scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବଲିଉଡ୍ ଜଗତକୁ ଆଉ ଏକ ଝଟ୍‌କା: ଅନୁରାଧା ପୌଡ଼ୱାଲଙ୍କ ପୁଅ ଆଦିତ୍ୟ ପୌଡ଼ୱାଲଙ୍କ ପରଲୋକ

12/09/2020 at 11:42 AM

ମୁମ୍ବାଇ ୧୨/୦୯ : ବର୍ଷ ୨୦୨୦ ବଲିଉଡ ଜଗତ ପାଇଁ ଅନେକ ଶୋକ ସମ୍ବାଦ ଆଣିଛି । ଚଳିତ ବର୍ଷ ବଲିଉଡର ଅନେକ ସେଲିବ୍ରିଟିଙ୍କ ପରଲୋକ ହୋଇଛି । ଋଷି କପୁର, ଇରଫାନ ଖାନ, ୱାଜିଦ ଅଲିଙ୍କ ସମେତ ଅନେକ ସିଲିବ୍ରିଟି ଦୁନିଆକୁ ଅଲବିଦା କରିଛନ୍ତି । ମନୋରଞ୍ଜନ ଜଗତରୁ ଆଉ ଏକ ଦୁଃଖଦ ଖବର ଆସିଛି । ବଲିଉଡର ପ୍ରଚ୍ଛଦପଟ ଗାୟିକା ଅନୁରାଧା ପୌଡ଼ୱାଲଙ୍କ ପୁଅ ଆଦିତ୍ୟ ପୌଡ଼ୱାଲଙ୍କ ପରଲୋକ ହୋଇଛି । ଆଦିତ୍ୟ ପୌଡ଼ୱାଲଙ୍କ ଦେହାନ୍ତ ପରେ ପୁରା ପରିବାରରେ ଶୋକର ଛାୟା ଖେଳିଯାଇଛି । ୩୫ ବର୍ଷ ବୟସରେ ସେ ଦୁନିଆକୁ ସବୁଦିନ ପାଇଁ ଅଲବିଦା କରି ଚାଲି ଯାଇଛନ୍ତି ।

ପ୍ରାପ୍ତ ସୂଚନା ଅନୁଯାୟୀ, ଗତ କିଛି ମାସ ହେଲା ତାଙ୍କ ସ୍ୱାସ୍ଥ୍ୟବସ୍ଥା ଭଲ ନଥିଲା । କିଡନୀ ସମସ୍ୟା ଯୋଗୁଁ ସେ ହସ୍ପିଟାଲରେ ଭର୍ତ୍ତି ଥିଲେ । କିଡନୀ ଫେଲ ହେବାରୁ ଶନିବାର ସକାଳେ ତାଙ୍କର ଆକସ୍ମିକ ଦେହାନ୍ତ ହୋଇଛି ।

ଆଦିତ୍ୟ ପୌଡ଼ୱାଲ ମଧ୍ୟ ନିଜ ମା’ଙ୍କ ଭଳି ଭଜନ ଓ ଭକ୍ତି ସଂଗୀତ ଗାଉଥିଲେ । ଏକ ଇଣ୍ଟରଭ୍ୟୁରେ ଆଦିତ୍ୟ କହିଥିଲେ ଯେ ସେ ଭକ୍ତି ଗୀତରେ ହିଁ ଧ୍ୟାନ କେନ୍ଦ୍ରିତ କରିବାକୁ ଚାହୁଁଛନ୍ତି । ସେ ଜଣେ ସଂଗୀତ ନିର୍ଦେଶକ ମଧ୍ୟ ଥିଲେ । ଦେଶର ସବୁଠାରୁ କମ ବୟସ ସଂଗୀତ ନିର୍ଦେଶକ ବର୍ଗରେ ଲିମକା ବୁକ ଅଫ ରେକର୍ଡରେ ତାଙ୍କ ନାଁ ସାମିଲ ଅଛି ।

   Related Posts