ଗଞ୍ଜାମ ୧୭|୧୦:  ବନ୍ୟା ପାଣିରେ ବୁଡି ରହିଥିଲା ଗଞ୍ଜାମ ଜିଲ୍ଲାର ଆସିକା ସହର । ବାତ୍ୟା ଯିବାପରେ ସାଙ୍ଘାତିକ ରୂପ ନେଇଥିଲା ବନ୍ୟା ପରିସ୍ଥିତି । ଲଗାଣ ବର୍ଷା କାଳ ସାଜିଥିଲା ଲୋକଙ୍କ ପାଇଁ । ବନ୍ୟା ଘେରରେ ଜଳବନ୍ଦୀ ଥିବା ବେଳେ ଅନେକ କ୍ଷୟକ୍ଷତି ହୋଇଥିଲା । ଏଥିରୁ ବାଦ୍ ପଡିନଥିଲା ଆସିକାର ଏସବିଆଇ ବ୍ୟାଙ୍କ । ବନ୍ୟାରେ ବ୍ୟାଙ୍କ ସମସ୍ତ ଫାଇଲ ପତ୍ର ଧୋଇଯାଇ ନଷ୍ଟ ହୋଇଥିବା ବେଳେ କୋଟି କୋଟି ଟଙ୍କା ମଧ୍ୟ ପାଣିରେ ବୁଡି ରହିଥିଲା ।  ବ୍ୟାଙ୍କ ଛାତ ଉପରେ କୋଟି କୋଟି ଟଙ୍କା ଶୁଖାଯାଉଥିବା  ଫଟୋ ଓ ଭିଡିଓ  ଭାଇରାଲ ହୋଇଛି । ଏ ସଂକ୍ରାନ୍ତରେ ଆସିକା ବ୍ୟାଙ୍କ ମ୍ୟାନେଜର ଉମାକାନ୍ତ ତ୍ରିପାଠୀ ଟଙ୍କା ଶୁଖାଯିବା ବିଷୟରେ କିଛି କହିବା ପାଇଁ ମନାକରିଦେଇଥିଲେ ।