ମୁମ୍ଵାଇ ୨୪।୦୯: କିଛି ଦିନ ତଳେ ହିମାଚଳ ପ୍ରଦେଶରେ ହୋଇଥିବା ବିପର୍ଯ୍ୟୟ ଲାଗି ସେଠାରେ ଥିବା ଲୋକଙ୍କ ଅବସ୍ଥା ଭଲ ନାହିଁ। ଏନେଇ ହିମାଚଳ ପ୍ରଦେଶର ଅନେକା ବାସିନ୍ଦା ଅବ୍ୟବସ୍ଥା ମଧ୍ୟରେ ଅଛନ୍ତି । ଏସବୁ ମଧ୍ୟରେ ବଲିଉଡ ଅଭିନେତା ଅମୀର ଖାନ ହିମାଚଳ ପ୍ରଦେଶର ପରିବାରକୁ ସାହାଯ୍ୟର ହାତ ବଢାଇଛନ୍ତି। ହିମାଚଳ ପ୍ରଦେଶରେ ଭୂସ୍ଖଳନ ହୋଇ ବହୁ ବିଲ୍ଡିଂରେ ବ୍ୟାପକ କ୍ଷୟକ୍ଷତି ହୋଇଛି। ଏହି ସମସ୍ତ କ୍ଷତି ହେତୁ ଅମୀର ବିପର୍ଯ୍ୟୟ ପାଣ୍ଠିକୁ ୨୫ ଲକ୍ଷ ଟଙ୍କା ଦାନ କରିଛନ୍ତି।

ଅମୀର ଖାନଙ୍କ ଏହି ରାଶି ଦାନ ପରେ ମୁଖ୍ୟମନ୍ତ୍ରୀ ଠାକୁର ସୁଖବିନ୍ଦର ସିଂ  ଅଭିନେତାଙ୍କୁ କୃତଜ୍ଞତା ଜଣାଇଛନ୍ତି। ସେ କହିଛନ୍ତି ଯେ ଏହି ସହାୟତା ନିସନ୍ଦେହରେ ଲୋକଙ୍କ ରିଲିଫ ଏବଂ ଥଇଥାନ ଉଦ୍ୟମ ପାଇଁ, ଏହାର ଉଦ୍ଦେଶ୍ୟ ହେଉଛି ବିପର୍ଯ୍ୟୟ ଦ୍ୱାରା ପ୍ରଭାବିତ ପରିବାରକୁ ଏଥିରୁ ବାହାର କରିବାରେ ସାହାଯ୍ୟ କରିବା। ଏଥିସହ ସେ କହିଛନ୍ତି ଯେ ଏହି ପାଣ୍ଠି ଅଭାବନୀୟ ଲୋକଙ୍କ ନିକଟରେ ପହଞ୍ଚିବା ପାଇଁ ଅତି ନ୍ୟାୟପୂର୍ଣ୍ଣ ଭାବରେ ବ୍ୟବହାର କରାଯିବ। ହିନ୍ଦୀ ସିନେମା ଆଇକନ୍ ଭାବରେ ତାଙ୍କର ଏହି ଉତ୍ତମ ପଦକ୍ଷେପ ରାଜ୍ୟରେ ପ୍ରଭାବିତ ହେଉଥିବା ଲୋକଙ୍କ ଜୀବନରେ ଏକ ଭଲ ପରିବର୍ତ୍ତନ ଆଣିବାକୁ ସ୍ଥିର ହୋଇଛି। ହିମାଚଳ ପ୍ରଦେଶରେ ଲଗାତାର ବର୍ଷା ହେତୁ ଅନେକ ଅଞ୍ଚଳରେ ଭୂସ୍ଖଳନ ଘଟଣା ଘଟିଛି।

ଅମୀର ଖାନଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ତାଙ୍କ ପୂର୍ବତନ ପତ୍ନୀ କିରଣ ରାଓଙ୍କ ନିର୍ଦ୍ଦେଶିତ ତାଙ୍କ ପ୍ରଡକ୍ସନ୍ ‘ମିସିଙ୍ଗ୍ ଲେଡିଜ୍’ ଟରୋଣ୍ଟୋ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଏକ ସକରାତ୍ମକ ପ୍ରତିକ୍ରିୟା ଗ୍ରହଣ କରିଛି। ସେପ୍ଟେମ୍ବର ୮ରେ ଟରୋଣ୍ଟୋ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଏହି ଚଳଚ୍ଚିତ୍ରର ଗ୍ରାଣ୍ଡ ପ୍ରିମିୟର ହୋଇଥିଲା ।

ଆହୁରି ପଢନ୍ତୁ :