ନୂଆଦିଲ୍ଲୀ ୨୮।୫: ୟୁକ୍ରେନ ଉପରେ ଆକ୍ରମଣ ଲାଗି ପାଶ୍ଚାତ୍ୟ କଟକଣା ନିମନ୍ତେ ଋଷିଆ ଡଲାରରେ କାରବାର ବନ୍ଦ କରିଛି। ଫଳରେ ହେବାକୁ ଥିବା ବିଦେଶୀ ପୈଠ ଅଟକି ଯାଇଥିବା ବେଳେ ଭାରତୀୟ ତୈଳ କମ୍ପାନୀଙ୍କ ଲାଭାଂଶ ଆୟ ବାବଦକୁ ୮ ବିଲିୟନ ରୁବଲ ଅର୍ଥାତ ଭାରତୀୟ ମୁଦ୍ରାରେ ୧୦୦୦ କୋଟି ଟଙ୍କା ଫଶି ଯାଇଛି ।
ସାର୍ବଜନିକ ତୈଳ କମ୍ପାନୀଙ୍କ ଅନୁସାରେ ଭାରତୀୟ ପେଟ୍ରୋଲିୟମ କମ୍ପାନୀମାନେ ଋଷିଆରେ ୪ ଭିନ୍ନ ଭିନ୍ନ ପରିସମ୍ପତ୍ତିର ଅଂଶୀଦାର ଅଛନ୍ତି। ଏ ବାବଦେ ୫.୪୬ ବିଲିୟନ ଡଲାରର ନିବେଶ କରିଛି ଭାରତ। ଏହି ପରିସମ୍ପତ୍ତିମାନଙ୍କରୁ ବାହାରୁଥିବା ତୈଳ ଓ ଗ୍ୟାସ ବିକ୍ରିରୁ ମିଳୁଥିବା ଲାଭାଂଶରୁ ଭାରତୀୟ କମ୍ପାନୀଙ୍କ ଆୟ ହୋଇଥାଏ । ତେବେ ୟୁକ୍ରେନ ଉପରେ ଆକ୍ରମଣ ପରଠାରୁ ସରକାର ଡଲାରରେ ପୈଠ କରିବା ବନ୍ଦ କରିଦେଇଛନ୍ତି। ଏହି କଟକଣା ଯୋଗୁ ଭାରତୀୟ ତୈଳ କମ୍ପାନୀମାନେ ସେମାନଙ୍କର ଆୟ ଉଠାଣ କରିପାରୁ ନାହାନ୍ତି।
{"id":635538,"width":839,"height":546,"sizeSlug":"full","linkDestination":"none"}ଋଷିଆର ଭାଙ୍କୋରନେଫ୍ଟ ତୈଳ ଏବଂ ଗ୍ୟାସ୍ କ୍ଷେତ୍ରରେ ଭାରତୀୟ କମ୍ପାନୀଙ୍କ ୪୯.୯ ପ୍ରତିଶତ ଭାଗିଦାରୀ ଥିବା ବେଳେ ଟାସ୍-ୟୁରିୟାଖ ନେଫ୍ତଗେଜେଦୋବାଇଚା କ୍ଷେତ୍ରରେ ୨୯.୯ ପ୍ରତିଶତ ଭାଗିଦାରୀ ରହିଛି। ଅଏଲଇଣ୍ଡିଆ ଲିଃଙ୍କ ନିର୍ଦ୍ଦେଶକ (ଅର୍ଥ) ହରିଶ ମାଧବଙ୍କ ଅନୁସାରେ ଆମକୁ ଆମ ପ୍ରକଳ୍ପମାନଙ୍କରୁ ନିୟମିତ ଲାଭାଂଶ ଆୟ ମିଳିଯାଏ। ତେବେ ଋଷିଆ-ୟୁକ୍ରେନ ଯୁଦ୍ଧ ଯୋଗୁ ବୈଦେଶିକ ମୁଦ୍ରା ମୂଲ୍ୟରେ ଅସ୍ଥିରତା ଯୋଗୁ ଋଷିଆ ସରକାର ଡଲାର ଉଠାଣ ଉପରେ କଡ଼ା କଟକଣା ଲାଗୁ କରିଦେଇଛନ୍ତି।
ଟାସ୍ କ୍ଷେତ୍ରରେ ଭାରତୀୟ କମ୍ପାନୀଙ୍କୁ ଲାଭାଂଶ ପ୍ରତି ତ୍ରୈମାସିକରେ ମାଳିଯାଉଥିବା ବେଳେ ଭାଙ୍କୋରନେଫ୍ଟ ପ୍ରତି ୬ ମାସିକ ଆଧାରରେ ପୈଠ କରିଥାନ୍ତି। ଋଷିଆର ଏହି ଭାଗିଦାରୀ କମ୍ପାନୀମାନଙ୍କରେ ଭାରତର ପ୍ରାୟ ୮ ବିଲିନ ରୁବଲ ଲାଭାଂଶ ଫଶି ରହିଛି। ଯଦିଓ ଏହା ସେପରି ବଡ଼ ରାଶି ନୁହେଁ ତେବେ ଋଷିଆ-ୟୁକ୍ରେନ ସଂକଟ ସମାଧାନ ହେବା ପରେ ମିଳିଯିବ ବୋଲି ଆଶାବ୍ୟକ୍ତ କରାଯାଉଛି। ଭାରତୀୟ କମ୍ପାନୀମାନଙ୍କ ଅଧିକାରୀଙ୍କ କହିବା ଅନୁସାରେ ସେହି ସବୁ ତୈଳ ଓ ଗ୍ୟାସ କ୍ଷେତ୍ରର ପରିଚାଳନା ଉପରେ ଯୁଦ୍ଧର କୌଣସି ପ୍ରଭାବ ପଡି ନାହିଁ। ସେହି ସବୁ ସ୍ଥାନରେ ଉତ୍ପାଦନ ସ୍ୱଭାବିକ ରହିଛି।