ସୁନ୍ଦରଗଡ, ୨୨|୦୮: ନିଜ ଗାଁରେ ପହଞ୍ଚିଲେ ଅଲିମ୍ପିଆନ ଅମିତ ରୋହିଦାସ । ଅଲିମ୍ପିକରେ ପୁରୁଷ ହକିରେ ବ୍ରୋଞ୍ଜ ଜିତିବା ପରେ ସେ ଶନିବାର ସୁନ୍ଦରଗଡକୁ ଫେରିଥିଲେ । ତାଙ୍କୁ ଜିଲ୍ଲା ପ୍ରଶାସନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ରବିବାର ସେ ନିଜ ଗାଁରେ ପହଁଚିଛନ୍ତି ।
ଶନିବାର ସୁନ୍ଦରଗଡ଼ ବିକାଶ ଭବନ ଠାରେ ଅମିତ ରୋହିଦାସଙ୍କ ସମେତ ୪ ଓଡିଆ ହକି ଅଲିମ୍ପିଆନଙ୍କୁ ଜିଲା ପ୍ରଶାସନ ତରଫରୁ ସମ୍ବର୍ଦ୍ଧନା ଉସବ ଆୟୋଜିତ ହୋଇଥିଲା। ଏଥିରେ ଜିଲାପାଳ ,ଆଡ଼ିସିନାଲ ଏସ୍ପି ସୁନ୍ଦରଗଡ଼, ପୂର୍ବତନ ଅଧିନାୟକ ପଦ୍ମଶ୍ରୀ ଦିଲୀପ ତିର୍କୀ ଆଦି ଉପସ୍ଥିତ ଥିଲେ । ରାଜଗାଙ୍ଗପୁର ଓ ତଲସରା ବିଧାୟକ , ଜିଲା ସ୍ତରୀୟ ବରିଷ୍ଠ ଅଧିକାରୀ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ । ରବିବାର ଅମିତ ନିଜ ପୈତୃକ ଗ୍ରାମରେ ପହଞ୍ଚିବା ପରେ ଗ୍ରାମବାସୀ ତରଫରୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି ।
ଅମିତଙ୍କ ମାଆ ପୂଜାର୍ଚ୍ଚନା କରି ତାଙ୍କୁ ଘରକୁ ପାଛୋଟି ନେଇଥିଲେ । ଘରେ ଅମିତଙ୍କ ହାତରେ ରାକ୍ଷୀ ଭଉଣୀ ରାକ୍ଷୀ ବାନ୍ଧିଥିଲେ । ସେ ସ୍ବର୍ଗୀୟ ପିତାଙ୍କ ସମାଧିରେ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଆଶୀର୍ବାଦ ଭିକ୍ଷା ମଧ୍ୟ କରିଥିଲେ ।