ଭୁବନେଶ୍ବର, ୦୮/୦୨: ବଂଶୀଧର ଆଣ୍ଡ୍‌ ଇଲା ପଣ୍ଡା ଫାଣ୍ଡେସନ ତରଫରୁ ୧୦ମ ସମ୍ଭବୀ ପୁରସ୍କାର ୨୦୨୩ ଘୋଷଣା ହୋଇଛି। ଡ. ଏଡି. ଇମ୍ରାନ୍‌ ଅଲି ସମ୍ଭାବୀ ପୁରସ୍କାର ୨୦୨୩ର ବିଜେତା ହୋଇଛନ୍ତି। ସେହିଭଳି ସମ୍ବଲପୁରର ପରିଚୟକୁ ଜୁରୀ କମେଣ୍ଡେସନ ସାର୍ଟିଫିକେସନ ୨୦୨୩ ପାଇଁ ବିଜେତା ଘୋଷଣା କରାଯାଇଛି।

ଡ.ଏମଡି. ଇମ୍ରାନ ଅଲି, ଡ୍ରଗ୍ସ ମୁକ୍ତ ପିଲାଦିନ ଅଭିଯାନ, ଭିନ୍ନକ୍ଷମ ବ୍ୟକ୍ତିଙ୍କ ପାଇଁ ମିଶନ୍ ଅନ୍ ହ୍ୱିଲ୍, ନିଶା ନିବାରଣ ଏବଂ କ୍ୟାନ୍ସରର ଚିକିତ୍ସା କ୍ଷେତ୍ରକୁ ନିଜକୁ ଉତ୍ସର୍ଗ କରିଛନ୍ତି। ସେ ତମାଖୁ ମୁକ୍ତ ସମାଜ ତଥା ଓଡ଼ିଶାରେ ନିଶା ନିବାରଣ ପାଇଁ ନିରନ୍ତର କାର୍ଯ୍ୟ କରିଆସୁଛନ୍ତି।

ସେହିପରି ସମ୍ବଲପୁରର ସମାଜସେବୀ ସଂଗଠନକୁ ମାନସିକ ଅନଗ୍ରସର ବ୍ୟକ୍ତିଙ୍କୁ ସହାୟତା, ଦରିଦ୍ର ଏବଂ ସାମାଜିକ ଅବହେଳିତ ଲୋକମାନଙ୍କର ଥଇଥାନ ଦିଗରେ କାମ କରିବାକୁ ନେଇ ଜୁରୀ କମେଣ୍ଡେସନ ସାର୍ଟିଫିକେସନ ୨୦୨୩ ପାଇଁ ଘୋଷଣା କରାଯାଇଛି।

ସୂଚନାଯୋଗ୍ୟ, ସମାଜରେ ପରିବର୍ତ୍ତନ ଦିଗରେ କାମ କରୁଥିବା ଲୋକଙ୍କୁ ସମ୍ମାନିତ କରିବା ୨୦୧୪ ରୁ ବଂଶୀଧର ଏବଂ ଇଲା ପଣ୍ଡା​‌ ଫାଉଣ୍ଡେସନ (BIPF) ତରଫରୁ ଏହି ସମ୍ମାନଜନକ ସମ୍ଭବୀ ପୁରସ୍କାର ଦିଆଯାଉଛି। ଉଦ୍ଦେଶ୍ୟରେ ଯାହାକି ଏହି ଦିଗରେ ନାଗରିକଙ୍କୁ ଅଧିକ ଉତ୍ସାହିତ କରିବ।

୨୦୧୪ ରେ ସମ୍ଭବୀ ପୁରସ୍କାର ୨୦୧୪ ରେ ପ୍ରତିଷ୍ଠା ହୋଇଥିଲା। ଏଥିରେ ବିଜେତାଙ୍କୁ ୨,୫ ଲକ୍ଷ ଟଙ୍କାର ପୁରସ୍କାର ରାଶି ମିଳିଥାଏ। ସେହିଭଳି ସମ୍ଭବୀ ଜୁରୀ କମେଣ୍ଡେସନ ସାର୍ଟିଫିକେସନ ବିଜେତାଙ୍କୁ ୫୦ ହଜାର ଟଙ୍କାର ପୁରସ୍କାର ମିଳିବ। ଏହି ବିଜେତାଙ୍କୁ ବିଆଇପିଏଫ୍‌ର ପ୍ରତିଷ୍ଠା ଦିବସରେ ସମ୍ମାନିତ କରାଯିବ।