ନୂଆଦିଲ୍ଲୀ,୧୬।୧୧: ୧୭ ତାରିଖରେ ଛତିଶଗଡ଼ ଓ ମଧ୍ୟପ୍ରଦେଶରେ ବିଧାନସଭା ନିର୍ବାଚନ । ଏହାର ୪୮ଘଣ୍ଟା ପୂର୍ବରୁ ଉଭୟ ରାଜ୍ୟରେ ନିର୍ବାଚନୀ ପ୍ରଚାର ଶେଷ ହୋଇଛି । ଛତିଶଗଡ଼ରେ ଦୁଇଟି ପର୍ଯ୍ୟାୟରେ ମତଦାନ ହେଉଥିବା ବେଳେ ମଧ୍ୟପ୍ରଦେଶରେ ଗୋଟିଏ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ । ତେବେ ଚଳିତ ବିଧାନସଭା ନିର୍ବାଚନରେ ଫୋକସରେ ଆଦିବାସୀ ଭୋଟର ରହିଛି । ସେପଟେ ନିର୍ବାଚନ ପୂର୍ବରୁ ପୋଲିଂ ଷ୍ଟେସନରେ ପୋଲିଂ ପାର୍ଟି ପହଞ୍ଚି ସାରିଲେଣି । ଭୋଟିଂ ପାଇଁ ଇଭିଏମ୍ ମେସିନ୍ ପ୍ରସ୍ତୁତ ହୋଇ ରହିଛି ।
ଛତିଶଗଡ଼ରେ ମୋଟ ଜନସଂଖ୍ୟାର ୩୦.୬ ପ୍ରତିଶତ ହେଉଛନ୍ତି ଅନୁସୂଚୀତ ଜନଜାତି । ସେହିପରି ମଧ୍ୟପ୍ରଦେଶରେ ଏମାନଙ୍କ ସଂଖ୍ୟା ୨୧.୧ ପ୍ରତିଶତ । ଏଭଳିସ୍ଥଳରେ ଉଭୟ ରାଜ୍ୟରେ ଫୋକସ୍ ଆଦିବାସୀ ଭୋଟ୍ ଉପରେ ରହିଛି । ଆଦିବାସୀ ସଂପ୍ରଦାୟର ବିକାଶ ଲାଗି ରାଜନୈତିକ ଦଳଗୁଡ଼ିକ ବିଭିନ୍ନ ପ୍ରତିଶ୍ରୁତି ଦେଇଛନ୍ତି । ଦ୍ୱିତୀୟ ପର୍ଯ୍ୟାୟ ଲାଗି ନିର୍ବାଚନ ପ୍ରଚାର କଥା କହିବାକୁ ଗଲେ ଛତିଶଗଡ଼ରେ ଭୋଟରଙ୍କ ମନ ଜିଣିବାକୁ ବିରୋଧୀ ବିଜେପି ଏବଂ ଶାସକ କଂଗ୍ରେସ ପକ୍ଷରୁ ଜୋରଦାର ପ୍ରୟାସ ଜାରି ରହିଛି । ବିଜେପି ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଚାରର ମଙ୍ଗ ଧରିଥିଲେ । ସେ ୪ଟି ରାଲି କରି ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ଦୁର୍ନୀତିର ଚିଠା ଖୋଲିଥିଲେ । ତାଙ୍କ ବ୍ୟତୀତ ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହ, ରାଜନାଥ ସିଂହ, ସ୍ମୃତି ଇରାନୀ, ବିଜେପି ଅଧ୍ୟକ୍ଷ ଜେପି ନଡ୍ଡା ମଧ୍ୟ ଦଳ ପାଇଁ ପ୍ରଚାର କରିଥିଲେ ।
wp:html/wp:html#WATCH | Madhya Pradesh Elections | Polling material being distributed to election officials in Chhindwara ahead of the state assembly elections that will be held tomorrow, 17th November. pic.twitter.com/AiLbbIjExh
— ANI (@ANI) November 16, 2023
ସେପଟେ ଭୁପେଶ ବାଘେଲ ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ଜନମଙ୍ଗଳକାରୀ ଯୋଜନାକୁ ଭିତ୍ତି କରି କଂଗ୍ରେସ ନିର୍ବାଚନ ପ୍ରଚାର କରିଥିଲା । ରାଜ୍ୟର ୯୦ଟି ବିଧାନସଭା ଆସନ ମଧ୍ୟରୁ ୭୦ଟି ଆସନରେ ଦ୍ୱିତୀୟ ପର୍ଯ୍ୟାୟରେ ଭୋଟ୍ ଗ୍ରହଣ ହେବ । ରାଜିମ ଜିଲ୍ଲାରେ ନକ୍ସଲ ପ୍ରଭାବିତ ବିନ୍ଦ୍ରାନବାଗଡ଼ ଆସନରେ ଥିବା ୯ଟି ପୋଲିଂ ବୁଥକୁ ବାଦ୍ଦେଲେ ଅନ୍ୟ ସବୁ ସ୍ଥାନରେ ସକାଳ ୮ଟାରୁ ଭୋଟଗ୍ରହଣ ଆରମ୍ଭ ହୋଇ ସନ୍ଧ୍ୟା ୫ଟା ଯାଏ ଚାଲିବ । ନକ୍ସଲ ପ୍ରଭାବିତ ପୋଲିଂ ବୁଥ୍ରେ ସକାଳ ୭ଟାରୁ ଅପରାହ୍ଣ ୩ଟାଯାଏ ମତଦାନ ଅନୁଷ୍ଠିତ ହେବ ।
wp:embed {"url":"https://www.prameyanews7.com/rajasthan-bjp-leader-expelled-for-contesting-against-partys-candidate/","type":"wp-embed","providerNameSlug":"prameya-news-7"} /wp:embedଦ୍ୱିତୀୟ ପର୍ଯ୍ୟାୟରେ ମୋଟ୍ ୯୫୮ ଜଣ ପ୍ରାର୍ଥୀ ହୋଇଛନ୍ତି । ସେମାନଙ୍କ ମଧ୍ୟରେ ୮୨୭ ପୁରୁଷ, ୧୩୦ ମହିଳା ଏବଂ ଜଣେ ତୃତୀୟଲିଙ୍ଗୀ ସାମିଲ ରହିଛନ୍ତି । ୧,୬୩,୧୪,୪୭୯ଜଣ ଭୋଟର ୯୫୮ ପ୍ରାର୍ଥୀଙ୍କ ଶୁକ୍ରବାର ଭାଗ୍ୟ ନିର୍ଦ୍ଧାରଣ କରିବେ । ସେଥିମଧ୍ୟରେ ୮୧, ୭୨, ୧୭୧ ଜଣ ମହିଳା ଏବଂ ୬୮୪ଜଣ ତୃତୀୟଲିଙ୍ଗୀ ସାମିଲ । ଦ୍ୱିତୀୟ ପର୍ଯ୍ୟାୟ ନିର୍ବାଚନ ଲାଗି ୧୮,୮୩୩ଟି ପୋଲିଂ ବୁଥ୍ ସ୍ଥାପନ କରାଯାଇଛି । ୭୦୦ ବୁଥ୍କୁ ମହିଳା ପରିଚାଳନା କରିବେ । ମଧ୍ୟପ୍ରଦେଶର ୨୩୦ଟି ବିଧାନସଭା ଆସନ ଲାଗି ଗୋଟିଏ ପର୍ଯ୍ୟାୟରେ ଭୋଟଗ୍ରହଣ ଅନୁଷ୍ଠିତ ହେବ । ୫.୬ କୋଟି ଭୋଟର ୨୫୩୪ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ସକାଳ ୭ଟାରୁ ସନ୍ଧ୍ୟା ୬ଟା ମଧ୍ୟରେ ଭୋଟଗ୍ରହଣ କରାଯିବ । ତେବେ ବାଲାଘାଟ, ଡିଣ୍ଡୋରିର ୪୦ ଏହଂ ମଣ୍ଡଳାର ୫୫ଟି ମତଦାନ କେନ୍ଦ୍ରରେ ସକାଳ ୭ଟାରୁ ୩ଟା ଯାଏ ମତଦାନ ହେବ । ରାଜ୍ୟରେ ମୋଟ ୬୫,୫୨୩ଟି ମତଦାନ କେନ୍ଦ୍ର ସ୍ଥାପନ କରାଯାଇଛି । ଏହାପୂର୍ବରୁ ଗତ ୭ରେ ଛତିଶଗଡ଼ରେ ପ୍ରଥମ ପର୍ଯ୍ୟାୟରେ ୨୦ଟି ଆସନ ଲାଗି ଭୋଟ୍ଗ୍ରହଣ ହୋଇଥିଲା । ଡିସେମ୍ବର ୩ରେ ଦୁଇ ରାଜ୍ୟରେ ଭୋଟଗଣତି ହେବ ।