ବିନିକା୨୬/୦୩: ସୋନପୁର ଜିଲ୍ଲା କ୍ରିକେଟ୍ ସଂଘର ପକ୍ଷପାତିତା ନୀତି । ନିଜ କ୍ଲବ୍ ଖେଳାଳିଙ୍କୁ ଅଗ୍ରାଧିକାର ଦେଉଥିବାରୁ କଳାହାଣ୍ଡି କପରୁ ବାଦ୍ ପଡ଼ିଛନ୍ତି ବିନିକା ସ୍ପୋର୍ଟସ ବ୍ଲକର ପ୍ରତିଭା ସମ୍ପନ୍ନ  ଖେଳାଳି । ଏହାର ସମାଧାନ ନହେବା ପର୍ଯ୍ୟନ୍ତ ଜିଲ୍ଲାସ୍ତରୀୟ ଖେଳ ପାଇଁ ଯେଉଁସବୁ ସୂଚନା ଆସିବ ତାକୁ ପ୍ରତ୍ୟାଖାନ କରାଯିବ ବୋଲି ସାମ୍ବାଦିକ ସମ୍ମିଳନୀ କରି କହିଛନ୍ତି ସ୍ପୋର୍ଟସ କ୍ଲବର ସଭାପତି ସୋମନାଥ ମିଶ୍ର ।

୨୦୨୩ ଓସିଏ ଭିଜନ କ୍ରିକେଟ୍ ଟୁର୍ଣ୍ଣାମେଣ୍ଟରେ ବିନିକା ସ୍ପୋର୍ଟସ କ୍ଲବ ଚମ୍ପିୟାନ ହେଇଥିଲା । ଏହି କ୍ଲବର ଖେଳାଳିମାନେ ଉଚ୍ଚକୋଟିର ଖେଳ ପ୍ରଦର୍ଶନ କରିଥିଲେ । ବ୍ୟାଟର ଆକାଶ ବନଛୋର, ପିଣ୍ଟୁ ଦୀପ,  ବାବୁଲୁ ରାଉତ, ୱିକେଟ କିପର ଆଶୁତୋଷ ଦାସ, ବୋଲର ରଂଜନ ବେହେରା, ପ୍ରତାପ ସାହୁ, ଜିତେନ୍ଦ୍ରିୟ ବେରିହା ଆଦି ଚତ୍ମକାର ପ୍ରଦର୍ଶନ କରିଥିଲେ । ହେଲେ ଏହି ଖେଳାଳିମାନଙ୍କୁ ଚଳିତ କ୍ରିକେଟ୍ ସିଜିନରେ କଳାହାଣ୍ଡି କପ୍ ଖେଳିବାରୁ ବଞ୍ଚିତ ହୋଇଛନ୍ତି । ଡିସିଏର ମାନମାନି ପାଇଁ କଳାହାଣ୍ଡି କପରୁ ବାଦ୍ ପଡ଼ିଛନ୍ତି ବିନିକା ସ୍ପୋର୍ଟସ କ୍ଲବର ଖେଳାଳିମାନେ । ଯାହାକୁ ନେଇ ଡିସିଏର ଏଭଳି କାର୍ଯ୍ୟକୁ ସଭାପତି ନିନ୍ଦା କରିଛନ୍ତି । ଡିସିଏ ସଠିକ୍ ସୂଚନା ଦେଉନଥିବା ଅଭିଯୋଗ ହୋଇଛି । ଫଳରେ ଅଣ୍ଡର ୧୫, ୧୭ ଓ ୧୯ ମ୍ୟାଚରୁ ପିଲାମାନେ ବାଦ୍ ପଡ଼ୁଛନ୍ତି ।

ସେହିପରି ଡିସିଏ ମନମୁଖି କାର୍ଯ୍ୟପାଇଁ ରାଜ୍ୟ ସରକାରଙ୍କ ପକ୍ଷରୁ ମିଳୁଥିବା ସୁବିଧା ସୁଯୋଗ ମିଳୁନଥିବା ଆଭିଯୋଗ କରିଛନ୍ତି ବିନିକା ସ୍ପୋର୍ଟସ କ୍ଲବର କର୍ତ୍ତୃପକ୍ଷ । କଟକ ବାରବାଟୀ ଷ୍ଟାଡିୟମରେ ଅନୁଷ୍ଟିତ ଆନ୍ତର୍ଜାତୀୟ ମ୍ୟାଚରେ ମିଳୁଥିବା ପାସକୁ ଡିସିଏ ଠିକ୍ ଭାବେ ବାଣ୍ଟୁ ନଥିବା କହିଛନ୍ତି କ୍ଲବର ପିଲା । ଡିସିଏ ମନମୁଖି ଶାସନ ଚଲାଇଥିବାରୁ ବିନିକା ବ୍ଲକର ଖେଳାଳିମାନେ ଜାତୀୟ ସ୍ତରରେ ସୁଯୋଗ ପାଇବାରୁ ବଞ୍ଚିତ ହେଉଛନ୍ତି । ତେଣୁ ଏହାର ଶୀଘ୍ର ସମାଧାନକରିବାରୁ ବିନିକା ସ୍ପୋର୍ଟସ କ୍ଲବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହିତ କ୍ରୀଡମନ୍ତ୍ରୀ ଏବଂ ଓସିଏକୁ ଅନୁରୋଧ କରିଛନ୍ତି । ଶୀଘ୍ର ସମସ୍ୟା ସମାଧାନ ହେବ ବୋଲି କ୍ଲବର ଖେଳାଳିମାନେ ଆଶା ରଖିଛନ୍ତି ।