vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ମୃତ୍ୟୁର ଚର୍ଚ୍ଚା ବେଳେ ମୁଲ୍ଲା ବରାଦର ସେୟାର କଲେ ଅଡିଓ ମେସେଜ୍, କହିଲେ ମୁଁ ଜୀବିତ

14/09/2021 at 12:03 PM

କାବୁଲ ୧୪/୦୯ : ତାଲିବାନୀଙ୍କ କାବୁଲ ଦଖଲ ପରେ ଦିନକୁ ଦିନ ଗୋଟିଏ ଲେଖାଏଁ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଏହି କିଛି ତଳେ ପ୍ରଚାର ହୋଇଥିଲା ଯେ, ଆଫଗାନିସ୍ତାନର ଉପ ପ୍ରଧାନମନ୍ତ୍ରୀ ମୁଲ୍ଲା ଅବଦୁଲ ଘନି ବରାଦରଙ୍କ ମୃତ୍ୟୁ ହୋଇଛି । ଏନେଇ ଏକାଧିକ ରିପୋର୍ଟ ମଧ୍ୟ ପ୍ରକାଶ ପାଇଥିଲା । କୁହାଯାଉଥିଲା ଯେ, ଗୁଳିମାଡ଼ରେ ବରାଦରଙ୍କ ମୃତ୍ୟୁ ହୋଇଛି ।

ସେଥିପାଇଁ ତାଲିବାନ ସରକାର ଶପଥ ପାଠ ଉତ୍ସବ ୯/୧୧ରେ ହୋଇପାରିଲା ନାହିଁ । ଏସବୁ ଭିତରେ ବରାଦର ଜାରି କରିଛନ୍ତି ଅଡିଓ ବାର୍ତ୍ତା । ଆଉ ଚେତାଇଦେଇଛନ୍ତି ସେ ଜୀବିତ ଅଛନ୍ତି । ତାଙ୍କ ମୃତ୍ୟୁ ଓ ଆହତକୁ ନେଇ ଯେଉଁ ସବୁ ଖବର ପ୍ରକାଶ ପାଇଛି, ସେସବୁ କେବଳ ଗୁଜବ । ସେ କହିଛନ୍ତି, “ମୁଁ ସଂପୂର୍ଣ୍ଣ ସୁରକ୍ଷିତ । ସୋଶିଆଲ ମିଡିଆରେ କିଛି ଲୋକ ଜାଣିଶୁଣି ଗୁଜବ ପ୍ରଚାର କରୁଛନ୍ତି ।

ଗଣମାଧ୍ୟମରେ ମୋ ମୃତ୍ୟୁକୁ ନେଇ ଯେଉଁ ଖବର ଚାଲିଛି ସେସବୁ କପଳକଳ୍ପିତ । କିଛି ଦିନ ହେଲା ମୁଁ ଟ୍ରିପରେ ଥିଲି । ବର୍ତ୍ତମାନ ଆମେ ଯେଉଁଠୁ ବି ଅଛୁ, ସେଠାରେ ଆମେ ସମସ୍ତେ ସୁରକ୍ଷିତ ରହିଛୁ । ମୋ ବନ୍ଧୁ ଓ ଭାଇମାନେ ମୋ ସହ ରହିଛନ୍ତି । ତେଣୁ ମୁଁ ଏହାକୁ ଦୃଢ଼ତାର ସହ ଖଣ୍ଡନ କରୁଛୁ । ଆମ ଭିତରେ କୌଣସି ପ୍ରକାରର ସମସ୍ୟା ସୃଷ୍ଟି ହୋଇନାହିଁ। ସବୁ କିଛି ଠିକଠାକ ଚାଲିଛି ।

କତାରରୁ ତାଲିବାନ ମୁଖପାତ୍ର ସୁହେଲ ଶାହୀନ ମଧ୍ୟ ବରାଦରଙ୍କ ମୃତ୍ୟୁକୁ ନେଇ ପ୍ରକାଶ ପାଇଥିବା ରିପୋର୍ଟକୁ ଖଣ୍ଡନ କରିଛନ୍ତି । ସେ କହିଛନ୍ତି, ଇସଲାମିକ ଏମିରାତ ଅଫ ଆଫଗାନିସ୍ତାନର ଡେପୁଟି ପ୍ରଧାନମନ୍ତ୍ରୀ ମୁଲ୍ଲା ବରାଦର ଅଖୁନ୍ଦ ଗୋଟିଏ ଅଡିଓ ବାର୍ତ୍ତାରେ ସେ ମୃତ୍ୟୁ କିମ୍ବା ଆହତ ନେଇ ପ୍ରକାଶ ପାଇଥିବା ରିପୋର୍ଟକୁ ସଂପୂର୍ଣ୍ଣ ଭାବେ ଖଣ୍ଡନ କରିଛନ୍ତି ।

   Related Posts