ନୂଆଦିଲ୍ଲୀ: ଆନ୍ଧ୍ର ପ୍ରଦେଶ ହାଇକୋର୍ଟ ସୋମବାର ଦକ୍ଷତା ବିକାଶ ମାମଲାରେ ପୂର୍ବତନ ମୁଖ୍ୟମନ୍ତ୍ରୀ ଏନ.ଚନ୍ଦ୍ରବାବୁ ନାଇଡୁଙ୍କୁ ନିୟମିତ ଜାମିନ ପ୍ରଦାନ କରିଛନ୍ତି । ଚନ୍ଦ୍ରବାବୁ ନାଇଡୁ ନଭେମ୍ୱର ୨୮ରେ ଅନ୍ତରୀଣ ଜାମିନରେ ବାହାରି ଥିଲେ । ଏହାସହ ଆନ୍ଧ୍ର ପ୍ରଦେଶ ହାଇକୋର୍ଟ ତେଲୁଗୁ ଦେଶମ ପାର୍ଟି ଅଧ୍ୟକ୍ଷ ଚନ୍ଦ୍ରବାବୁ ନାଇଡୁଙ୍କୁ ନଭେମ୍ୱର ୨୯ରୁ ସାର୍ବଜାନୀନ ରାଲି ଓ ବୈଠକ ଆୟୋଜନ କରିବା ଓ ଏଥିରେ ଭାଗ ନେବା ପାଇଁ ଅନୁମତି ଦେଇଛନ୍ତି ।

କୋର୍ଟ ଅକ୍ଟୋବର ୩୧ରେ ଚନ୍ଦ୍ରବାବୁ ନାଇଡୁଙ୍କ ସ୍ୱାସ୍ଥ୍ୟଗତ ସମସ୍ୟା କାରଣରୁ ୪ ସପ୍ତାହର ଅନ୍ତରୀଣ ଜାମିନ ଦେଇଥିଲେ । ଚନ୍ଦ୍ରବାବୁ ନାଇଡୁଙ୍କୁ ଦକ୍ଷତା ବିକାଶ ନିଗମ ଦୁର୍ନୀତି ମାମଲାରେ ଆନ୍ଧ୍ର ପ୍ରଦେଶ ପୋଲିସର ସିଆଇଡି ଗିରଫ କରିଥିଲା । ଏହାପରେ ତାଙ୍କୁ ସେପ୍ଟେମ୍ୱର ୧୦ରୁ ରାଜମୁନ୍ଦରୀ ଜେଲରେ ରଖାଯାଇଥିଲା ।

Andhra Pradesh High Court grants regular bail to former CM N Chandrababu Naidu in skill development case. Naidu is on interim bail till 28th November

(file photo) pic.twitter.com/kyF8QnPrN0

— ANI (@ANI) November 20, 2023

ଚଳିତ ବର୍ଷ ମାର୍ଚ୍ଚରେ ସିଆଇଡି ଟିଡିପି ସରକାର ସମୟରେ ଏପିଏସଏସଡିସିରେ ୩,୩୦୦ କୋଟି ଟଙ୍କାର କତିଥ ଘୋଟାଲାର ତଦନ୍ତ ଆରମ୍ଭ କରିଥିଲା । ଉଲ୍ଲେଖଯୋଗ୍ୟ ଯେ ଏପିଏସଏସଡିସିର ସ୍ଥାପନ ୨୦୧୬ରେ ଚନ୍ଦ୍ରବାବୁ ନାଇଡୁ ସରକାରରେ ହୋଇଥିଲା । ଏହାର ଉଦ୍ଦେଶ୍ୟ ରାଜ୍ୟର ବେରୋଜଗାର ଯୁବକଙ୍କ ଦକ୍ଷତା ଓ କୌଶଳ ପ୍ରଶିକ୍ଷଣ ଦେଇ ସେମାନଙ୍କୁ ସଶକ୍ତ କରାଇବା ।

ଏହା ପୂର୍ବରୁ ଅକ୍ଟୋବର ୩୧ରେ କୋର୍ଟ ନିଜ ଆଦେଶରେ କହିଥିଲେ ଯେ ଚାରି ସପ୍ତାହ ପରେ ଚନ୍ଦ୍ରବାବୁଙ୍କୁ ଆତ୍ମସମର୍ପଣ କରିବାକୁ ପଡ଼ିବ । ନାଇଡୁ ସ୍ୱାସ୍ଥ୍ୟ ପରୀକ୍ଷା ପାଇଁ କେବଳ ହସ୍ପିଟାଲ ଯାଇପାରିବେ । ଏହା ବ୍ୟତୀତ ତାଙ୍କୁ ଅନ୍ୟ କୌଣସି ସ୍ଥାନକୁ ଯିବା ପାଇଁ ଅନୁମତି ଦିଆଯାଇ ନଥିଲା । ଏହାସହ ମିଡିଆ ଓ ରାଜନୀତିକ ଗତିବିଧିରେ ସାମିଲ ନହେବା ପାଇଁ ଆଦେଶ ହାଇକୋର୍ଟ ଆଦେଶ ଦେଇଥିଲେ ।

Also Read: ଚନ୍ଦ୍ରବାବୁ ନାଇଡୁଙ୍କ ଗିରଫଦାରୀ ଦେଖି ଆଶ୍ଚର୍ଯ୍ୟ ହୋଇଗଲେ ZOHO ସିଇଓ