କଟକ ୧୦/୦୫: ହାଜର ହେଲେ ନାହିଁ ଅନୁଭବ ମହାନ୍ତି । ହୋଇପାରିଲାନି ଚାର୍ଜ ଫ୍ରେମ୍। ଅନୁଭବ ଓ ଦୁଇ ସହଯୋଗୀ ଆଜି ହାଜର ହେବାକୁ ନିର୍ଦ୍ଦେଶ ଥିଲା । ବ୍ୟକ୍ତିଗତ କାରଣ ଦର୍ଶାଇ ନିଜ ଓକିଲଙ୍କ ଜରିଆରେ କୋର୍ଟଙ୍କୁ ସମୟ ମାଗିଲେ । କୋର୍ଟ ଆବେଦନକୁ ଗ୍ରହଣ କରି ସମୟ ଦେଲେ ।
ଆସନ୍ତା ସୋମବାର ହାଜର ହେବେ ଅନୁଭବ ମହାନ୍ତି ଓ ତାଙ୍କ ସହଯୋଗୀ । ବର୍ଷାଙ୍କ ପକ୍ଷରୁ ଦାୟର ମାମଲାରେ ଜେ ଏମ ଏଫ୍ ସି ସ୍ଵତନ୍ତ୍ର କୋର୍ଟରେ ଆଜି ହେବାର ଥିଲା ଚାର୍ଜ ଫ୍ରେମ୍ ।
ସୂଚନା ଥାଉକି ଗତ ୮ ତାରିଖରେ ଡିସଚାର୍ଜ ପିଟିସନ ଖାରଜ କରିବା ସହ ଚାର୍ଜଫ୍ରେମ୍ ପାଇଁ ନିର୍ଦେଶ ଦେଇଥିଲେ ସ୍ୱତନ୍ତ୍ର ଜେଏମଏଫ୍ସି କୋର୍ଟ । ବର୍ଷାଙ୍କ ପକ୍ଷରୁ ଦାୟର ହୋଇଥିଲା ନିର୍ଯାତନା ମାମଲା । ଯାହାକୁ ଖାରଜ କରିବାକୁ ଆବେଦନ କରିଥିଲେ ଅନୁଭବ।
ଅନୁଭବଙ୍କ ବିରୋଧରେ ବର୍ଷାଙ୍କ ଘରୋଇ ହିଂସା ଅଭିଯୋଗ ମାମଲାର ରାୟ ପ୍ରକାଶ ପାଇଥିଲା । ସାଂସଦ ତଥା ଅନୁଭବ ଅନୁଭବ ମହାନ୍ତିଙ୍କ ବିରୋଧରେ ବର୍ଷା ପ୍ରିୟଦର୍ଶିନୀ ନିର୍ଯାତନା ମାମଲା ରୁଜୁ କରିଥିବା ବେଳେ ଏହାକୁ ରଦ୍ଦ କରିବା ପାଇଁ ପ୍ରାର୍ଥନା କରି ଅନୁଭବ ଏମପି ଏମେଲଏ ସ୍ୱତନ୍ତ୍ର ଅଦାଲତରେ କରିଥିଲେ ପ୍ରାର୍ଥନା ।
କିନ୍ତୁ ଏହାକୁ ବର୍ଷାଙ୍କ ପକ୍ଷରୁ ବିରୋଧ କରାଯିବା ସହ ଏହି ମାମଲାରେ ଚାର୍ଜଫ୍ରେମ୍ ପାଇଁ ଯୁକ୍ତି ରଖାଯାଇଥିଲା । କହିବାକୁ ଗଲେ ନିର୍ଯାତନା ଅଭିଯୋଗ ନେଇ ଅନୁଭବଙ୍କ ବିରୋଧରେ ବର୍ଷା ଦାଏର କରିଛନ୍ତି ମାମଲା । ଏହି ମାମଲାକୁ ରଦ୍ଦ ପାଇଁ ଅନୁଭବ ଅଦାଲତରେ ପ୍ରାର୍ଥନା କରିଥିଲେ । ଏହା ଉପରେ ବର୍ଷାଙ୍କ ପକ୍ଷରୁ ଏପିପି ଅଫରାଜ୍ ଅହମ୍ମଦ ଜବାବ ରଖି ଦର୍ଶାଇଥିଲେ ଯେ, ଅନୁଭବ ନିର୍ଯାତନା ଦେଇଥିବା ନେଇ ଯଥେଷ୍ଟ ପ୍ରମାଣ ରହିଛି ।
ଅନୁଭବଙ୍କ ବିରୋଧରେ ଚାର୍ଜଫ୍ରେମ୍ ପାଇଁ ମଧ୍ୟ ଯଥେଷ୍ଟ ତଥ୍ୟ ରହିଛ । ଅଦାଲତ ଏସବୁକୁ ଗ୍ରହଣ ଅନୁଭବଙ୍କ ବିରୋଧରେ ଏହି ମାମଲାରେ ଚାର୍ଜଫ୍ରେମ ପାଇଁ ମଧ୍ୟ ଯଥେଷ୍ଟ ତଥ୍ୟ ରହିଛି । ଅଦାଲତ ଏସବୁକୁ ଗ୍ରହଣ କରି ଅନୁଭବଙ୍କ ବିରୋଧରେ ଏହି ମାମଲାରେ ଚାର୍ଜଫ୍ରେର୍ଜ ପାଇଁ ନିର୍ଦ୍ଦେଶ ଦେବାକୁ ସେ ପ୍ରାର୍ଥନା କରିଥିଲେ ।