scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଏସିଆ କପରେ ଇତିହାସ ରଚିବେ ଜାଡେଜା : ମାଲିଙ୍ଗାଙ୍କ ବଡ ରେକର୍ଡ ଭାଙ୍ଗିବା ପାଇଁ ରହିଛି ସୁଯୋଗ

15/08/2022 at 9:52 AM

ନୂଆଦିଲ୍ଲୀ,୧୫/୮ : ଆଉ କିଛି ଦିନ ପରେ ଆରମ୍ଭ ହେବ ଏସିଆ କପ୍ । ଗତଥର ଭାରତ ଏହି ଟୁର୍ଣ୍ଣାମେଣ୍ଟର ଚାମ୍ପିଅନ୍ ହୋଇଥିଲା । ଚଳିତ ଥର ମଧ୍ୟ ଭାରତ ଫେଭରେଟ୍ । ତେବେ ଭାରତୀୟ ଷ୍ଟାର୍ ଅଲରାଉଣ୍ଡର୍ ରବୀନ୍ଦ୍ର ଜାଡେଜାଙ୍କ ଉପରେ ସମସ୍ତଙ୍କ ନଜର ରହିବ । କାରଣ ତାଙ୍କ ପାଖରେ ଏକ ବଡ ମାଇଲଷ୍ଟୋନ୍ ହାସଲର ସୁଯୋଗ ରହିଛି ।

ଜାଡେଜା ଓ ବାଂଲାଦେଶ ଅଧିନାୟକ ଶାକିବ୍ ଅଲ୍ ହାସନଙ୍କ ପାଖରେ ଲସିଥ ମାଲିଙ୍ଗାଙ୍କ ରେକର୍ଡ ଭାଙ୍ଗିବାର ସୁଯୋଗ ରହିଛି । ଏସିଆ କପରେ ସବୁଠୁ ଅଧିକ ଓ୍ୱିକେଟ୍ ନେଇଥିବା ବୋଲର ହେଲେ ମାଲିଙ୍ଗା । ସେ ୧୫ ମ୍ୟାଚରେ ୪.୭୦ ଇକୋନୋମିରେ ୩୩ ଓ୍ୱିକେଟ୍ ନେଇଛନ୍ତି । ସେ ଏବେ କ୍ରିକେଟକୁ ଅଲବିଦା କହି ସାରିଛନ୍ତି । ଫଳରେ ଜଡେଜା ଓ ଶାକିବ୍ ଶ୍ରୀଲଙ୍କାର ଏହି ମହାନ ବୋଲରଙ୍କୁ ପଛରେ ପକାଇପା ପାଇଁ ଚେଷ୍ଟା କରିବେ ।

ଏସିଆ କପରେ ସର୍ବାଧିକ ଓ୍ୱିକେଟ୍ ନେଇଥିବା ଖେଳାଳି ତାଲିକାରେ ପଞ୍ଚମରେ ଅଛନ୍ତି ଶାକିବ । ସେ ୧୮ ମ୍ୟାଚରୁ ୨୪ ଓ୍ୱିକେଟ୍ ନେଇଛନ୍ତି । ମାଲିଙ୍ଗାଙ୍କୁ ପଛରେ ପକାଇବା ପାଇଁ ତାଙ୍କୁ ଆଉ ୧୦ ଓ୍ୱିକେଟ୍ ଦରକାର ।

ସେହିପରି ଜାଡେଜା ଏବେସୁଦ୍ଧା ଏସିଆ କପରେ ୨୨ ଓ୍ୱିକେଟ୍ ନେଇଛନ୍ତି । ତାଙ୍କୁ ମାଲିଙ୍ଗାଙ୍କ ରେକର୍ଡ ଭାଙ୍ଗିବା ପାଇଁ ଆଉ ୧୨ ଓ୍ୱିକେଟ୍ ଦରକାର ।

ସୂଚନାଯୋଗ୍ୟ, ଭାରତ ଆସନ୍ତା ୨୮ ତାରିଖରୁ ଏସିଆ କପ୍ ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚରେ ଟିମ୍ ରୋହିତ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ । ସେହିପରି ବାଂଲାଦେଶ ନିଜ ପ୍ରଥମ ମ୍ୟାଚ୍ ଆଫଗାନିସ୍ତାନ ବିପକ୍ଷରେ ଶାରଜାହରେ ଖେଳିବ ।

   Related Posts