scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କୋଏମ୍ବାଟୁର ଶିଳ୍ପୀଙ୍କ ନିଆରା ପ୍ରତିକୃତି, ପ୍ରସ୍ତୁତ କଲେ ୪ ଗ୍ରାମ୍ ସୁନାରେ ଦେଢ ଇଞ୍ଚର ଚନ୍ଦ୍ରଯାନ

22/08/2023 at 6:12 PM

ତାମିଲନାଡୁ ୨୨/୦୮: ବଢୁଛି ଉତ୍କଣ୍ଠା। ଇତିହାସ ରଚିବାକୁ ଆଉ ମାତ୍ର ପାଦେ। କେଇ ଘଣ୍ଟାର ସମୟ ବାକି । ବୁଧବାର ସଂଧ୍ୟାରେ ଚନ୍ଦ୍ରପୃଷ୍ଠରେ ଅବତରଣ କରିବ ଚନ୍ଦ୍ରଯାନ-୩ । ଏହି ଐତିହାସିକମୁହୂର୍ତ୍ତପାଇଁଆରମ୍ଭହୋଇଛିକାଉଣ୍ଟଡାଉନ । ରାଜ୍ୟଠୁ ରାଜଧାନୀ ସବୁଠି ଚାଲିଛି ପୂଜାର୍ଚ୍ଚନା । ସାରା ବିଶ୍ୱର ରହିଛି ନଜର । ଏହାରି ଭିତରେ ନଜର ଆସିଛି କୁନି ଚନ୍ଦ୍ରଯାନ । ଆଉ ଏହାକୁ ପ୍ରସ୍ତୁତ କରିଛନ୍ତି କୋଏମ୍ବାଟୁରର ମିନିଚର ଆର୍ଟିଷ୍ଟ । ୪ ଗ୍ରାମର ସୁନା ବ୍ୟବହାର କରି ପ୍ରସ୍ତୁତ କରିଛନ୍ତି ଲ୍ୟାଣ୍ଡର ବିକ୍ରମର ଛୋଟିଆ ମଡେଲ ।

ଦେଢ ଇଞ୍ଚର ଚନ୍ଦ୍ରଯାନ । ତା ପୁଣି ସୁନାରେ ତିଆରି । ଦେଖିବାକୁ ଖୁବ୍ ସୁନ୍ଦର । ଆକୃତି ରହିଛି  ବଲ୍‌ଠାରୁ ଛୋଟିଆ । ଏହାକୁ ପ୍ରସ୍ତୁତ କରିଥିବା କଳାକାର ମାରିଆପନ୍ କୁହନ୍ତି ଯେବେ ଦେଶରେ କିଛି ବଡ ଘଟଣା ଘଟିଲେ ସେ ସୁନାର ମିନିଏଚର୍ ପ୍ରସ୍ତୁତ କରନ୍ତି । ତାଙ୍କ କହିବା କଥା ପ୍ରତି ଭାରତୀୟଙ୍କ ପାଇଁ ଏହା ଗର୍ବ ଓ ଗୌରବର ମୁହୂର୍ତ୍ତ । ଏହି ମିଶନରେ କାର୍ଯ୍ୟ କରୁଥିବା ସମସ୍ତ ବୈଜ୍ଞାନିକଙ୍କୁ ସମ୍ମାନ ଜଣାଇ ସେ ଏହି ସୁନାର ମଡେଲ କରିଛନ୍ତି ପ୍ରସ୍ତୁତି । ଏହାକୁ ତିଆରି କରିବାକୁ ଲାଗିଥିଲା ୪୮ ଘଣ୍ଟା । ୪ ଗ୍ରାମ ସୁନା ବ୍ୟବହାର ହେତୁ ଏହାର ମୂଲ୍ୟ ବି ରହିଛି ୨୫ ହଜାର ଟଙ୍କା ।

ଦେଢ ଇଞ୍ଚର ଏହି କ୍ଷୁଦ୍ରଯାନ ଦେଖିବାକୁ ଅବିକଳ ଲ୍ୟାଣ୍ଡର ବିକ୍ରମ ପରି । ଲ୍ୟାଣ୍ଡର ବିକ୍ରମ ପରି ଏଥିରେ ରହିଛି ଚାରିଟି ଗୋଡ । ମାରିଆପ୍ପାନ ଏହା ଉପରେ ଗୋଟିଏ ଛୋଟିଆ ତ୍ରିରଙ୍ଗା ବି ରଖିଛନ୍ତି । ଯାହା ଭାରତର ଗୌରବକୁ ଦର୍ଶାଉଛି । ଆଉ ସୁନ୍ଦର ଦିଶୁଥିବା ଏହି ଛୋଟିଆ ଚନ୍ଦ୍ରାୟନର ଚିତ୍ର ଏବେ  ସୋସିଆଲ ମିଡିଆରେ ବେଶ୍ ଭାଇରାଲ୍ ।

you can also read…

   Related Posts