scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଗଷ୍ଟ ୧୫ରେ ହୋଇଥାନ୍ତା ଉରି ଭଳି ଆକ୍ରମଣ : ସେନା କ୍ୟାମ୍ପରେ ଅନୁପ୍ରବେଶ ବେଳେ ୨ ଆତଙ୍କୀ ନିପାତ

11/08/2022 at 8:03 AM

ନୂଆଦିଲ୍ଲୀ, ୧୧|୦୮: ଉରି ଭଳି ଆକ୍ରମଣ ଉଦ୍ୟମ ପଣ୍ଡ । ସ୍ୱାଧିନତା ଦିବସ ପୂର୍ବରୁ ଜମ୍ମୁ କାଶ୍ମୀରର ପରଗଲରେ ଉରି ଭଳି ଆକ୍ରମଣ ଟଳିଯାଇଛି । ଏଠାରେ କିଛି ଆତଙ୍କବାଦୀ ସେନା କ୍ୟାମ୍ପରେ ପ୍ରବେଶ କରିବାକୁ ଚେଷ୍ଟା କରୁଥିଲେ । ଏହାପରେ ସୁରକ୍ଷାକର୍ମୀ ପାଲଟା ଜବାବ ଦେଇଥିଲେ । ଏଥିରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି ।

୧୧ ରାଷ୍ଟ୍ରୀୟ ରାଇଫଲ୍ସର ତଥ୍ୟ ଅନୁସାରେ, ରଜୌରୀରେ ଥିବା ପରଗଲ ସେନା କ୍ୟାମ୍ପରେ କିଛି ଆତଙ୍କବାଦୀ ଅନୁପ୍ରବେଶ ଉଦ୍ୟମ କରୁଥିଲେ । ଏହାପରେ ସେନା ସେମାନଙ୍କୁ ରୋକିଥିଲା । ଉଭୟ ପକ୍ଷ ମଧ୍ୟରେ ଭୟଙ୍କର ଗୁଳିମାଡ ହୋଇଥିଲା । ଏଥିରେ ଦୁଇ ଜଣ ଆତଙ୍କୀ ନିପାତ ହୋଇଛନ୍ତି । ସେନାର ତିନି ଯବାନ ମଧ୍ୟ ସହିଦ ହୋଇଛନ୍ତି । ଏବେ ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଛି ।

ସେପଟେ ଧରହଲ ପୋଲିସ ଷ୍ଟେସନରୁ ୬ କିମି ଦୂରରେ ଥିବା ଯବାନଙ୍କୁ ପରଗଲ ଅଭିମୁଖେ ପଠାଯାଇଛି । କୁହାଯାଉଛି ଯେ, ଆତଙ୍କବାଦୀମାନେ ଉରି ଭଳି ଆକ୍ରମଣ ପାଇଁ ଚେଷ୍ଟା କରୁଥିଲେ ।

୨୦୧୬ରେ ଉରି ଆକ୍ରମଣ

୨୦୧୬ରେ ପାକିସ୍ତାନରୁ ଆସିଥିବା ଜୈଶ-ଏ-ଅହମ୍ମଦର ଆତଙ୍କବାଦୀ ସେନାର ଏକ କ୍ୟାମ୍ପ ଉପରେ ଅତର୍କିତ ଆକ୍ରମଣ କରିଥିଲେ । ଏଥିରେ ୧୯ ଯବାନ ସହିଦ ହୋଇଥିଲେ । ୩୦ ଯବାନ ଆହତ ହୋଇଥିଲେ । ପରେ ଚାରି ଆତଙ୍କବାଦୀଙ୍କୁ ନିପାତ କରାଯାଇଥିଲା । ଏହାପରେ ଭାରତ ପିଓକେ ମଧ୍ୟରେ ପ୍ରବେଶ କରି ସର୍ଜିକାଲ ଷ୍ଟ୍ରାଇକ୍ କରିଥିଲା । ଆତଙ୍କବାଦୀଙ୍କ ଲଞ୍ଚ୍ ପ୍ୟାଡ ଧଂସ କରିଥିଲା ସେନା । ଯେଉଁଥିରେ ୫୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ ।

   Related Posts