ଆଠମଲ୍ଲିକ ୧୭।୮: ବନ୍ୟା ସ୍ଥିତି ଯୋଗୁଁ ଅନୁଗୁଳ ଜିଲ୍ଲାର ଆଠମଲ୍ଲିକ ବିନିକେଇ ଶକ୍ତିପୀଠ ଜଳମଗ୍ନ । ଗତ ଶନିବାରରୁ ଆଠମଲ୍ଲିକରୁ ବିନିକେଇ ମଧ୍ୟରେ ଯାତାୟତ ବନ୍ଦ ରହିଛି । ଫଳରେ ବିନିକେଇ ମନ୍ଦିର ବନ୍ଦ ରହିଛି । ନଦୀ ପତ୍ତନଠାରୁ ୩୦ ଫୁଟ ଉଚ୍ଚତାରେ ବନ୍ୟାଜଳ ଚାଲିଛି । ବନ୍ୟାଜଳ ଏବେବି ମନ୍ଦିରଠାରୁ ପାଖାପାଖି ୯ ଶହ ମିଟର ଦୂରତା ରହିଛି ।

ବିନିକେଇ ଅଞ୍ଚଳରେ ବସବାସ କରୁଥିବା ଲୋକଙ୍କ ସ୍ବାସ୍ଥ୍ୟଜନିତ ସମସ୍ୟା ଦେଖାଦେଲେ ଆଠମଲ୍ଲିକ ଯିବାକୁ ସମସ୍ୟାର ସମ୍ମୁଖୀନ ହେବାକୁ ପଡୁଛି ।  ଚଣାଗଡି ନାଳ ଉପରେ ଥିବା ୨୦ଫୁଟ ଉଚ୍ଚ ପାଣିରେ ଅଧ କିଲୋମିଟର ଡଙ୍ଗାରେ ଗଲେ ରାସ୍ତା ପଡୁଛି ।