AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

‘ପୁଅ ଭାରତକୁ ବିଶ୍ୱକପ ଜିତାଇବ’ : ଦଳରେ ଚୟନ ପରେ ଖୁସିରେ ଅର୍ଶଦୀପଙ୍କ ପୁରା ପରିବାର

13/09/2022 at 10:37 AM

ନୂଆଦିଲ୍ଲୀ, ୧୩|୦୯ : ଅଷ୍ଟ୍ରେଲିଆରେ ଅକ୍ଟୋବର ୧୬ରେ ଆରମ୍ଭ ହେବାକୁ ଯାଉଛି ଟି୨୦ ବିଶ୍ୱକପ୍ । ଏଥିପାଇଁ ଭାରତୀୟ ଟିମ୍ ଘୋଷଣା ହୋଇଛି । ଏଥିରେ ସ୍ଥାନ ପାଇଛନ୍ତି ଦ୍ରୁତ ବୋଲର ଅର୍ଶଦୀପ ସିଂ । ଯାହାକୁ ନେଇ ତାଙ୍କ ପରିବାର ଲୋକେ ଖୁସି ଅଛନ୍ତି । ଏହାସହ ଅର୍ଶଦୀପ ଭାରତକୁ ବିଶ୍ୱକପ ଜିତାନ୍ତୁ ବୋଲି ପରିବାର ଲୋକେ ଆଶା ରଖିଛନ୍ତି ।  

ଅର୍ଶଦୀପଙ୍କ ମାଆ ବଲଜିତ କୌର ସୋମବାର ସନ୍ଧ୍ୟାରେ ପୁଅ ବିଶ୍ୱକପ ଟିମରେ ସାମିଲ ହୋଇଥିବା ଖବର ପାଇଥିଲେ । ଏହି ସମୟରେ ସେ ନିଜ ପୂଜାଘରେ ପ୍ରାର୍ଥନା କରୁଥିଲେ । ଏହାକୁ ନେଇ ସେ କହିଛନ୍ତି ଯେ, ତାଙ୍କ ପ୍ରାର୍ଥନା ଭଗବାନ ଶୁଣିଛନ୍ତି ।

ଅର୍ଶଦୀପ ଆଇପିଏଲରେ ନିଜର ଜଲଓ୍ୱା ଦେଖାଇଥିଲେ । ସେ ଡେଥ୍ ଓଭରରେ ଦମଦାର୍ ବୋଲିଂ କରି ସମସ୍ତଙ୍କ ହୃଦୟ ଜିତିଥିଲେ । ସେ ବିଶ୍ୱକପ ଟିମମରେ ସାମିଲ ପାଞ୍ଚ ବୋଲରଙ୍କ ମଧ୍ୟରେ ଅନ୍ୟତମ ।

ତେବେ ପୁଅର ଚୟନ ନେଇ ମାଆ କହିଛନ୍ତି ଯେ, ଭାରତର ଜିତିବାରେ ଯୋଗଦାନଠୁ ଆରମ୍ଭ କରି ପାକିସ୍ତାନଠୁ ହାରିବା ଯାଏଁ ସେ ପୁଅ କ୍ୟାରିଅରର ଅନେକ ଘଟଣା ଦେଖିଛନ୍ତି । ପୁଅ ସଦାବେଳେ ସକରାତ୍ମକ ରହିଥାଏ । ଯେତେବେଳେ ପୁଅର ଚୟନ ହେଲା ସେ ପ୍ରାର୍ଥନା କରୁଥିଲେ । ଏବେ ପୁଅ ବିଶ୍ୱକପ ଜିତାଇବ । ସେ ଭାରତ କିପରି ଟ୍ରଫି ଜିତିବ ଓ ପୁଅ ଭଲ ପ୍ରଦର୍ଶନ କରିବେ ସେନେଇ ପ୍ରାର୍ଥନା କରିଥିବା କହିଛନ୍ତି ।

ସୂଚନାଯୋଗ୍ୟ, ଦ୍ରୁତ ବୋଲର ଜସପ୍ରିତ ବୁମରାହ ଓ ଡେଥ୍ ଓଭରର ସ୍ପେଶାଲିଷ୍ଟ ହର୍ଷଲ ପଟେଲ ଆହତ ଜନିତ କାରଣରୁ କିଛି ସମୟ ବାଦ୍ ପଡିଥିଲେ । ଏବେ ଉଭୟ ପୁଣି ଦଳକୁ ଫେରିଛନ୍ତି । ଏମାନଙ୍କ ବ୍ୟତୀତ ଭୁବନେଶ୍ୱର କୁମାର, ଅର୍ଶଦୀପ ସିଂଙ୍କୁ ମଧ୍ୟ ଦଳରେ ନିଆଯାଇଛି ।

   Related Posts