ୍ତ ଡିସିପି ସୁରକ୍ଷା ବ୍ୟବସ୍ଥାକୁ ତଦାରଖ କରିବେ । ଏହାସହ ୧୦୦ରୁ ଅଧିକ ପୋଲିସ କର୍ମଚାରୀ ମୁତୟନ ରହିବେ । ଏହାବାଦ୍‌ ୧୯ ଜଣ ଏସ୍‌ପି, ୨୦ ଜଣ ଇନ୍‌ସିପେକ୍ଟର, ୭୫ ଜଣ ଏସ୍‌ଆଇ ରହିବେ । ପୁରା ବିଧାନସଭା ବାହାର ଓ ଭିତରକୁ ସିସିଟିଭିରେ ନଜର ରଖାଯାଇଛି ।

ସେହିପରି  ରାଲି, ଧାରଣା ଓ ସୁରକ୍ଷାକୁ ନଜର ରଖି ୫ଟି କଣ୍ଟ୍ରୋଲ ରୁମ୍‌ ରହିବ । ଷ୍ଟ୍ରାଇକିଙ୍ଗ ଫୋର୍ସ, କୁଇକ୍‌ ରେସ୍‌ପନ୍ସ ଟିମ୍‌, ସ୍ପେଶାଲ ଟେକ୍ନିକାଲ ୟୁନିଟ ଉପସ୍ଥିତ ରହିବେ ।