ନୂଆଦିଲ୍ଲୀ: ବଜେଟ୍ରେ ଆନ୍ଧ୍ର ପ୍ରଦେଶ ଏବଂ ବିହାର ପାଇଁ ମୋଦୀ ସରକାର ଖଜଣା ଖୋଲିବେ କି ବୋଲି ସମସ୍ତଙ୍କ ମନରେ ପ୍ରଶ୍ନ ଥିଲା । ଯାହା ଏବେ ସତ ହୋଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ଆନ୍ଧ୍ର ପ୍ରଦେଶ ଏବଂ ବିହାର ଲୋକଙ୍କୁ ନିରାଶ କରିନାହାନ୍ତି ।
ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟରେ ବିହାର ଏବଂ ଆନ୍ଧ୍ର ପ୍ରଦେଶକୁ ଉପହାର ଭେଟି ଦେଇଛନ୍ତି । ଆନ୍ଧ୍ରକୁ ସ୍ପେଶାଲ ପ୍ୟାକେଜ୍ ମିଳିଛି । ଅର୍ଥମନ୍ତ୍ରୀ କହିଛନ୍ତି ଯେ ରାଜ୍ୟ ପୁନର୍ଗଠନ ପାଇଁ ଦିଆଯାଇଥିବା ସମସ୍ତ ପ୍ରତିଶ୍ରୁତିକୁ ପୂରଣ କରାଯିବ । ସେପଟେ ରାଜ୍ୟକୁ ସ୍ପେଶାଲ୍ ପ୍ୟାକେଜ ମିଳିବା ପରେ ସିଏମ୍ ଚନ୍ଦ୍ରବାବୁ ନାଇଡୁ ଖୁସି ବ୍ୟକ୍ତ କରିଛନ୍ତି । ବଜେଟ୍ ପରେ ସେ ଅର୍ଥ ମନ୍ତ୍ରୀ ନିର୍ମଳା ସୀତାରମଣକୁ ଧନ୍ୟବାଦ ଜଣାଇଛନ୍ତି ।
ଆନ୍ଧ୍ର ମୁଖ୍ୟମନ୍ତ୍ରୀ ସୋସିଆଲ୍ ମିଡିଆ ଆକାଉଣ୍ଟ ଏକ୍ସରେ ଲେଖିଛନ୍ତି, 'ଆନ୍ଧ୍ର ପ୍ରଦେଶର ଲୋକଙ୍କ ତରଫରୁ ମୁଁ ପିଏମ୍ ମୋଦୀ ଏବଂ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆମ ରାଜ୍ୟର ଆବଶ୍ୟକତା ବୁଝି ଏବଂ ଆର୍ଥିକ ବର୍ଷ ୨୦୨୪-୨୫ କେନ୍ଦ୍ରୀୟ ବଜେଟରେ ରାଜଧାନୀ, ପୋଲାବରମ୍ ଏବଂ ଆନ୍ଧ୍ର ପ୍ରଦେଶରେ ପଛୁଆ କ୍ଷେତ୍ରରେ ବିକାଶ ଉପରେ ଧ୍ୟାନ କେନ୍ଦ୍ରୀତ କରିବା ପାଇଁ ଧନ୍ୟବାଦ ଜଣାଇଛନ୍ତି ।'
On behalf of the people of Andhra Pradesh, I thank the Hon'ble Prime Minister, @narendramodi Ji and Hon'ble Union Finance Minister, @nsitharaman Ji, for recognising the needs of our State and focusing on a Capital, Polavaram, industrial nodes and development of backward areas in… pic.twitter.com/ImgW3sor8d
— N Chandrababu Naidu (@ncbn) July 23, 2024
ସିଏମ୍ ଚନ୍ଦ୍ରବାବୁ ନାଇଡୁ କହିଛନ୍ତି ଯେ କେନ୍ଦ୍ରରୁ ଏହି ସମର୍ଥନ ଆନ୍ଧ୍ର ପ୍ରଦେଶର ପୁନର୍ଗଠନରେ ଏକ ଲମ୍ୱା ରାସ୍ତା ଅତିକ୍ରମ କରିବ । ଏହି ପ୍ରଗତିଶୀଳ ଏବଂ ଆତ୍ମବିଶ୍ୱାସ ବଢାଉଥିବା ବଜେଟ୍ ଉପସ୍ଥାପନା ପାଇଁ ଶୁଭେଚ୍ଛା ଜଣାଉଛି । ସେପଟେ ବିବାହ ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ ବଜେଟ୍ ଆବଣ୍ଟନରେ ଖୁସି ବ୍ୟକ୍ତ କରିଛନ୍ତି । ସେ କହିଛନ୍ତି ଯେ ବିରୋଧୀ ଯାହା କହୁଛନ୍ତି, ସେମାନଙ୍କୁ କହିବାକୁ ଦିଅ । ବିଜେଟରେ ବିହାରକୁ ମିଳିଥିବା ଉପହାର ଉପରେ ସନ୍ତୋଷ ବ୍ୟକ୍ତ କରି ସେ କହିଛନ୍ତି ଯେ ଏବେ ସାହାଯ୍ୟ ମିଳିବା ଆରମ୍ଭ ହୋଇଛି ।
