ପୁରୀ ୫/୧୦ : ଆସନ୍ତାକାଲି ପୁରୀ ଆସୁଛନ୍ତି ଆମିକସ କ୍ୟୁରି ଗୋପାଳ ସୁବ୍ରମଣ୍ୟମ | ପୁରୀ ବଡଦାଣ୍ଡ ଓ ଶ୍ରୀମନ୍ଦିର ଭିତରେ ଭଙ୍ଗାରୁଜା ଘଟଣାରେ ସ୍ପଷ୍ଟୀକରଣ ମାଗିଥିଲେ ଆମିକସ କ୍ୟୁରି | ରିପୋର୍ଟ ଦିଆଯିବ ବୋଲି ମଧ୍ୟ ଶ୍ରୀମନ୍ଦିର ପ୍ରଶାସନ କହିଥିଲା | ହିଂସାକାଣ୍ଡର ଭିଡିଓ ଫୁଟେଜ ମାଗିବା ସହ ପୁରା ଘଟଣାର ରିପୋର୍ଟ ମାଗିଥିଲେ ଆମିକସ | ଏପଟେ ଶ୍ରୀମନ୍ଦିର ଚାରିପରେ ଛତିଶା ନିଯୋଗ ପୋଷ୍ଟର ଲାଗିଛି | ପୁରୀ ହିଂସାରେ ସେବାୟତଙ୍କ କୌଣସି ସମ୍ପୃକ୍ତି ନାହିଁ ବୋଲି ସଫେଇ ଦିଆଯାଇଛି | ସେବାୟତଙ୍କୁ ଫସେଇବାକୁ ପ୍ରଶାସନ ଚକ୍ରାନ୍ତ କରୁଥିବା ଅଭିଯୋଗ କରିଛନ୍ତି ସେବାୟତ | ହିଂସା ସମୟର ସିସିଟିଭି ଫୁଟେଜ ଯାଞ୍ଚ କରି ଉଚ୍ଚ ସ୍ଥରୀୟ ତଦନ୍ତ କରିବାକୁ ପୋଷ୍ଟରରେ ଦାବି କରାଯାଇଛି |