ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

କଂଗ୍ରେସକୁ ଶାହାଙ୍କ ଟାର୍ଗେଟ୍ : ଅନୁପ୍ରବେଶକାରୀଙ୍କୁ ରୋକିବାରେ ବିଫଳ ହୋଇଥିଲା ପୁର୍ବ ସରକାର, କିନ୍ତୁ ବିଜେପି ଦେଇଛି ବ୍ରେକ୍

26/12/2020 at 4:28 PM

ଗୌହାଟୀ ୨୬/୧୨ : କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର ଆସାମରେ ବିଭିନ୍ନ ବିକାଶ କାର୍ଯ୍ୟକ୍ରମର ଶିଳାନ୍ୟାସ କରିଛନ୍ତି । ଏହି ଅବସରରେ ଶାହା ଏକ ସଭାକୁ ସମ୍ବୋଧିତ କରି କହିଛନ୍ତି ଯେ, ରାଜ୍ୟରେ ପୂର୍ବରୁ କ୍ଷମତାରେ ଥିବା ସରକାରମାନେ ଅନୁପ୍ରବେଶକାରୀଙ୍କୁ ରୋକିବାରେ ସଫଳ ହୋଇନଥିଲେ । କିନ୍ତୁ ଯେବେଠାରୁ ଆସାମରେ ବିଜେପି ସରକାର ତିଆରି ହୋଇଛି ଅନୁପ୍ରବେଶ ଘଟଣା ଦେଖିବାକୁ ମିଳୁନାହିଁ । ଶାହା କହିଛନ୍ତି କେବଳ ବିଜେପି ସରକାର ହିଁ ଅନୁପ୍ରବେଶକାରୀଙ୍କୁ ରୋକିବାରେ ସକ୍ଷମ ହୋଇପାରିଛି ।

ଆସାମର କାମରୂପରେ କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବା ଅବସରରେ ଶାହା କହିଛନ୍ତି, ଏକ ସମୟରେ ବିଚ୍ଛିନ୍ନତାବାଦୀମାନେ ଯୁବକମାନଙ୍କ ହାତରେ ବନ୍ଧୁକ ଧରାଇ ସମସ୍ତ ରାଜ୍ୟରେ ନିଜର ଏଜେଣ୍ଡା ଚଳାଉଥିଲେ । ଆଜି ସେହି ସମସ୍ତ ସଂଗଠନ ମୁଖ୍ୟ ସ୍ରୋତରେ ସାମିଲ ହୋଇଛନ୍ତି । ଦେଶର ଯୁବକମାନେ ସେମାନଙ୍କର ନୂଆ ଷ୍ଟାର୍ଟଅପ୍ ସହିତ ସମଗ୍ର ବିଶ୍ୱରେ ଯୁବକମାନଙ୍କ ସହିତ ପ୍ରତିଦ୍ୱନ୍ଦ୍ୱିତା କରି ସେମାନଙ୍କର ଦକ୍ଷତାକୁ ଭାରତର ଦକ୍ଷତା ଭାବରେ ପରିଣତ କରିବାକୁ ଯାଉଛନ୍ତି ।

ରାଲିକୁ ସମ୍ବୋଧିତ କରି ଗୃହ ମନ୍ତ୍ରୀ କହିଛନ୍ତି, ରାଜ୍ୟରେ ପୁର୍ବରୁ ଯେତେ ବି ସରକାର କ୍ଷମତାକୁ ଆସିଛନ୍ତି ସେମାନେ ଅନୁପ୍ରବେଶକାରୀଙ୍କୁ ରୋକିବା ଦିଗରେ କୌଣସି ପଦକ୍ଷେପ ଗ୍ରହଣ କରିନାହାନ୍ତି । ଏହା ସହ କଂଗ୍ରେସକୁ ଟାର୍ଗେଟ କରି ଶାହା କହିଛନ୍ତି ଯେ, କଂଗ୍ରେସ କ୍ଷମତାରେ ଥିବା ବେଳେ ଆଚାର୍ଯ୍ୟ ଶଙ୍କରଦେବଙ୍କ ଜନ୍ମସ୍ଥାନ ପାଇଁ କିଛି କରିନାହିଁ । ଆଚାର୍ଯ୍ୟ ଶଙ୍କରଦେବଙ୍କର ଆସାମର ଇତିହାସ, କଳା ଏବଂ କବିତା ପାଇଁ ସ୍ବତନ୍ତ୍ର ଅବଦାନ ଥିଲା । କିନ୍ତୁ ରାଜ୍ୟରେ ବିଜେପି କ୍ଷମତାକୁ ଆସିବା ପରେ ଭାଷା, ସଂସ୍କୃତି ଓ କଳାକୁ ସ୍ବତନ୍ତ୍ର ପରିଚୟ ଦେଇଛି ।

ସେ କହିଛନ୍ତି ଆସାମରେ ଗତ ସାଢେ ୪ ବର୍ଷ ହେଲା ଯେଉଁ ବିକାଶର ଯାତ୍ରା ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ଜାରି ରହିଛି ତାହା ଆଗାମୀ ଦିନରେ ମଧ୍ୟ ଜାରି ରହିବ । ଆସାମର ବିକାଶ ପାଇଁ ସ୍ବତନ୍ତ୍ର ଧ୍ୟାନ ଦିଆଯିବ । ଅନେକ ସମୟରେ ଆସାମରେ ବିଭିନ୍ନ ମୁଦ୍ଦାକୁ ନେଇ ଆନ୍ଦୋଳନ ହୋଇଛି । ଏଥିରେ ଅନେକ ଯୁବକ ପ୍ରାଣ ହରାଇଛନ୍ତି । ସେମାନଙ୍କ ବିରୁଦ୍ଧରେ ଷଡଯନ୍ତ୍ର କରାଯାଇ ଆସାମର ବିକାଶରେ ବାଧା ସୃଷ୍ଟି କରିବାକୁ ଉଦ୍ୟମ କରାଯାଇଛି । ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ଆସାମର ବିକାଶ କାର୍ଯ୍ୟକୁ ତ୍ବରାନ୍ବିତ କରାଯାଇଛି ଏବଂ ଆଗାମୀ ଦିନରେ ବିକାଶ କାର୍ଯ୍ୟ ଜାରି ରହିବ ବୋଲି ଗୃହ ମନ୍ତ୍ରୀ ଅମିତ ଶାହା କହିଛନ୍ତି ।  

   Related Posts