oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

କେନ୍ଦୁଝର : ମାଧବ ସର୍ଦ୍ଦାର, ସୁବର୍ଣ୍ଣ ନାଏକଙ୍କ ସ୍ତ୍ରୀ ନା ଅଭିରାମ ନାଏକ କିଏ ପାଇବେ ବିଜେଡି ଟିକେଟ

8/03/2019 at 2:53 PM

କେନ୍ଦୁଝର ୮|୩ (ବିନୟ ଭୂଷଣ ପଟ୍ଟନାୟକ ) : କେନ୍ଦୁଝର ଜିଲ୍ଲାର କେନ୍ଦୁଝର  ବିଧାନସଭା ଆସନର ସ୍ଥିତି, ସଂକେତ ଏବଂ ସମ୍ଭାବନା ନେଇ କେବେ ଚର୍ଚ୍ଚା ଜୋର ଧରିଛି ।

କେନ୍ଦୁଝର ଲୋକସଭା ଆସନ ଅଧୀନରେ ଅଛି ୭ଟି ବିଧାନସଭା କ୍ଷେତ୍ର । କରଞ୍ଜିଆ, କେନ୍ଦୁଝର, ଚମ୍ପୁଆ, ପାଟଣା, ତେଲକୋଇ, ଘସିପୁରା ଓ ଆନନ୍ଦପୁର । ତେବେ, କେନ୍ଦୁଝର ବିଧାନସଭା ଆସନରୁ ପ୍ରାୟତଃ  ଅଣ କଂଗ୍ରେସ ପ୍ରାର୍ଥୀମାନେ ଜିତିଥାନ୍ତି ।

ଆଜିର କେନ୍ଦୁଝର ଅତୀତରେ ଏକ ଗଡ଼ଜାତ ଅଞ୍ଚଳ ଥିଲା ।ଦ୍ବାଦଶ ଶତାବ୍ଦୀର ପ୍ରଥମାର୍ଦ୍ଧରେ ଏହାର ଗଠନ ହୋଇଥିଲା । ପ୍ରାକୃତିକ ସମ୍ପଦରେ ପରିପୂର୍ଣ୍ଣ ଏହି ଅଞ୍ଚଳକୁ ଭଞ୍ଜ ବଂଶର ରାଜାମାନେ ବର୍ଷ ବର୍ଷ ଧରି ଶାସନ କରିଥିଲେ । ସ୍ବାଧୀନତା ପରେ, ଜାନୁୟାରୀ ୧, ୧୯୪୮ରେ ଜିଲ୍ଲାର ମାନ୍ୟତା ପାଇଲା କେନ୍ଦୁଝର । କେନ୍ଦୁଝର ବିଧାନସଭା ଆସନ ଅନୁସୂଚୀତ ଜନଜାତି  ପ୍ରାର୍ଥୀ ଙ୍କ ପଇଁ ସଂରକ୍ଷିତ । ଜିଲ୍ଲାର ଝୁମ୍ପୁରା ବ୍ଲକର ୧୨ଟି ପଞ୍ଚାୟତ, ବଂଶପାଳ ବ୍ଲକର ୫ ପଞ୍ଚାୟତ, କେନ୍ଦୁଝର ସଦର ବ୍ଲକ ଓ କେନ୍ଦୁଝର ସହରକୁ ନେଇ ଏହି ସଂରକ୍ଷିତ ଆସନର ସୀମା ନିର୍ଦ୍ଧାରଣ କରାଯାଇଛି ।

 ତେବେ, ଆଦିବାସୀ ବହୁଳକେନ୍ଦୁଝର ବିଧାନସଭା କ୍ଷେତ୍ରରେ ବିକାଶର ପ୍ରକ୍ରିୟାଯେ, ସେଭଳି ତ୍ବରାନ୍ବିତ ହୋଇନାହିଁ ଏହା ମାନିବାକୁ ପଡ଼ିବ । ଶିକ୍ଷା, ସ୍ବାସ୍ଥ୍ୟ, ଜଳଯୋଗାଣ ଏବଂ  ଗମନା ଗମନ ମୁଖ୍ୟ ସମସ୍ୟା । କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଶଯ୍ୟା ସଂଖ୍ୟା ବୃଦ୍ଧି, ଅନେକ ବିଦ୍ୟାଳୟରେ ଶ୍ରେଣୀ ଗୃହର ଅଭାବ, ଗ୍ରାମାଞ୍ଚଳରେ ରାସ୍ତା ଓ ପାନୀୟ ଜଳ ସମସ୍ୟାର ସମାଧାନ ହେଉନି । କିଛି ଗାଁରେ ପାଇପ ଜଳ ଯୋଗାଣ କଥା ଦୂରେ ଥାଉ, ନଳକୂପଟିଏ ବି ନାହିଁ । ଲୋକେ ନାଳ ନର୍ଦ୍ଦମାର ଦୂଷିତ ପାଣି ବ୍ୟବହାର କରୁଛନ୍ତି ।

 ସରକାରଙ୍କର ଅନେକ ଲୋକାଭିମୁଖୀ ଯୋଜନାର ସୁଫଳ ପାଉନାହାନ୍ତି ଜନତା । ତେଣୁ ଏଥର ମତଦାତା କେଉଁ ପ୍ରାର୍ଥୀଙ୍କୁ ବାଛିବେ ତାହା ଭବିଷ୍ୟତ କହିବ ।

ବିଜେଡି-ବିଜେପି ମେଣ୍ଟ ଭାଙ୍ଗିବା ପରେ, ୨୦୦୯ରେ କେନ୍ଦୁଝର ବିଧାୟକ ହେଲେ ବିଜୁ ଜନତା ଦଳର ସୁବର୍ଣ୍ଣ ନାୟକ । ୨୦୧୪ରେ ବିଜେଡ଼ି  ପୁଣି ଜିତିଲା । କିନ୍ତୁ ସୁବର୍ଣ୍ଣ ନୁହେଁ ଅଭିରାମ ନାଏକ ହେଲେ ବିଧାୟକ । ବିଧାୟକ ବଦଳିଛନ୍ତି, ମାତ୍ର ସମସ୍ୟା ବହୁଳ ଏହି ନିର୍ବାଚନୀ କ୍ଷେତ୍ରରେ ସେଭଳି ବିକାଶ ହୋଇନି ।

 ଗଣତନ୍ତ୍ର ବିଧି ବ୍ୟବସ୍ଥାରେ ଚୁଡ଼ାନ୍ତ ନିଷ୍ପତ୍ତି ସର୍ବଦା ଜନତାଙ୍କ ହାତରେ । କେନ୍ଦୁଝରବାସୀଙ୍କ  ଅଭିଯୋଗ – ନିର୍ବାଚନ ଆସିଲେ ହିଁ ନେତାଙ୍କ ଦର୍ଶନ ମିଳେ ।  ଅଞ୍ଚଳର ବିକାଶ ଅପେକ୍ଷା, ମୁଖ୍ୟମନ୍ତ୍ରୀଙ୍କ  ଭାବମୂର୍ତ୍ତିୀ ଓ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ପାଇଁ କେନ୍ଦୁଝରରେ ଶାସକ ଦଳ ବାରମ୍ବାର ବାଜି ମାରୁଥିବାର ଆଲୋଚନା ହେଉଛି

 ରାଜନୀତିରେ ‘ଯୋ ଜିତା ୱହି ସିକନ୍ଦର’ । କିନ୍ତୁ ଆଜିର ବ୍ୟୟବହୁଳ ନିର୍ବାଚନ ପାଇଁ ଦଳୀୟ ଟିକେଟ ଦରକାର । ତେଣୁ ସବୁ ପ୍ରମୁଖ ଶିବିରରେ ଏକାଧିକ ଆଶାୟୀ  ଲବିରେ ବ୍ୟସ୍ତ ।  କେନ୍ଦୁଝର ଭଳି ଶାସକ ଦଳର ଗଡ଼ରେ ଶଙ୍ଖ ଚିହ୍ନରେ ନିର୍ବାଚନ ଜିତିବା ଅପେକ୍ଷାକୃତ ସହଜ । ଖାସ୍ ସେଥିଲାଗି ବିଜେଡିରେ ସବୁଠୁ ଅଧିକ ଆଶାୟୀ । ୨୦୦୯ରେ ଜିତିଥିବା ସୁବର୍ଣ୍ଣ ନାଏକ, ଚିଟ୍‌ଫଣ୍ଡ ଲିଙ୍କ ଲାଗି ୨୦୧୪ରେ ବିଜେଡି ଟିକେଟ ପାଇ ନଥିଲେ । ମାତ୍ର ଏଥର ତାଙ୍କ ପତ୍ନୀଙ୍କ ପାଇଁ  ବିଜେଡି ଟିକେଟ ଲାଗି ସେ ଉଦ୍ୟମ କରୁଛନ୍ତି । ସେପଟେ, ୨୦୦୪ରେ କଂଗ୍ରେସ  ଟିକେଟରେ ଲଢି ପରାସ୍ତ ହୋଇଥିବା ମାଧବ ସର୍ଦ୍ଦାର ବି ଏବେ ବିଜେଡି ଆଶାୟୀ ।

୧୯୯୫ରେ ବିଜେପି ପ୍ରାର୍ଥୀ ଯୋଗେନ୍ଦ୍ର ନାଏକ କେନ୍ଦୁଝର ବିଧାୟକ ହୋଇଥିଲେ । ପୂର୍ବରୁ ୧୯୮୦ରେ ଯୋଗେନ୍ଦ୍ର କଂଗ୍ରେସ ଟିକେଟରେ ଜିତିଥିଲେ । ପରେ, ବିଜେପିର ମୋହନ ଚରଣ ମାଝୀ ୨୦୦୦ ଏବଂ ୨୦୦୪ରେ ଶାସକ ମେଣ୍ଟର ପ୍ରାର୍ଥୀ ହୋଇ ବିଧାୟକ ହୋଇଥଲେ । ହେଲେ ୨୦୦୯ରେ ବିଜେଡି ପ୍ରାର୍ଥୀ ଜିତିଲେ ।ମୋହନ ୭୨୬୯ ଭୋଟରେ ଏବଂ ୨୦୧୪ରେ ୮୬୭୬  ଭୋଟରେ ପରାସ୍ତ ହେଲେ ।କିନ୍ତୁ ଏଥର ସେ ଆଶାବାଦୀ କେନ୍ଦୁଝରରେ ପଦ୍ମ ଫୁଟିବ ।

 କେନ୍ଦୁଝର ଆସନରେ କଂଗ୍ରେସ ଦଳର ପ୍ରଦର୍ଶନ ଆଶାଜନକ ନୁହେଁ । ୧୯୫୧ରୁ ୧୫ଥର ନିର୍ବାଚନରେ ୧୯୮୦କୁ ଛାଡ଼ିଦେଲେ କେନ୍ଦୁଝରରେ କେବେ କଂଗ୍ରେସ  ଜିତି ପାରିନି । ମାତ୍ର ଏଥର ପରିସ୍ଥିତି ବଦଳିବ ବୋଲି ହାତ ଚିହ୍ନ ଆଶାୟୀ ବିଶ୍ବାସ ରଖିଛନ୍ତି ।ଆଶାୟୀ ତାଙ୍କ ଢୋଲ ପିଟିବା ସ୍ବାଭାବିକ । କିନ୍ତୁ କେଉଁ ଦଳ କାହାକୁ ଭରସା କରିବ ତାହା ସମୟ କହିବ ।

   Related Posts