scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଉତ୍ତରାଖଣ୍ଡ ପରେ ଏବେ ଆସାମରେ UCC ଲାଗୁ କରିବାକୁ ପ୍ରସ୍ତୁତି, ସିଏମ୍ ହିମନ୍ତ ବିଶ୍ୱ ଶର୍ମାଙ୍କ ଘୋଷଣା

12/02/2024 at 8:27 PM

ନୂଆଦିଲ୍ଲୀ: ଉତ୍ତରାଖଣ୍ଡ ପରେ ଏବେ ଆସାମ ମଧ୍ୟ ସମାନ ନାଗରିକ ସଂହିତା ବିଲ୍ ଆଣିବା ପାଇଁ ପ୍ରସ୍ତୁତି କରୁଛି । ରାଜ୍ୟର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ସୋମବାର ନିଜେ ଏହି ଘୋଷଣା କରିଛନ୍ତି । ସେ କହିଛନ୍ତି ଯେ ରାଜ୍ୟ ସରକାର ବହୁବିବାହ ଉପରେ ଅଙ୍କୁଶ ଲଗାଇବା ଏବଂ ୟୁସିସି ପାଇଁ ମଜଭୁତ ଆଇନ ପାଇଁ ଯୋଜନା କରୁଛନ୍ତି । ଗୌହାଟିରେ ସାମ୍ୱାଦିକଙ୍କୁ ପ୍ରତିକ୍ରିୟା ଦେଇ ଶର୍ମା କହିଛନ୍ତି, ସରକାର ବହୁବିବାହ ଉପରେ ପ୍ରତିବନ୍ଧକ ଲଗାଇବା ପାଇଁ ଯୋଜନା କରୁଛନ୍ତି । କିନ୍ତୁ ଏବେ ଉତ୍ତରାଖଣ୍ଡରେ ଆଇନ ପାରିତ ହେବା ପରେ ଏବେ ଏହି ପ୍ରସଙ୍ଗକୁ ୟୁସିସି ସହ ଯୋଡିବା ଉପରେ ବିଚାର କରାଯାଉଛି ।

ହିମନ୍ତ ବିଶ୍ୱ ଶର୍ମା କହିଛନ୍ତି ଯେ ଆସାମ କ୍ୟାବିନେଟରେ ଆଜି ୟୁସିସି ଏବଂ ବହୁବିବାହ ବିଧେୟକ ଉଭୟ ଉପରେ ଚର୍ଚ୍ଚା ହୋଇଛି । ସେ କହିଛନ୍ତି, ‘ଆମେ ବହୁବିବାହକୁ ନେଇ ବିଚାର କରୁଥିଲୁ, କିନ୍ତୁ ଉତ୍ତରାଖଣ୍ଡ ୟୁସିସି ବିଧେୟକ ପାରିତ କରିଛି । ଏବେ ଆମେ ଏହି ଦୁଇ ପ୍ରସଙ୍ଗକୁ ଯୋଡ଼ି କାମ କରୁଛୁ ଫଳରେ ମଜଭୁତ ଆଇନ ଅଣାଯାଇ ପାରିବ । ଆମେ ସ୍ଥିର କରିଛୁ ଯେ ବିଶେଷଜ୍ଞ କମିଟି ବହୁବିବାହ ଏବଂ ୟୁସିସିକୁ ଗୋଟିଏ ଆଇନରେ ସାମିଲ କରିବା ଦିଗରେ ଗୁରୁତ୍ୱ ଦେବ’।

ପଢନ୍ତୁ: ଉତ୍ତରାଖଣ୍ଡ ୟୁସିସି ବିଧେୟକ ବିଧାନସଭାରେ ପାରିତ, ଏପରି କରିବାରେ ଦେଶର ପ୍ରଥମ ରାଜ୍ୟ

ଉତ୍ତରାଖଣ୍ଡ ବିଧାନସଭା ସ୍ୱାଧୀନ ଭାରତର ଇତିହାସରେ ସମାନ ନାଗରିକ ସଂହିତା ବିଧେୟତ ଗୃହୀତ କରିବାରେ ପ୍ରଥମ ବିଧାନସଭା ହୋଇଛି । ସମସ୍ତ ପ୍ରକ୍ରିୟା ଶେଷ ହେବା ପରେ ଉତ୍ତରାଖଣ୍ଡ ୟୁସିସି ଲାଗୁ କରିବାରେ ଦେଶର ପ୍ରଥମ ରାଜ୍ୟର ହୋଇଛି । ବିଧେୟକରେ ସମସ୍ତ ଧର୍ମ-ସମୁଦାୟର ନାଗରିକଙ୍କ ପାଇଁ ବିବାହ, ସମ୍ପତ୍ତି, ଗୁଜୁରାଣ ଭତ୍ତା ଏବଂ ସମ୍ପତ୍ତିର ଉତ୍ତରାଧିକାରୀ ପାଇଁ ଗୋଟିଏ ନିୟମ କରାଯାଇଛି । ତେବେ ଏହି ବିଧେୟକରେ ଅନୁସୂଚିତ ଜନଜାତିଙ୍କୁ ଏହି ବିଧେୟକରେ ସାମିଲ କରାଯାଇ ନାହିଁ ।

   Related Posts