ଜଳେଶ୍ୱର ୨୩/୧୨: ମାନସିକ ଦୁଶ୍ଚିନ୍ତାରେ ଯୁବକ ବେକରେ କପଡା ଦେଇ ଆତ୍ମହତ୍ୟା । ଘଟଣା ସ୍ଥଳରେ ପୋଲିସ ପହଂଚି ମୃତଦେହ ଜବତ କରି ତଦନ୍ତ କରୁଛି ।

ସୂଚନା ଅନୁଯାୟୀ ବାଲେଶ୍ଵର ଜିଲ୍ଲା ଜଳେଶ୍ୱର ଥାନା ଗୋଭରଘଟ ଗ୍ରାମରେ ଦେଖିବାକୁ ମିଳିଛି ଅଭାବନୀୟ ଘଟଣା । ଗ୍ରାମର ୫୫ ବର୍ଷୀୟ ସମୀର ଘୋଷାଲ ଦୀର୍ଘ ଦିନ ଧରି ପରିବାରର ଧାର କରଜକୁ ନେଇ ମାନସିକ ଦୁଶ୍ଚିନ୍ତାରେ ରହୁଥିଲେ । ଗତକାଲି ରାତିରେ ପରିବାର ସହିତ ଖାଇପିଇ ଶୋଇଥିଲାବେଳେ ବିଳମ୍ବିତ ରାତିରେ ଘର ପଛପଟେ ବେକରେ କପଡା ଦେଇ ଗଛରେ ଝୁଲି ପଡ଼ିଥିଲେ ସମୀର ।

ପରିବାର ଲୋକେ ଆଜି ସକାଳେ ସମୀର ଗଛରେ ଝୁଲୁଥିବା ଦେଖିବାକୁ ପାଇଥିଲେ । ଏନେଇ ପରିବାର ଲୋକେ ଜଳେଶ୍ୱର ଥାନାକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଜଳେଶ୍ୱର ପୋଲିସ ପହଂଚି ମୃତଦେହ ଜବତ କରି ବ୍ୟେବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି ।