ଭୁବନେଶ୍ୱର ୨୪।୧୨ : ବ୍ଲାକମେଲିଂ କୁଇନ୍ ଅର୍ଚ୍ଚନା ନାଗ ଗିରଫ ମାମଲାରେ ତନାଘନା। ଶନିବାର ଜେଲ ଯାଇ ଅର୍ଚ୍ଚନାଙ୍କ ହସ୍ତାକ୍ଷର ଏବଂ ଟିପ ଚିହ୍ନ ସଂଗ୍ରହ କରିଛି ଖଣ୍ଡଗିରି ଥାନା ପୋଲିସ । ଏହାକୁ ହାଣ୍ଡ ରାଇଟିଂ ବ୍ୟୁରୋକୁ ପଠାଯିବ।
ତେବେ ତଦନ୍ତ ବେଳେ ପୋଲିସକୁ ମିଳିଥିବା ଅର୍ଚ୍ଚନାଙ୍କ ଡାଏରୀରେ ଥିବା ଲେଖା କାହାର ? ଅର୍ଚ୍ଚନାଙ୍କ ହାତଲେଖା ସହ ଡାଏରୀରେ ଥିବା ଲେଖାର ସାମଞ୍ଜସ୍ୟ ରହିଛି କି ନାହିଁ ସେନେଇ ଖୋଳତାଡ କରିବ ପୋଲିସ । ଆସନ୍ତା ୩୧ ତାରିଖରେ ଭୁବନେଶ୍ବର ଏଡିଜେ କୋର୍ଟରେ ପ୍ରାୟ ୧୫୦୦ ପୃଷ୍ଠା ବିଶିଷ୍ଟ ଚାର୍ଜସିଟ ଦାଖଲ କରିବ ଖଣ୍ଡଗିରି ଥାନା ପୋଲିସ ।
ସେପଟେ ପୁଣି ରିମାଣ୍ଡରେ ଗଲେ ତାଙ୍କ ସ୍ବାମୀ ଜଗବନ୍ଧୁ ଚାନ୍ଦ। ଇଡି ଆଜିଠାରୁ ତାଙ୍କୁ ୪ ଦିନିଆ ରିମାଣ୍ଡରେ ନେଇ ଜେରା କରିବ । ଶୁକ୍ରବାର ଜଗବନ୍ଧୁଙ୍କ ୯ ଦିନିଆ ରିମାଣ୍ଡ ଅବଧି ଶେଷ ହୋଇଥିଲା। ଦ୍ୱିତୀୟ ପର୍ଯ୍ୟାୟ ରିମାଣ୍ଡରେ ଇଡି ଜଗବନ୍ଧୁଙ୍କୁ ଇଲେକ୍ଟ୍ରୋନିକ ଡିଭାଇସ୍ ସମ୍ପର୍କରେ ପଚରାଉଚରା କରିପାରେ। ମନି ଲଣ୍ଡରିଂ ମାମଲାରେ ପ୍ରମାଣ ପାଇବା ପରେ ଜଗବନ୍ଧୁଙ୍କୁ ଗିରଫ କରିଥିଲା ଇଡି।