ମୁମ୍ଵାଇ ୧୧।୦୪: ବଲିଉଡର ଏଭରଗ୍ରୀନ୍ ଅଭିନେତା ଅନିଲ କପୁର। ଅଳ୍ପ କିଛି ଅଭିନେତାଙ୍କ ମଧ୍ୟରୁ ଜଣେ ଯିଏ ବ୍ୟାକ୍ ଟୁ ବ୍ୟାକ୍ ହିଟ୍ ଫିଲ୍ମ ଦେଉଛନ୍ତି। ତାଙ୍କୁ ଶେଷରେ ରଣବୀର କପୁରଙ୍କ ଆନିମଲ ଏବଂ ହ୍ରିତିକ ରୋଶନଙ୍କ ଫାଇଟରରେ ଦେଖିବାକୁ ମିଳିଥିଲା। ଉଭୟ ଚଳଚ୍ଚିତ୍ର ୱାର୍ଲ୍ଡ ୱାଇଡ୍ ବକ୍ସ ଅଫିସରେ ସୁପରହିଟ୍ ହୋଇଛି । ବର୍ତ୍ତମାନ ଭେଟେରାନ୍ ଅଭିନେତା ୟଶ ରାଜ ଫିଲ୍ମର ସ୍ପାଏ ୟୁଜିଭର୍ସରେ ଯୋଗ ଦେଇଛନ୍ତି। ଖବର ଅନୁଯାୟୀ ଅନିଲ କପୁର ଆଲିଆଙ୍କ ଫିଲ୍ମରେ RAW ଚିଫ୍ ଭୂମିକାରେ ଅଭିନୟ କରିବାକୁ ଯାଉଛନ୍ତି ଏବଂ ସ୍ପାଏ ୟୁନିଭର୍ସର ଅନ୍ୟ ଚଳଚ୍ଚିତ୍ରରେ ମଧ୍ୟ ତାଙ୍କୁ ଦେଖିବାକୁ ମିଳିବ।
ନିକଟରେ ଅନିଲ କପୁର କ୍ରାଇମ ଥ୍ରୀଲର, ଆନିମଲ ଏବଂ ଏରିଲ ଆକ୍ସନ ଫିଲ୍ମ ଫାଇଟରରେ ଅଭିନୟ କରି ଦର୍ଶକଙ୍କୁ ସ୍ତବ୍ଧ କରିଦେଇଥିଲେ। ବର୍ତ୍ତମାନ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଅନିଲ କପୁର YRF ସ୍ପାଏ ୟୁନିଭର୍ସରେ ଯୋଗ ଦେଇଛନ୍ତି। ନିର୍ମାତାମାନେ ତାଙ୍କ ସହ ଏକ ଦୀର୍ଘକାଳୀନ ଡିଲ୍ ସାଇନ କରିଛନ୍ତି। ସେ ଗୁପ୍ତଚର ଜଗତର ସବୁଠାରୁ ପ୍ରସିଦ୍ଧ RAW ଚିଫ୍ ଭାବରେ ଗିରିଶ କର୍ନାଡଙ୍କ ସ୍ଥାନ ନେବେ। କୁହାଯାଉଛି ଯେ ଅଭିନେତା YRF ୟୁନିଭର୍ସର ଅନେକ ଆଗାମୀ ଚଳଚ୍ଚିତ୍ରର ଅଂଶ ହୋଇପାରନ୍ତି ।
ଅନ୍ୟପକ୍ଷରେ ୟଶ ରାଜ ଫିଲ୍ମର ଆଗାମୀ ବର୍ଷ ପାଇଁ ବଡ଼ ଯୋଜନା ରହିଛି। ପ୍ରଥମେ ସେ ଶାହାରୁଖ ଖାନ ଏବଂ ହ୍ରିତିକ ରୋଶନଙ୍କ ସହ ପଠାନ ୨ ଏବଂ ୱାର-୨ ଯୋଜନା କରିଛନ୍ତି। ଏହା ପରେ ଶାହାରୁଖ ଏବଂ ସଲମାନ ଟାଇଗର ବନାମ ପଠାନରେ ସଂଘର୍ଷ କରୁଥିବା ନଜର ଆସିବେ। ଏହା ବ୍ୟତୀତ ଆଲିଆ ଭଟ୍ଟଙ୍କ ଆକ୍ସନ୍-ଥ୍ରୀଲର ମଧ୍ୟ ପ୍ରି-ପ୍ରଡକ୍ସନ୍ ପର୍ଯ୍ୟାୟରେ ଅଛି ।