ନୂଆଦିଲ୍ଲୀ: କେରଳର କୋଚିରେ ଏକ କନଭେନସନ୍ ସେଣ୍ଟରରେ ଯେହୋଭାସ୍ ସାକ୍ଷୀ (Jehova's Witnesses)ଙ୍କ ପ୍ରାର୍ଥନା ସଭାରେ ଗୋଟିଏ ପରେ ଗୋଟିଏ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ଏହାସହ ୩୬ ଜଣ ଆହତ ହୋଇଛନ୍ତି । ଏହି ବିସ୍ଫୋରଣ ପରେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଆକ୍ସନ ମୋଡକୁ ଆସିଛନ୍ତି ।
ରାଷ୍ଟ୍ରୀୟ ତଦନ୍ତକାରୀ ଏଜେନ୍ସି (ଏନଆଇଏ) ଓ ରାଷ୍ଟ୍ରୀୟ ସୁରାକ୍ଷା ଗାର୍ଡ (ଏନଏସଜି) ଟିମକୁ କେରଳ ଯାଇ ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି । ଏହାସହ କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ସହ ଫୋନ ଯୋଗେ କଥା ହୋଇ ସ୍ଥିତି ବାବଦରେ ପଚାରି ବୁଝିଛନ୍ତି ।
wp:html/wp:html#WATCH | Visuals from Ernakulam, Kerala where one person died, and several injured in an explosion at a Convention Centre in Kalamassery https://t.co/hir8k808v2 pic.twitter.com/305HuzA4gg
— ANI (@ANI) October 29, 2023
ପୋଲିସ କହିବା ଅନୁସାରେ ରବିବାର ସକାଳେ କେରଳର କୋଚି ଜିଲ୍ଲାର କଲାମାସେରୀ ଅଞ୍ଚଳରେ ଯେହୋଭାସ୍ ସାକ୍ଷୀଙ୍କ ପ୍ରାର୍ଥନା ସଭା ଚାଲିଥିଲା। ଏହି ସମୟରେ ଲଗାତାର ଅନେକ ବିସ୍ଫୋରଣ ହୋଇଥିଲା। କଲାମାସେରୀ ସିଆଇ ବିବିନ ଦାସ କହିଛନ୍ତି, ପ୍ରଥମ ବିସ୍ଫୋରଣ ୯ଟା ବେଳେ ହୋଇଥିଲା । ଆଗାମୀ ଏକ ଘଣ୍ଟା ଭିତରେ ଅନେକ ବିସ୍ଫୋରଣ ହୋଇଥିଲା । ମୁଖ୍ୟମନ୍ତ୍ରୀ ପିନାରାଇ ବିଜୟନ ଘଟଣାକୁ ଦୁର୍ଭାଗ୍ୟପୂର୍ଣ୍ଣ କହିଛନ୍ତି । ଏହାସହ ମୃତ ବ୍ୟକ୍ତିଙ୍କ ପରିଜନଙ୍କ ପ୍ରତି ସମବେଦନା ଜଣାଇଛନ୍ତି ।
