ମୁମ୍ଵାଇ ୨୪।୧୨: 'ପଠାନ'ର ପ୍ରଥମ ଗୀତ' ବେସରାମ ରଙ୍ଗ 'ରିଲିଜ୍ ହେବା ମାତ୍ରେ ବିବାଦ ଆରମ୍ଭ ହୋଇଛି। ଏହି ଗୀତରେ ଦୀପିକାଙ୍କ ସାଫ୍ରନ୍ ରଙ୍ଗର ବିକିନିକୁ ଦେଖି ଆପତ୍ତି ଉଠାଇବା ସହ ଅଭିଯୋଗ କରିଛନ୍ତି। ଏହା ସହ ଶାହରୁଖଙ୍କୁ ଓ ଦୀପିକାଙ୍କୁ ମୃତ୍ୟୁ ଧମକ ଦିଆଯାଇଥିଲା। ଏହି ବିତର୍କରେ ଭେଟେରାନ୍ ଅଭିନେତ୍ରୀ ଆଶା ପାରେଖ କହିଛନ୍ତି ଯେ ଆମର ଚିନ୍ତାଧାରା ବହୁତ ଛୋଟ ହୋଇଯାଉଛି।
ଆଶା ପାରେଖଙ୍କୁ ଚଳିତ ବର୍ଷ ଦାଦା ସାହେବ ଫାଲକେ ପୁରସ୍କାରରେ ସମ୍ମାନିତ କରାଯାଇଥିଲା। ବର୍ତ୍ତମାନ ଇଣ୍ଡଷ୍ଟ୍ରିରେ ଚାଲିଥିବା ଭଗବା ବିକିନି ଉପରେ ନୁହେଁ ବରଂ କମଳା ରଙ୍ଗର ବିକିନି ଉପରେ ପ୍ରଶ୍ନ ଉଠିଛି। ଲାଗୁଛି ମୁଣ୍ଡ କାମ କରିବା ବନ୍ଦ ହୋଇଯାଇଛି। ଫିଲ୍ମ ତ ଫିଲ୍ମ ହେଲେ ଏହାର ଉଦ୍ଦେଶ୍ୟ ହେଉଛି ମନୋରଞ୍ଜନ କରିବା । ଆହୁରି କହିଛନ୍ତି ଯେ ଯଦି କେହି କମଳା କପଡା ପିନ୍ଧିଛନ୍ତି କିମ୍ବା ଫିଲ୍ମର ନାମ ରଖିଛନ୍ତି, ତେବେ ଆମେ ଏହାକୁ ବ୍ୟାନ୍ କରିବୁ କି? ଏସବୁ ଆଦୌ ଭଲ ନୁହେଁ, ଏହି କାରଣରୁ ଆମର ଇଣ୍ଡଷ୍ଟ୍ରି ମରିଯାଉଛି । ବର୍ତ୍ତମାନ ପରିସ୍ଥିତି ବହୁତ ଖରାପ ବଲିଉଡ ଚଳଚ୍ଚିତ୍ର ଚାଲୁନାହିଁ । ବଏକଟ୍ ଏବଂ ନିଷେଧାଦେଶ ଭଳି ସମସ୍ୟା ଅନେକ କ୍ଷତି ଘଟାଇଥାଏ।
ଏହା ବ୍ୟତୀତ ଲୋକମାନଙ୍କୁ ସୂଚାଇ ଦେଇଛନ୍ତି ଯେ ଏହି ଉପାୟରେ ଇଣ୍ଡଷ୍ଟ୍ରୋ ଶେଷ ହୋଇଯିବ। ସେହିଭଳି, କରୋନା ପରେ ଲୋକମାନେ ହଲ ଯାଉନାହାଁନ୍ତି। ଏପରି ପରିସ୍ଥିତିରେ ଯଦି ଚଳଚ୍ଚିତ୍ରଗୁଡ଼ିକ ଫ୍ଲପ୍ ହେଉଥିବ, ତେବେ ନିର୍ମାତାମାନେ କିପରି ନୂଆ ଚଳଚ୍ଚିତ୍ର ନିର୍ମାଣ କରିବାକୁ ସାହସ ଜୁଟାଇ ପାରିବେ? ଏହି ସବୁ ଭିତରେ ଆଶା ପାରେଖ ବର୍ତ୍ତମାନର ପରିବେଶକୁ ଭୁଲ ବୋଲି କହିଛନ୍ତି।