ଭଦ୍ରକ ୩୧/୧: କଳା ଶିକ୍ଷକରୁ ୟୁ ଟ୍ୟୁବର । ଆନିମେଟେଡ଼ ଭିଡ଼ିଓ ମାଧ୍ୟମରେ ରୋଜଗାର ଲକ୍ଷାଧିକ ଟଙ୍କା । କିନ୍ତୁ ଯୋଗାଇଛନ୍ତି ୧୨ରୁ ଅଧିକଙ୍କୁ ରୋଜଗାର । ଅଧିକାଂଶ ନିଜ ଗାଁର ଛାତ୍ରଛାତ୍ରୀ ।

ଭଦ୍ରକ ଜିଲ୍ଲା ବନ୍ତ ବ୍ଲକ ଟିଲୋ ସ୍ଥିତ ପାଞ୍ଚବାଟିଆ ଗାଁରେ ଏବେ ଅନେକ ଛାତ୍ରଛାତ୍ରୀ ରୋଜଗାର କ୍ଷମ । ପାଠ ପଢିବା ସହ ଘର ପାଇଁ ଅର୍ଥ ଉପାର୍ଜନ କରୁଛନ୍ତି । ଯେଉଁଠାରେ କାମ ଶିଖୁଛନ୍ତି , ସେହିଠାରେ ମଧ୍ୟ କାମ କରି ବେଶ ଦୁଇ ପଇସା କମାଉଛନ୍ତି । ଏହି ଗାଁର କଳା ଶିକ୍ଷକ ପ୍ରଫୁଲ୍ଲ ନାୟକଙ୍କ ଉଦ୍ୟମ ଏବେ ସବୁଠି ଚର୍ଚ୍ଚାରେ ।

ପ୍ରଫୁଲ୍ଲ ସାର ଶିକ୍ଷକତା ସହ ବଳକା ସମୟ ରେ ୟୁ ଟ୍ୟୁବରେ ଶିକ୍ଷଣାତ୍ମକ ଭିଡ଼ିଓ ଅପଲୋଡ଼ କରନ୍ତି । ସମସ୍ତ ଭିଡ଼ିଓ ଆନିମେଟେଡ଼ । ସୁକୁଟା କମେଡି ନାମରେ ଚାଲିଛି ପେଜ । ଏହି ଆନିମେଟେଡ଼ ଭିଡ଼ିଓ ପାଇଁ ପ୍ରଥମେ ଷ୍ଟୋରୀ ବୋର୍ଡ ରେଡି ହେବା ପରେ ଭଏସ ରେକର୍ଡ ହୁଏ ଓ ପୁଣି ଆନିମେସନ ହୋଇ ଷ୍ଟୋରୀ ପ୍ରସ୍ତୁତ ହୋଇ ୟୁଟ୍ୟୁବ ରେ ଅପଲୋଡ ହୁଏ ।

ଏବେ ଏହି ସୁକୁଟା କମେଡି ପେଜ ରେ ୫ ଲକ୍ଷରୁ ଅଧିକ ସବସ୍କ୍ରାଇବର ଅଛନ୍ତି । ମାସିକ ଲକ୍ଷାଧିକ ଟଙ୍କା ରୋଜଗାର ହେଉଥିବା ବେଳେ ଗାଁର ୧୨ରୁ ଅଧିକ ଛାତ୍ରଛାତ୍ରୀ ମାସିକ ଦରମା ନେଇ କାମ କରୁଛନ୍ତି ।