vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ୟୁକ୍ରେନରେ ଋଷର ଘନଘନ ଆକ୍ରମଣ, ଲୁହାଂସ୍କକୁ କବଜା କଲା ପୁଟିନ ସେନା
  • ||
  • ସେୟାର ବଜାରରେ ଉତ୍ସାହ : ଆରମ୍ଭରୁ ସବୁଜ ରଙ୍ଗରେ ଖୋଲିଲା ସେନସେକ୍ସ ଓ ନିଫ୍ଟି
  • ||
  • ‘ଶିବସେନାକୁ ଶେଷ କରିବାକୁ ଚାହୁଁଚି ବିଜେପି’ : ଗୁରୁତର ଅଭିଯୋଗ ଆଣିଲେ ଉଦ୍ଧବ
  • ||
  • କାହିଁକି ମ୍ୟାଚରେ ପଛେଇଗଲା ଭାରତ ? କାରଣ କହିଲେ ବ୍ୟାଟିଂ କୋଚ୍
  • ||
  • ଭୂମିକମ୍ପରେ ଥରିଲା ଆଣ୍ଡାମାନ-ନିକୋବର, ରିକ୍ଟର ସ୍କେଲରେ ତୀବ୍ରତା ୫.୦
  • ||
  • ଲଘୁଚାପ ପ୍ରଭାବରେ ୪ ଦିନ ପ୍ରବଳ ବର୍ଷା, ଅଧିକ ଭିଜିବ ଏହି ସବୁ ଜିଲ୍ଲା
  • ||
  • ବୁମରାହଙ୍କ ପଡିଆ ଛାଡିବା ଟିମ୍‌କୁ ପଡିଲା ମହଙ୍ଗା, ଦୁଇଟି ରିଭ୍ୟୁ ବରବାଦ କଲେ ପନ୍ତ
  • ||

ମିସ୍ 420ଙ୍କ ଠକେଇ ତାଲିକା ଲମ୍ବି ଲମ୍ବି ଯାଉଛି : ଥାନାକୁ ଆସିଲେ ଆଉ ୨ ଅଭିଯୋଗକାରୀ, କହିଲେ- ଆମେ ହରାଇଛୁ ୨୬ଲକ୍ଷ

14/08/2020 at 4:53 PM

ଅନୁଗୋଳ ୧୪।୮: ମିସ୍ 420ଙ୍କ ଚୁନା ମାରିବାର ଗୋଟିଏ ପରେ ଗୋଟିଏ ଘଟଣା ପଦାକୁ ଆସୁଛି । ଜଣେ ଡାକ୍ତରଙ୍କଠାରୁ ୪ ଲକ୍ଷ ୫୭ ହଜାର ନୁହେଁ ବରଂ ଆହୁରି କିଛି ଲୋକଙ୍କଠାରୁ ଅନେକ ଟଙ୍କା ଠକିଥିବାର ଅଭିଯୋଗ ଆସିଛି । ସବୁ ଅଭିଯୋଗକୁ ହିସାବ କଲେ ଏହି ସୁନ୍ଦରୀ ତରୁଣୀ ବିଭିନ୍ନ ଲୋକଙ୍କଠାରୁ ୨୫ ଲକ୍ଷ ଟଙ୍କାରୁ ଅଧିକ ଠକିନେଇଛନ୍ତି । ସଂପୃକ୍ତ ଯୁବତୀଙ୍କୁ ରିମାଣ୍ଡରେ ନେଇଛି କୋଲିୟାରୀ ପୋଲିସ, ହୁଏତ ଓଗାଳିପାରେ ସବୁ ସତ ।

ଧୀରେ ଧୀରେ ଗୁମର ଫିଟୁଛି । ମିସ୍ 420ର କଳା କାରନାମା ତାଲିକା ଲମ୍ବି ଲମ୍ବି ଯାଉଛି । ତାଳଚେର କୋଲିୟାରୀ ଥାନାରେ କିଛି ଲୋକ ତାଙ୍କଠାରୁ ଟଙ୍କା ଠକି ନେଇଥିବା ଅଭିଯୋଗ କରିଛନ୍ତି । ନାରାୟଣ ବେହେରାଙ୍କଠାରୁ ୨୫ ଲକ୍ଷ ଏବଂ ନିର୍ମଳ ବେହେରାଙ୍କଠାରୁ ୧ ଲକ୍ଷ ୫ ହଜାର ଟଙ୍କା ଠକି ନେଇଥିବା ସେମାନେ ଥାନାରେ ଅଭିଯୋଗ କରିଛନ୍ତି ।

ଅଭିଯୋଗକୁ ଭିତ୍ତିକରି କୋଲିୟାରୀ ପୋଲିସ ସଂପୃକ୍ତ ଯୁବତୀଙ୍କୁ ଦିନିକିଆ ରିମାଣ୍ଡରେ ଆଣି ପଚରାଉଚରା କରୁଛି । କାହା ପାଖରୁ କେତେଟଙ୍କା ଆଣିଛି, କିପରି ଆଣିଛି ସେ ସବୁର ଖୋଳତାଡ ଆରମ୍ଭ କରିଛି ପୋଲିସ । ସେ ସବୁଟଙ୍କା କେଉଁଠି ରଖିଛି ତାହାର ତଦନ୍ତ ଆରମ୍ଭ କରିଛି ପୋଲିସ । ଖାଲି ସେତିକି ନୁହେଁ ଏ କେସରେ ତା ମା’ ମଧ୍ୟ ସାମିଲ ଅଛନ୍ତି ବୋଲି ଜଣାପଡିଛି। ସେ ମଧ୍ୟ ତଦନ୍ତର ପରିସୀମା ଭିତରକୁ ଆସୁଛନ୍ତି ବୋଲି ସରକାରୀ ଓକିଲ କହିଛନ୍ତି।

ଖାଲି ସେତିକି ନୁହେଁ ସଂପୃକ୍ତ ଯୁବତୀ ଏବଂ ତାଙ୍କ ମା’ ମିଶି ଅନେକ ଲୋକଙ୍କଠାରୁ ଆହୁରି ଅଧିକ ଟଙ୍କା ଲୁଟିଥିବା ଜଣାପଡ଼ିଛି । ଯେହେତୁ ସେମାନେ ନଗଦ ଟଙ୍କା ନେଇଛନ୍ତି ଅନେକଙ୍କ ପାଖରେ ପ୍ରମାଣ ନାହିଁ । ତେଣୁ ଖବର ଆଗକୁ ଆସୁନାହିଁ। ଆଗକୁ ଆବଶ୍ୟକ ହେଲେ ଆଉ କିଛିଦିନ ରିମାଣ୍ଡରେ ନେବ ପୋଲିସ।

   Related Posts