ମୁମ୍ଵାଇ ୧୨।୦୩: ଜୋହନ୍ସବର୍ଗରେ ଏକ କନ୍ସର୍ଟ ସମୟରେ ଦକ୍ଷିଣ ଆଫ୍ରିକାର ରାପର ତଥା ସଙ୍ଗୀତଜ୍ଞ କୋଷ୍ଟା ଟିଚ୍‌ଙ୍କର ମୃତ୍ୟୁ ଘଟିଛି। କୋଷ୍ଟା ଟିଚ୍ ବୟସ ମାତ୍ର ୨୭ ବର୍ଷ । ହେଲେ ତାଙ୍କ ମୃତ୍ୟୁର କୌଣସି ଅଫିସିଆଲ ନିଶ୍ଚିତତା ହୋଇନାହିଁ। ତଥାପି ଦକ୍ଷିଣ ଆଫ୍ରିକା ସଂସଦର ସଦସ୍ୟ ଜୁଲିୟସ ସେଲୋ ମାଲେମାଙ୍କ ସମେତ ବିଭିନ୍ନ କଳାକାର, ସଙ୍ଗୀତ ନେଟୱାର୍କ ଏବଂ ପ୍ରଶଂସକମାନେ ସମବେଦନା ଜଣାଇଛନ୍ତି।

RIP Costa Titch pic.twitter.com/zQN4pvl6hD

— 𝐍𝐰𝐚𝐧𝐲𝐞 (@nwanyebinladen) March 11, 2023

ଏହି ଘଟଣା ଘଟିବା ପରେ ଜୋହନ୍ସବର୍ଗର ଅଲଟ୍ରା ଦକ୍ଷିଣ ଆଫ୍ରିକା ସଙ୍ଗୀତ କନସର୍ଟରେ କୋଷ୍ଟା ଟିଚ୍ ପରଫମାନ୍ସ କରିଥିଲେ। ଯେତେବେଳେ ସେ ମଞ୍ଚ ଉପରେ ପଡ଼ିଥିଲେ ସେତେବେଳେ ଏହି ସମୟର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଭିଡିଓରେ ଦେଖିବାକୁ ମିଳିଥିଲା ଯେ ସେ ପ୍ରଥମେ ପଡିଯାଆନ୍ତି ଏବଂ ତା’ପରେ ନିଜକୁ ସମ୍ଭାଳନ୍ତି କିନ୍ତୁ କିଛି ସମୟ ପରେ ବେହୋଶ ହୋଇଯାଆନ୍ତି ଏବଂ ତା’ପରେ ଚେତନା ଫେରି ନଥାଏ । ତେବେ ଏପରଯ୍ୟନ୍ତ ତାଙ୍କ ମୃତ୍ୟୁର କାରଣ ଜଣା ପଡିନାହିଁ।

ଦକ୍ଷିଣ ଆଫ୍ରିକାର ସଂଗୀତ ଶିଳ୍ପ ପାଇଁ ଏହା ଏକ ବଡ ଝଟକା । ଏହାପୂର୍ବରୁ ଫେବୃଆରୀ ମଧ୍ୟଭାଗରେ ଲୋକପ୍ରିୟ ରାପର୍ କିର୍ନାନ୍ ଫୋର୍ବସ୍, ଯାହା AKA ନାମରେ ଜଣାଶୁଣା। ତାଙ୍କୁ ଏକ ରେଷ୍ଟୁରାଣ୍ଟରେ ଗୁଳିମାରି ହତ୍ୟା କରାଯାଇଥିଲା । ଫେବୃଆରୀ ୨୦୨୨ରେ, ରିକି ରିକ୍ ନାମରେ ଜଣାଶୁଣା ସଂଗୀତଜ୍ଞ ରିଖାଦୋ ମାଖାଦୋଙ୍କର ଆତ୍ମହତ୍ୟା କରିଥିଲେ।