ମୁମ୍ଵାଇ ୦୨।୧୦: ଟିଭି ଅଭିନେତ୍ରୀ ଅନାୟା ସୋନିଙ୍କ ସ୍ୱାସ୍ଥ୍ୟ ଅବସ୍ଥା ଅତ୍ୟନ୍ତ ଗୁରୁତର। ଟିଭି ସୋ 'ମେରେ ସାଇ'ର ସୁଟିଂ ସମୟରେ ଅନୟା ସୋନି ହଠାତ୍ ଚେତାଶୂନ୍ୟ ହୋଇ ପଡ଼ିଥିଲେ। ତୁରନ୍ତ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏକ ରିପୋର୍ଟ ଅନୁଯାୟୀ ଜଣାପଡିଛି କି, ସୋନିଙ୍କ ଅବସ୍ଥା ଏପର୍ଯ୍ୟନ୍ତ ଭଲ ନାହିଁ ଏବଂ ସ୍ଵାସ୍ଥ୍ୟ ବହୁତ ଜଟିଳ ହେଉଛି। ପ୍ରଶଂସକମାନଙ୍କୁ ଅନାୟାଙ୍କ ଇନଷ୍ଟା ଆକାଉଣ୍ଟରୁ ପୋଷ୍ଟ କରି ତାଙ୍କ ସ୍ୱାସ୍ଥ୍ୟର ଏକ ଅପଡେଟ୍ ଦିଆଯାଇଛି।
କ୍ଷତିଗ୍ରସ୍ତ କିଡନୀକୁ ବଦଳାଇବାକୁ ପଡ଼ିବ
ଏହା ବ୍ୟତୀତ ଅନାୟାଙ୍କ ବାପା ବାର୍ତ୍ତାଳାପ ସମୟରେ କହିଥିଲେ ଯେ ତାଙ୍କର ଗୋଟିଏ କିଡନୀ ସଂପୂର୍ଣ୍ଣ ଖରାପ ହୋଇଯାଇଛି। ତାଙ୍କ କ୍ଷତିଗ୍ରସ୍ତ କିଡନୀକୁ ବଦଳାଇବାକୁ ପଡ଼ିବ। ଅନାୟା ଡାଏଲିସିସରେ ଅଛନ୍ତି ଏବଂ ତାଙ୍କ ସ୍ୱାସ୍ଥ୍ୟ ପାଇଁ ଏତେ ଖର୍ଚ୍ଚ ହେଉଛି ଯାହା ତାଙ୍କ ପରିବାର ଚଳାଇବା ପାଇଁ ସହଜ ନୁହେଁ ।
ଚିକିତ୍ସା ଖର୍ଚ୍ଚ ବହନ କରିବା କଷ୍ଟକର
ଅନାୟାଙ୍କ ପରିବାରର ଆର୍ଥିକ ଅବସ୍ଥା ଭଲ ନାହିଁ ଏବଂ ଝିଅର ଚିକିତ୍ସା ଖର୍ଚ୍ଚ ପୂରଣ କରିବା କଷ୍ଟକର ହୋଇପଡୁଛି। ଅନାୟା ନିକଟରେ ତାଙ୍କ ସ୍ଵାସ୍ଥ୍ୟ ବିଷୟରେ ଇନଷ୍ଟାରେ ଏକ ପୋଷ୍ଟ କରି କହିଛନ୍ତି କି ଡାକ୍ତରମାନେ କହୁଛନ୍ତି କି ମୋର କିଡନୀ ନଷ୍ଟ ହୋଇଛି ଏବଂ ମୋତେ ଡାଏଲିସିସ୍ କରିବାକୁ ପଡିବ। ସୋସିଆଲ ମିଡିଆ ୟୁଜର୍ସମାନେ ତାଙ୍କୁ ଆୟୁର୍ବେଦିକ ଚିକିତ୍ସା ସ୍ଥାନାନ୍ତର କରିବାକୁ ପରାମର୍ଶ ଦେଇଛନ୍ତି।
ଏହା ବ୍ୟତୀତ ସେ ଲେଖିଛନ୍ତି, 'ମୋର କ୍ରିଏଟାଇନ ଲେବଲ ୧୬.୬୭ କୁ ଖସି ଆସିଛି ଏବଂ ହେମୋଗ୍ଲୋବିନ ୬.୭ ରେ ଅଛି । ମୋର ଅବସ୍ଥା ବହୁତ ଗମ୍ଭୀର ଅଛି। ମୋ ପାଇଁ ପ୍ରାର୍ଥନା କର। ମୁଁ ଶୀଘ୍ର ଭଲ ହୋଇଯାଏ। ମୋର ଶୀଘ୍ର କିଡନୀ ପ୍ରତିରୋପଣ ହେବ। ଡାଏଲିସିସ୍ ପରେ ମୁଁ କିଡନୀ ପାଇଁ ଆପଲାଏ କରିବି ।
