ନୂଆଦିଲ୍ଲୀ: କେନ୍ଦ୍ର ସରକାର ଭାରତ-ମିଆଁମାର ସୀମାରେ ତାର ବାଡ଼ ଲଗାଇବା ପାଇଁ ଘୋଷଣା କରିଛନ୍ତି । ଏହାସହ ଅବାଧ ଗମନାଗମନ ଉପରେ ମଧ୍ୟ ରୋକ ଲଗାଇବା ପାଇଁ ନିଷ୍ପତ୍ତି ନେଇଛନ୍ତି । କେନ୍ଦ୍ର ଗୃହମନ୍ତ୍ରଣାଳୟ ଏହି ଘୋଷଣା କରିଛି । ଏନଡିଟିଭିର ରିପୋର୍ଟ ଅନୁସାରେ ମିଆଁମାର ସହ ଥିବା ଭାରତୀୟ ସୀମାରେ ବାଡ଼ ଲଗାଯିବା ନେଇ କେନ୍ଦ୍ରର ନିଷ୍ପତ୍ତି ଏପରି ସମୟରେ ଆସିଛି, ଯେତେବେଳେ ପଡ଼ୋଶୀ ଦେଶର ସୈନିକ ଜାତିଗତ ହିଂସାରୁ ବଞ୍ଚିବା ପାଇଁ ଭାରତରେ ଶରଣ ନେଉଛନ୍ତି । ଏହାଛଡ଼ା ମଣିପରୁର ବର୍ତ୍ତମାନ ସ୍ଥିତିକୁ ଦେଖି ମଧ୍ୟ ସୀମାରେ ନୀରକ୍ଷଣ ଜରୁରି ହୋଇପଡ଼ିଛି ।
ଉଲ୍ଲେଖଯୋଗ୍ୟ ଯେ ଗତ ତିନି ମାସରେ ମିଆଁମାର ସେନାର ପ୍ରାୟ ୬୦୦ ସୈନିକ ଭାରତରେ ଅନୁପ୍ରବେଶ କରିଛନ୍ତି । ସରକାରୀ ସୂତ୍ର ଅନୁସାରେ ପଶ୍ଚିମ-ମିଆଁମାର ରାଜ୍ୟ ରଖାଇନରେ ଉଗ୍ରବାଦୀଙ୍କ ଦ୍ୱାରା ସୈନିକ ଶିବିର ଉପରେ କବଜା ପରେ ସେମାନେ ମିଜୋରାମର ଲାଙ୍ଗଟଲାଇ ଜିଲ୍ଲାରେ ଶରଣ ନେଇଛନ୍ତି । ଅନ୍ୟପଟେ ମଣିପୁରରେ ଅଶାନ୍ତି ପଛରେ ମିଆଁମାରର ଉଗ୍ରବାଦୀ ସଂଗଠନର ହାତ ଥିବା କୁହାଯାଉଛି ।
ପଢନ୍ତୁ: ମଣିପୁରରେ ବିଦ୍ରୋହୀଙ୍କ ସହ ମୁହାଁମୁହିଁ ବେଳେ ୨ ଯବାନ ସହିଦ, ଉଚ୍ଚସ୍ତରୀୟ ବୈଠକ ଡକାଇଲେ ସିଏମ୍ ବିରେନ ସିଂ
ଅନୁମାନ କରାଯାଉଛି ଯେ ମଣିପୁର ଜାତିଗତ ହିଂସା ପଛରେ ମିଆଁମାରର ଉଗ୍ରବାଦୀ ସଂଗଠନ ହାତ ଥାଇପାରେ । ମଣିପୁରର ସୁରକ୍ଷା ପରାମର୍ଶଦାତା କୁଳଦୀପ ସିଂ ବୁଧବାର କହିଥିଲେ ଯେ ମଣିପୁର ସୀମାବର୍ତ୍ତୀ ସହର ମୋରେହରେ ହିଂସାରେ ମଣିପୁର ଉଗ୍ରବାଦୀ ସାମିଲ ଥିବା ସମ୍ଭାବନା ରହିଛି ।
