ଚଣ୍ଡିଗଡ଼: ଖଲିସ୍ତାନୀ ସମର୍ଥକ ଏବଂ ଉଗ୍ରବାଦୀ Amritpal Singh ପାଇଁ ଅଡୁଆ ବଢ଼ିବାରେ ଲାଗିଛି । ଯାଞ୍ଚ ଏଜେନ୍ସି ‘ଓ୍ବାରିସ୍ ପଞ୍ଜାବ ଦେ’ର ୫ ସଦସ୍ୟଙ୍କ ବ୍ୟାଙ୍କ ଖାତା ଉପରେ ନଜର ରଖିଛି । ୨୦୧୬ରୁ ଏଯାଏଁ ୭ ବର୍ଷରେ ୪୦କୋଟିରୁ ଅଧିକ ଟଙ୍କାର ବେଆଇନ କାରବାରର ଖୋଳତାଳ କରୁଛି ।

 ଆମୃତପାଲ ସିଂ ନାଁରେ ସାଙ୍ଘାତିକ୍ ଅଭିଯୋଗ ଥିବା ପୋଲିସ ସୂଚନା ଦେଇଛି ।  ତଦନ୍ତ ଅଧିକାରୀଙ୍କ କହିବା ମୁତାବକ, ଦିଲ୍ଲୀ ସୀମାରେ ଚାଷୀ ଆନ୍ଦୋଳନ ଚାଲୁଥିବା ବେଳେ ମୃତ ଚାଷୀଙ୍କ ପରିବାରକୁ ସହାୟତା ରାଶି ଯୋଗାଇ ଦେବା ବାହାନାରେ ବିଭିନ୍ନ ସ୍ଥାନରୁ  ଓ୍ବାରିସ୍ ପଞ୍ଜାବ ଦେ’ର ସଦସ୍ୟମାନେ ଅର୍ଥ ସଂଗ୍ରହ କରିଥିବା ଜଣାପଡ଼ିଛି ।

ସେହିପରି ଅନ୍ୟ ଏକ ମାମଲାରେ ଧର୍ମ ନାଁରେ ଟଙ୍କା ମିଳିଥିବା ନେଇ ଯାଞ୍ଚ ଏଜେନ୍ସିକୁ ସୂଚନା ମିଳିଛି ।  ପ୍ରାୟ ୩୫ କୋଟି ଟଙ୍କା ଅମୃତପାଲର ସହଯୋଗୀ ଦଳଜିତ୍ ସିଂ କଲସୀକୁ ମିଳିଛି । ପଞ୍ଜାବ ପୋଲିସ, ଅମୃତପାଲ ସିଂ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ଦଲଜିତ୍ ସିଂକୁ ଗିରଫ କରିଛି ।    

ସୂଚନା ଅନୁଯାୟୀ, ଏହି ସବୁ ଲେଣଦେଣ ନଗଦ ଜମା ଆଏମପିଏସ ମାଧ୍ୟମରେ ହୋଇଛି । ଅନ୍ୟପଟେ ଏହି ଲେଣଦେଣ ଅନ୍ୟ ଏକ ମଧ୍ୟାମରେ ହୋଇଛି । ପ୍ରାୟ ୩ରୁ ୪କୋଟି ଟଙ୍କା ଏଟିଏମରୁ ଉଠିଥିବା ବେଳେ ୧୨ଟି ଦେଶରେ ଟ୍ରାଞ୍ଜାକ୍ସନ ହୋଇଛି । ଏନେଇ ସୂଚନା ମିଳିବା ପରେ ତନତନ କରି ତଦନ୍ତ କରୁଛି ଯାଞ୍ଚ ଏଜେନ୍ସି । ଅନ୍ୟପଟେ ପଞ୍ଜାବ ପୋଲିସ ଅମୃତପାଲ ସିଂ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।