scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଳ୍ପନା ହତ୍ୟା ଘଟଣାର ଫିଟୁଛି ଗୁମର : ଅନୁପ ସାଏଙ୍କ ଡ୍ରାଇଭର ଅଟକ, ଘଟଣା ବେଳେ ଥିଲା ଉପସ୍ଥିତ

15/02/2020 at 10:40 AM

ଝାରସୁଗୁଡା ୧୫।୨: ଛତିଶଗଡ ରାୟଗଡ ଡବଲ ମର୍ଡର ଘଟଣାରେ ଅନୁପ ସାଏଙ୍କ ପ୍ରତ୍ୟକ୍ଷ ସଂପୃକ୍ତି ଥିବା ସ୍ପଷ୍ଟ ହେବା ପରେ ପୋଲିସ ତାଙ୍କୁ ଗିରଫ କରି ଜେଲ୍ ପଠାଇଦେଇଛି । ମାତ୍ର ହତ୍ୟାକାଣ୍ଡରେ ଏବେବି ସସପେନ୍ସ ଲାଗିରହିଛି । ତେବେ ଅନୁପଙ୍କ ବୟାନ ଆଧାରରେ ହତ୍ୟାକାଣ୍ଡ ବେଳେ ତାଙ୍କ ଡ୍ରାଇଭର ମଧ୍ୟ ସେଠାରେ ଉପସ୍ଥିତ ଥିଲା । ତେବେ ପୋଲିସ ଆଜି ଅନୁପଙ୍କ ଡ୍ରାଇଭର ବର୍ଦ୍ଧନ ଟପ୍ପୋକୁ ଗିରଫ କରିଛି । ତେବେ ଡ୍ରାଇଭରଙ୍କୁ ପଚରାଉଚରା ପରେ ହତ୍ୟାକାଣ୍ଡ ସଂପର୍କରେ ଅଧିକ ତଥ୍ୟ ଜଣାପଡିବ ବୋଲି କୁହାଯାଉଛି ।

ସୂଚନାଯୋଗ୍ୟ ଯେ, ଝାରସୁଗୁଡା ଜିଲ୍ଲା ବ୍ରଜରାଜନଗରର କଳ୍ପନା ଦାସ ଓ ତାଙ୍କ ନାବାଳିକା ଝିଅଙ୍କୁ ହତ୍ୟା ଘଟଣାରେ ପୂର୍ବତନ ବିଧାୟକ ଅନୁପ ସାଏଙ୍କ ସଂପୃକ୍ତି ନେଇ ଖୁଲାସା କରିଛି ରାୟଗଡ ପୋଲିସ । ତେବେ ପରକୀୟା ପ୍ରୀତି ପାଇଁ ଏହି ହତ୍ୟାକାଣ୍ଡ ଘଟିଥିବା ପୋଲିସ ଖୁଲାସା କରିଛି । ଅତି ନିବିଡ଼ି ସଂପର୍କ ହେବା ପରେ କଳ୍ପନା ବିବାହ ପାଇଁ ଜିଦ୍ ଧରିଥିଲେ । ପୂର୍ବରୁ ବିବାହିତ ଓ ତାଙ୍କ ପରିବାର ଅଛି ବୋଲି କହି ଏଥିରେ ରାଜି ହୋଇନଥିଲେ ଅନୁପ । ହେଲେ କଳ୍ପନା ବାରମ୍ବାର ଚାପ ପ୍ରୟୋଗ କରିବାରୁ ତାଙ୍କୁ ରାସ୍ତାରୁ ହଟାଇବାକୁ ଅନୁପ ଷଡଯନ୍ତ୍ର କରିଥିଲେ ।

ଏଥିପାଇଁ ତାଙ୍କର ବିଶ୍ବସ୍ତ ଡ୍ରାଇଭରର ସହଯୋଗରେ ୨୦୧୬ ମେ ୬ରେ ପ୍ରେମିକା କଳ୍ପନା ଓ ତାଙ୍କ ଝିଅକୁ ଛତିଶଗଡ ରାୟଗଡରେ ବିବାହ କରିବାକୁ ନେଇଥିଲେ । ଫେରିବା ବାଟରେ ଅନୁପଙ୍କ ମୁଣ୍ଡରେ ପଶିଥିଲା ଖଳବୁଦ୍ଧି। ହମିରପୁର ଜଙ୍ଗଲ ନିକଟ ରାସ୍ତାରେ କଳ୍ପନା ଓ ତାଙ୍କ ଝିଅଙ୍କୁ ଲୁହା ରଡ୍ ରେ ପିଟି ହତ୍ୟାକରିଥିଲେ । ଘଟଣାକୁ ଦୁର୍ଘଟଣାର ରୂପ ଦେବା ଏବଂ ଯେପରି କେହି ମୃତଦେହକୁ ଚିହ୍ନି ନପାରିବେ ସେଥିପାଇଁ ତାଙ୍କ ଗାଡି ବାରମ୍ବାର ମୃତଦେହ ଉପରେ ଚଢାଇ ମୁଣ୍ଡକୁ ବିକୃତ କରିବାକୁ ଚେଷ୍ଟା କରିଥିଲେ ।

କଳ୍ପନା ସୁନୀଲ ଶ୍ରୀବାସ୍ତବଙ୍କୁ ବିବାହ କରିଥିଲେ । କିନ୍ତୁ ସୁନୀଲଙ୍କ ସହିତ ତାଙ୍କର ବିବାହ ବିଚ୍ଛେଦ ହୋଇଯାଇଥିଲା । ଆଉ ଏତିକିବେଳେ କଳ୍ପନାଙ୍କ ଜୀବନରେ ଏଣ୍ଟ୍ରି ମାରିଥିଲେ ଅନୁପ ସାଏ। । ସେତେବେଳେ ବିଧାୟକ ଥିବା ଅନୁପ ସାଏ ଭୁବନେଶ୍ବର ସୁନ୍ଦରପଦାରେ ଏକ ଫ୍ଲାଟ୍ କିଣି  କଳ୍ପନା  ଓ ତାଙ୍କ ନାବାଳିକା ଝିଅଙ୍କୁ ସେଠାରେ ରଖିଥିଲେ । ଝିଅ ଭୁବନେଶ୍ବରର ଏକ ନାମୀ ସ୍କୁଲରେ ପଢୁଥିଲା ।  ହେଲେ କଳ୍ପନାଙ୍କ ବିବାହ ଜିଦ୍ ହିଁ ଅନୁପଙ୍କୁ ପ୍ରେମୀରୁ ପାପୀ କରିଦେଇଥିଲା ।

   Related Posts