ମୁମ୍ଵାଇ ୦୧।୦୩ : ପ୍ରସିଦ୍ଧ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ ମୁକେଶ ଅମ୍ବାନୀ। ତାଙ୍କ ବିଷୟରେ କିଏ ବା ଜାଣି ନାହାନ୍ତି। ସେ ହେଉଛନ୍ତି ଭାରତର ସବୁଠୁ ବଡ ବ୍ୟବସାୟ ଟାଇକନ୍ ତଥା ଦୁନିଆର ଶ୍ରେଷ୍ଠ ୧୦ ଧନୀଙ୍କ ମଧ୍ୟରୁ ଜଣେ । ତାଙ୍କ ସାନ ପୁଅ ଅନନ୍ତ ଅମ୍ଵାନୀଙ୍କର ବିବାହର ପ୍ରିୱେଡିଂ କାର୍ଯ୍ୟକ୍ରମକୁ ନେଇ ଚର୍ଚ୍ଚାରେ ଅଛନ୍ତି । ସେଲିବ୍ରିଟି ଠାରୁ ବିଜନେସମ୍ୟାନ୍ ଯାଏଁ ସମସ୍ତେ ଧିରେ ଧିରେ କରି ଜାମ୍ନଗରରେ ପହଞ୍ଚିଛନ୍ତି । ଏନେଇ ଗୁରୁବାର ଦୀପିକା ପାଦୁକୋନ-ରଣବୀର ସିଂ, ରାଣୀ ମୁର୍ଖାଜୀ ସହି ଅନେକଙ୍କୁ ଏୟାରପୋର୍ଟରେ ସ୍ପଟ୍ କରାଯାଇଥିଲେ ।
ଅନନ୍ତ ଓ ରାଧିକାଙ୍କ ପ୍ରି-ୱେଡିଂ କାର୍ଯ୍ୟକ୍ରମରେ ସାମିଲ ହେବା ପାଇଁ ବଲିଉଡ୍ର ବହୁ ଷ୍ଟାର ଜାମନଗରରେ ପହଞ୍ଚୁଛନ୍ତି। ଗତକାଲି ରାତିରେ ରାଣୀ ମୁର୍ଖାଜୀଙ୍କୁ ଦେଖିବାକୁ ମିଳିଥିଲା । ଏହି ସମୟରେ ରାଣୀ ଖୁବ୍ ଷ୍ଟାଇଲିସ୍ ଦେଖାଯାଉଥିଲେ। ବ୍ରାଉନ୍ ଜିନ୍ସ ସହ କାଜୁଆଲ ବ୍ଲେଜରରେ କୁଲ୍ ଦେଖାଯାଉଥିଲେ। ଫଟୋଗ୍ରାଫରଙ୍କୁ ଖୁବ୍ ପୋଜ୍ ଦେଇଥିଲେ ।
ଶାହାରୁଖଙ୍କ ବ୍ଲକବଷ୍ଟର ଫିଲ୍ମ ଜୱାନର ନିର୍ମାତା ଏଟଲି । ସେ ମଧ୍ୟ ଏହି ଫଙ୍କସନ୍ରେ ସାମିଲ ହେବା ପାଇଁ ଫ୍ୟାମିଲି ସହ ଜାମନଗର ପହଞ୍ଚିଥିଲେ ।ସେଠାରେ ପହଞ୍ଚିବା ପରେ ନିର୍ଦ୍ଦେଶକ ଏଟଲି ଏବଂ ତାଙ୍କ ପତ୍ନୀ କୃଷ୍ଣ ପ୍ରିୟାଙ୍କ ସହ ପୁଅର ଗ୍ରାଣ୍ଡ ୱେଲକମଂ କରାଯାଇଥିଲା। ଏହି ସମୟରେ, ଏଟଲି ତାଙ୍କ ପତ୍ନୀ ଏବଂ ପୁଅଙ୍କ ସହ ପାପରାଜିଙ୍କୁ ଖୁବ୍ ପୋଜ୍ ଦେଇଥିଲେ ।
ବଲିଉଡ୍ର ପାୱାରଫୁଲ୍ କପଲ ଦୀପିକା-ରଣବୀର। ଦୁହେଁ ଖୁବ୍ ଶୀଘ୍ର ବାପା-ମାଆ ହେବାକୁ ଯାଉଛନ୍ତି । ଗର୍ଭବତୀ ଘୋଷଣା କରିବା ପରେ ଦୀପିକା ପାଦୁକୋନ ଏବଂ ରଣବୀର ସିଂ ମଧ୍ୟ ଅନନ୍ତ-ରାଧିକାଙ୍କ ପ୍ରି-ୱେଡିଂ ସେଲିବ୍ରେସନରେ ଯୋଗଦେବା ପାଇଁ ଜାମନଗରରେ ପହଞ୍ଚିଛନ୍ତି। ଏହି ସମୟରେ ରଣବୀର ଏବଂ ଦୀପିକା ଧଳା ରଙ୍ଗର କାଜୁଆଲ ଡ୍ରେସ୍ରେ ନଜର ଆସିଥିଲେ। ବର୍ତ୍ତମାନ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
