ଆନନ୍ଦପୁର ୧୪ ।୦୩ : ମାଟ୍ରିକରେ କପି ରୋକିବାକୁ ପରୀକ୍ଷା କେନ୍ଦ୍ର ଭିତରେ ଚେକିଂ କଡାକଡି ଚାଲିଛି । ଏପଟେ କେନ୍ଦ୍ର ବାହାରେ ବି ରହିଛି କଡା ନଜର । ଆନନ୍ଦପୁର ବଞ୍ଚୋ ହାଇସ୍କୁଲ ମେଟ୍ରିକ ପରୀକ୍ଷା କେନ୍ଦ୍ର ନିକଟରେ ଥିବା ଏକ ଜେରକ୍ସ ଦୋକାନକୁ ସିଲ୍ କରିଛି ପ୍ରଶାସନ ।

ଖବର ଅନୁଯାୟୀ,  ପରୀକ୍ଷା କେନ୍ଦ୍ର ବାହାରେ ଥିବା ଜେରକ୍ସ ଦୋକାନ ପରିକ୍ଷାର୍ଥୀଙ୍କୁ ମାଇକ୍ରୋ ଜେରକ୍ସ କପି ଯୋଗାଉଥିବା ଅଭିଯୋଗ ହୋଇଥିଲା । ଏହି ଅଭିଯୋଗ ପରେ ସୋମବାର ଉପଜିଲ୍ଲାପାଳ ଓ ଏସଡିପିଓ ମିଳିତ ଚଢାଉ କରିଥିଲେ। ପରୀକ୍ଷାକେନ୍ଦ୍ର ଠାରୁ ୨କିମି ପରିଧି ମଧ୍ୟରେ ଥିବା ଜେରକ୍ସ ଦୋକାନ କୁ ସକାଳୁ ଦିନ ୧୦ଟା ପର୍ଯ୍ଯନ୍ତ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଥିଲା । ତେବେ ଏହି ନିର୍ଦ୍ଦେଶର ଅବମାନନା କରିବା ଅଭିଯୋଗରେ ଦୋକାନ ସିଲ୍ କରାଯାଇଛି ।