oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଧାମନଗର ଉପନିର୍ବାଚନ ପାଇଁ ଶୁକ୍ରବାରଠୁ ନାମାଙ୍କନ ଦାଖଲ, ୧୫ରେ ଯାଞ୍ଚ
  • ||
  • ଚାନ୍ଦବାଲୀ: ପଦ୍ମାବତୀ ଟ୍ରଲରରେ ଅଗ୍ନିକାଣ୍ଡ ଘଟଣା, ୧୦ ଘଣ୍ଟା ପରେ ଉଦ୍ଧାର ହେଲେ ୧୦ ଧୀବର
  • ||

ମାଓ ମୁକାବିଲା ନେଇ ଦିଲ୍ଲୀରେ ବୈଠକ : ମାଓ ଉପଦୃତ ଅଞ୍ଚଳର ବିକାଶ ଏବଂ ମୁକାବିଲା ରଣନୀତି ନେଇ ହେବ ଆଲୋଚନା

26/08/2019 at 8:19 AM

ନୂଆଦିଲ୍ଲୀ ୨୬/୮: ମାଓ ମୁକାବିଲା ପାଇଁ ବଡ ରଣନୀତି । ଆଜି ଦିଲ୍ଲୀରେ ବସି ଗୃହ ବିଭାଗ ବୈଠକ । ମାଓ ଦମନ ପାଇଁ ରାଜ୍ୟର ଦରକାର କଣ ଏବଂ କେନ୍ଦ୍ର ନିକଟରେ କଣ ଦାବି ରଖାଯିବ ସେନେଇ ମୁଖ୍ୟ ଶାସନ ସଚିବ, ଗୃହ ସଚିବ, ପୋଲିସ ଡିଜିଙ୍କ ଭିତରେ ହୋଇଥିବା ଉଚ୍ଚ ସ୍ତରୀୟ ବୈଠକରେ ପ୍ରସ୍ତୁତ ହୋଇଛି ବ୍ଲୁପ୍ରିଣ୍ଟ । କେନ୍ଦ୍ର ଗୃହ ବିଭାଗ ଯେଉଁ ଏଜେଣ୍ଡା ପ୍ରସ୍ତୁତ କରିଛି ସେଥିରେ ରହିଛି ଦୁଇଟି ପ୍ରମୁଖ ଭାଗ ।

ଗୋଟିଏ ପଟେ ନକ୍ସଲ ଅଧ୍ୟୁଷିତ ଅଂଚଳରେ ବିକାଶ ଓ ଅନ୍ୟଟି ଦମନ ପାଇଁ ଜୋରଦାର ପ୍ରସ୍ତୁତି । ଏହି ବୈଠକରେ ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, ଡିଜି ଯୋଗ ଦେଉ ଥିବାରୁ ଏଥିରେ ମାଓ ଅଞ୍ଚଳରେ ବିକାଶ କାମକୁ ବେଶୀ ଯୋର ଦେବାକୁ ଯାଉଛି ଓଡିଶା । ରାଜ୍ୟର ଏବେ ୧୫ ଜିଲ୍ଲା ମାଓ ଅଧ୍ୟୁଷିତ ହୋଇଥିଲେ ବି ମୁଖ୍ୟତଃ ୫ଟି ଜିଲ୍ଲାରେ ମାଓ ଗତିବିଧି ଅଧିକ ଅଛି । ସେସବୁ ଜିଲ୍ଲାରେ ରୋଡ୍ ନେଟୱାର୍କ, ମୋବାଇଲ ଟାୱାର, ବ୍ୟାଙ୍କିଙ୍ଗ ସୁବିଧା କିଭଳି ହେବ ତା ଉପରେ ଜୋର ଦେବାକୁ ନିଷ୍ପତ୍ତି ହୋଇଛି । ବିଶେଷ କରି ଗୁରୁପ୍ରିୟା ସେତୁ ନିର୍ମାଣ ପରେ ମାଲକନାଗିରି ଜିଲ୍ଲାରେ ମାଓ ଗତିବିଧି କମିଥିବାରୁ ସେଭଳି କିଛି ଆଖିଦୃଶିଆ ବିକାଶ କାମ ବାକି ଜିଲ୍ଲାରେ କିଭଳି ହେବ ସେନେଇ କେନ୍ଦ୍ର ନିକଟରେ ଦାବି ରଖିବାକୁ ନିଷ୍ପତ୍ତି ହୋଇଛି । ଦିଲ୍ଲୀର ବିଜ୍ଞାନ ଭବନରେ ଗୃହମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ବସିବ ବୈଠକ ।

ସେଠି ଦେଶର ମାଓ ଅଧ୍ୟୁଷିତ ରାଜ୍ୟ ଗୁଡିକରେ କିଭଳି ନକ୍ସଲ ହଟାଅ କାର୍ଯ୍ୟ ତ୍ବରାନ୍ବିତ କରାଯିବ ସେନେଇ ଆଲୋଚନା ହେବ । ଯେଉଁସ୍ଥାନରେ ମାଓ ଗତିବିଧି ଅଧିକା ଅଛି ସେଠି ଅପରେସନକୁ ଜୋରଦାର କରିବା ସହ ସେଥିପାଇଁ ଆବଶ୍ୟକ ପଡୁଥିବା ପୋଲିସ ଫୋର୍ସ ମୁତୟନ ପାଇଁ ଖାଲିପଦବୀ ପୂରଣକୁ ଗୁରୁତ୍ବ ଦିଆଯାଉଛି ।

ସେହିଭଳି ମାଓବାଦୀଙ୍କ ପାଖକୁ ଆସୁଥିବା ଅର୍ଥକୁ ବନ୍ଦ କରିବା, ତଦନ୍ତ କାର୍ଯ୍ୟ ତ୍ବରାନ୍ବିତ କରିବା ଏବଂ ମାଓବାଦୀଙ୍କ ଛାମୁଆ ସଂଗଠନ ବିରୋଦ୍ଧରେ କାର୍ଯ୍ୟାନୁଷ୍ଠାନ କିଭଳି ହେବ ସେସବୁ ଉପରେ ଆଲୋଚନା ହେବ । ଏହାବାଦ୍ ରାଜ୍ୟ ରାଜ୍ୟ ଭିତରେ ସହଯୋଗ, ୟୁନାଇଟେଡ କମାଣ୍ଡ ସହ ସ୍ବତନ୍ତ୍ର କେନ୍ଦ୍ରୀୟ ଅନୁଦାନ କଥା ବି ରହିଛି ଆଲୋଚନା ପାଇଁ ।

   Related Posts