ପୁରୁଷ ହକି ସେମିଫାଇନାଲ୍ ରେ ଭାରତ ମାଲେସିଆଠାରୁ ପରାସ୍ତ
Published By : Prameya-News7 Bureau | August 31, 2018 IST
ପୁରୁଷ ହକିରେ ଭାରତର ସ୍ୱର୍ଣ୍ଣ ପଦକ ଜିତିବା ଆଶା ମଉଳି ଯାଇଛି। ଗୁରୁବାର ମାଲେସିଆଠାରୁ ୬-୭ ଗୋଲ୍ ରେ ହାରିବା ପରେ ଏସିଆଡ଼୍ରେ ଲଗାତାର ଦ୍ୱିତୀୟ ବାର ବିଜେତା ହେବା ସ୍ୱପ୍ନ ବି ଭାଙ୍ଗି ଚୁର୍ ମାର୍ ହୋଇ ଯାଇଛି। ଭାରତକୁ ୭-୬ରେ ଗୋଲରେ ହରାଇଛି ମାଲେସିଆ । ୨-୨ରେ ମ୍ୟାଚ୍ ଅମିମାଂସିତ ରହିବାରୁ ପେନାଲଟି ସୁଟ୍ ଆଉଟର ସାହାଯ୍ୟ ନିଆଯାଇଥିଲା । ଯେଉଁଥିରେ ମ୍ୟାଚ ଜିତିଯାଇଥିଲା ମାଲେସିଆ । ସଂଘର୍ଷପୂର୍ଣ୍ଣ ସେମିଫାଇନାଲ୍ ମୁକାବିଲାରେ ଭାରତ ୨-୧ରେ ଆଗୁଆ ଥିଲା ବେଳେ ଶେଷ ମିନିଟ୍ ରେ ଗୋଟିଏ ଗୋଲ୍ ଦେଇଥିଲା ମାଲେସିଆ । ଏହା ପରେ ପେନାଲ୍ଟି ସୁଟଆଉଟ୍ ର ୫ ସଟ୍ ରେ ଉଭୟ ଦଳ ଦୁଇଟି ଲେଖାଏଁ ଗୋଲ୍ କରି ପୁଣି ଥରେ ବରାବର ସ୍ଥିତିରେ ରହିଥିଲେ। ହେଲେ ମାଲେସିଆ ଚମତ୍କାର ବିଜୟ ହାସଲ କରି ଫାଇନାଲ ଟିକେଟ ହାତେଇଛି । ଶନିବାର ଫାଇନାଲରେ ଜାପାନ ଓ ମାଲେସିଆ ମୁକାବିଲା ହେବ । ତେବେ ପରାଜୟ ପରେ ଭାରତ ଏବେ ବ୍ରୋଞ୍ଜ ପଦକ ପାଇଁ କାଲି ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନ ସହ ଲଢ଼ିବ।