ନୂଆଦିଲ୍ଲୀ: ୧୭/୦୩: ପୃଥିବୀର ଅତି ନିକଟରୁ ଅତିକ୍ରମ କରିଛି କ୍ଷୁଦ୍ର ଗ୍ରହ। ଗୁରୁବାର ରାତିରେ ଏହି କ୍ଷୁଦ୍ରଗ୍ରହ ପୃଥିବୀ ପୃଷ୍ଠରୁ କମ୍ ଦୂରତାରେ ଦ୍ରୁତ ଅତିକ୍ରମ କରିଛି। କ୍ଷୁଦ୍ରଗ୍ରହ 2023 EYକୁ କିଛି ଦିନ ପୂର୍ବରୁ ଆବିଷ୍କାର କରାଯାଇଥିଲା । ଏହି କ୍ଷୁଦ୍ର ଗ୍ରହ ପୃଥିବୀ ଓ ଚନ୍ଦ୍ର ମଧ୍ୟରେ ଆନୁମାନିକ ଦୂରତାରେ ରହିଥିଲା । କ୍ଷୁଦ୍ରଗ୍ରହ 2023 EY, ପୃଥିବୀ ଓ ଚନ୍ଦ୍ର ମଧ୍ୟରେ ହାରହାରି ୬୨ ପ୍ରତିଶତ ଦୂରତାରେ ଗତି କରିବ । ଜ୍ୟୋତିଷ ବିଜ୍ଞାନର ମତ ଅନୁଯାୟୀ, ଏହା ଖୁବ୍ କମ୍ ଦୂରତା ଦେଇ ଅତିକ୍ରମ କରିଛି । ହେଲେ ଏହାଯୋଗୁଁ ପୃଥିବୀ ଉପରେ କୌଣସି ପ୍ରଭାବ ପଡ଼ିନାହିଁ।
ଆଷ୍ଟରଏଡ୍ 2023 EY ଆକାର ପ୍ରାୟ 52 ଫୁଟ୍ । ପୃଥିବୀ ପୃଷ୍ଠରୁ ପ୍ରାୟ 2,39, 800 କିଲୋମିଟର ଦୂରରେ ଅତିକ୍ରମ କରିଛି । ଏକ ବୃହତ ଟେଲିସ୍କୋପ ଦ୍ବାରା ଏହି କ୍ଷୁଦ୍ରଗ୍ରହର ସୁନ୍ଦର ଦୃଶ୍ୟକୁ ଦେଖିବା ସମ୍ଭବ ହେବ । ଏହି ସଦ୍ୟ ଆଷ୍ଟରଏଡ୍ ନାସାର ଆଟଲାସ୍ ଦ୍ବାରା ଆବିଷ୍କାର କରାଯାଇଛି । ଏହି ଆଟଲାସକୁ ହାଓ୍ବାଇ ବିଶ୍ବ ବିଦ୍ୟାଳୟ ଦ୍ବାରା ପରଚାଳନା କରାଯାଉଛି । ଆଟଲାସ ଏପର୍ଯ୍ୟନ୍ତ 700କୁ ଅଧିକ ଆଷ୍ଟରଏଡ୍କୁ ଅବିଷ୍କାର କରିଛି ।
ସବୁଠାରୁ ବଡ଼ କଥା ହେଲା ଆଟଲାସ ପୂରା ମହାକାଶକୁ 24 ଘଣ୍ଟାରେ ହିଁ ସ୍କାନ କରିପାରୁଛିଛି। ନାସାର କହିବା ଅନୁଯାୟୀ ସିଷ୍ଟମରେ ଥିବା ଚାରିଟି ଟେଲିସ୍କୋପ୍ ଚନ୍ଦ୍ରଠାରୁ ୧୦୦ ଗୁଣା ଅଧିକ ଆକାଶର ସର୍ଭେ କରିପାରିବ । ଏହି ସିଷ୍ଟମର ଚାରିଟି ଟେଲିସ୍କୋପ୍ ମଧ୍ୟରୁ ହଓ୍ବାଇ ଦୁଇଟି ଟେଲିସ୍କୋପ୍ ହୋଷ୍ଟ କରିଥିବାବେଳେ ଅନ୍ୟ ଦୁଇଟିକୁ ସାଉଥ୍ ଆଫ୍ରିକା ଏବଂ ଚିଲ୍ଲି ତରଫରୁ ହୋଷ୍ଟ କରାଯାଇଛି।