ୱାଶିଂଟନ୍ ୧୩/୭ : ମାରାତ୍ମକ କୋଭିଡ୍-19 ବିରୋଧରେ ଲୋକଙ୍କ ମଧ୍ୟରେ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ବଡ଼ ଧରଣର ସମସ୍ୟା ସୃଷ୍ଟି ହୋଇଛି । ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ (ଏଫଡିଏ) ଚେତାବନୀ ଦେଇ କହିଛି ଯେ ଜନସନ ଆଣ୍ଡ ଜନସନର କରୋନାଭାଇରସ ଟିକା କେତେକ କ୍ଷେତ୍ରରେ ବିରଳ ସ୍ନାୟୁଗତ ଜଟିଳତା ସୃଷ୍ଟି କରିପାରେ ।

ଏହି ଟିକା ଆଗକୁ କେତେ ପ୍ରାଣଘାତୀ ହେବ କି ନାହିଁ ତାହା ଏପର୍ଯ୍ୟନ୍ତ ସ୍ଥିର କରାଯାଇ ନାହିଁ । କିନ୍ତୁ ବର୍ତ୍ତମାନ ଲୋକେ ଗୁଇଲେନ୍-ବାରେ ସିଣ୍ଡ୍ରୋମ ବା ପକ୍ଷାଘାତ ରୋଗର ଶିକାର ହେଉଥିବା ରିପୋର୍ଟରେ ଜଣାପଡିଛି । ଜାତୀୟ ଗଣମାଧ୍ୟମରେ କୁହାଯାଇଛି ଯେ ଆଜି ଜନ୍ସନ୍ ଆଣ୍ଡ୍ ଜନ୍ସନ୍ (ଜନସେନ୍) COVID-19 ଟିକା ପାଇଁ ଭ୍ୟାକ୍ସିନ୍ ରିସିଭର ଏବଂ ଟିକାକରଣ ପ୍ରଦାନକାରୀ ଫ୍ୟାକ୍ଟ ସିଟ୍ ପାଇଁ ଏଫଡିଏ ସଂଶୋଧନ ଘୋଷଣା କରୁଛି ।

ଏଫଡିଏ କହିଛି ଯେ ମୋଡର୍ନା ଏବଂ ଫାଇଜର-ବାୟୋଟେକ୍ COVID-19 ଟିକା ସେପରି କୌଣସି ସମସ୍ୟା ଦେଖାଏ ନାହିଁ । ଯେତେବେଳେ କି J&J ଟିକାରେ ବହୁତ ସମସ୍ୟା ରହିଛି । ଜରୁରୀକାଳୀନ ବ୍ୟବହାର ପ୍ରାଧିକରଣ ଅଧୀନରେ ଜନସେନ୍ COVID-19 ଟିକା ବ୍ୟବହାର ପରେ ପ୍ରତିକୂଳ ଘଟଣାର ରିପୋର୍ଟ ଟୀକାକରଣର ୪୨ ଦିନ ମଧ୍ୟରେ ଗୁଇଲେନ୍-ବାରେ ସିଣ୍ଡ୍ରୋମ ହେବାର ଆଶଙ୍କା ସୂଚିତ କରୁଛି ।

ମଡର୍ନା ଏବଂ ଫାଇଜର-ବାୟୋଟେକ୍ COVID-19 ଟିକା ସହିତ ସମାନ ସୂଚକ ଚିହ୍ନଟ କରାଯାଇ ନାହିଁ ବୋଲି ଆମେରିକାର ଡ୍ରଗ ଔଷଧ ନିୟାମକ ଆହୁରି ମଧ୍ୟ କହିଛନ୍ତି ଯେ ୧୨.୮ ନିୟୁତ ଜନସନ୍ ଟିକା ମଧ୍ୟରୁ ୧୦୦ଟି ଆମେରିକାର ଭ୍ୟାକ୍ସିନ୍ ଆଡଭର୍ସ ରିପୋର୍ଟିଂ ସିଷ୍ଟମରେ ପଞ୍ଜିକୃତ ହୋଇଛି । "ଗୁଇଲେନ୍ ବାରେ ସିଣ୍ଡ୍ରୋମ (ଏକ ସ୍ନାୟୁଗତ ବ୍ୟାଧି ଯେଉଁଥିରେ ଶରୀରର ରୋଗ ପ୍ରତିରୋଧକ ଶକ୍ତି ସ୍ନାୟୁ କୋଷକୁ କ୍ଷତି ପହଞ୍ଚାଇଥାଏ ।

ମାଂସପେଶୀର ଦୁର୍ବଳତା ଏବଂ ବେଳେବେଳେ ପକ୍ଷାଘାତ ରୋଗ ସୃଷ୍ଟି କରିଥାଏ । ଜନସେନ୍ COVID-19 ଟିକା ଗ୍ରହଣ କରିଥିବା କିଛି ଲୋକଙ୍କର ଏହା ଘଟିଛି ବୋଲି FDA କହିଛି।