ଆନନ୍ଦପୁର ୨୮।୦୬ : ଅଜଣା ଯୁବକଙ୍କ ମୃତଦେହ ଠାବ । କେନ୍ଦୁଝର ଜିଲ୍ଲା ଆନନ୍ଦପୁର ୨୦ ନମ୍ବର ଜାତୀୟ ରାଜପଥ ଦରଖଳା ଛକ ନିକଟରୁ ମିଳିଛି ମୃତଦେହ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଖବର ଅନୁଯାୟୀ, ବୁଧବାର ଦିନ ସକାଳ ସମୟରେ କେନ୍ଦୁଝର ୨୦ ନମ୍ବର ଜାତୀୟ ରାଜପଥ ଦରଖଳା ଛକ ନିକଟ ରାସ୍ତା କଡ଼ରେ ଜଣେ ଅଜଣା ଯୁବକଙ୍କ ମୃତଦେହ ପଡିଥିଲା । ସ୍ଥାନୀୟଲୋକେ ଏହା ଦେଖି ତୁରନ୍ତ ଘଷିପୁରା ଥାନା ପୋଲିସକୁ ଖବର ଦେଇଥିଲେ । ଘଷିପୁରା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।

ତେବେ ଏବେ ଯାଏଁ ମୃତକଙ୍କ ପରିଚୟ ସଠିକ୍‌ ଭାବେ ଜଣାନାହିଁ । ଏହା ହତ୍ୟା ନା ଆଉ କିଛି , ତାହା ପୋଲିସର ପ୍ରାଥମିକ ତଦନ୍ତ ପରେ ହିଁ ଜଣାପଡିବ ବୋଲି ଆଶା କରାଯାଉଛି ।