ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କିମ୍ୱା ଶାସକ ବିଜେପିରୁ କେହି ନୁହେଁ ଏଥର ରାହୁଲ ଗାନ୍ଧୀଙ୍କୁ ନିଜେ ଆମେରିକା ହିଁ ଜବାବ ଦେଇଛି । ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ଆମେରିକା ବଡ଼ ବୟାନ ଦେଇ କହିଛି ଯେ ଭାରତ ଏକ ଜୀବନ୍ତ ଗଣତନ୍ତ୍ର ଅଟେ । ଯେ କେହି ମଧ୍ୟ ଭାରତ ଯାଇ ଏହାକୁ ଅନୁଭବ କରିପାରିବ । ଆମେରିକାର ଏହି ବାୟନକୁ ରାହୁଲ ଗାନ୍ଧୀଙ୍କ ବୟାନ ସହ ଯୋଡି ଦେଖାଯାଉଛି । ଏହା ରାହୁଲଙ୍କୁ ଆଇନ ଦେଖାଇବା ପରି ଅଟେ । ଦୁନିଆର ସବୁଠୁ ଅର୍ଥବ୍ୟବସ୍ଥା ନାଁ ନନେଇ ଭାରତର ଗଣତନ୍ତ୍ର ଉପରେ ରାହୁଲଙ୍କ ନେରେଟିଭକୁ ଖଣ୍ଡନ କରିଛି । ଏଥିସହ ଏହା ମଧ୍ୟ ସ୍ପଷ୍ଟ ସନ୍ଦେଶ ଯେ ରାହୁଲ ବିଦେଶ ଯାଇ ଯେଉଁ ବୟାନ ଦେଉଛନ୍ତି, ତାର ଅନ୍ତରାଷ୍ଟ୍ରୀୟ ସ୍ତରରେ କୌଣସି ଫରକ ପଡେ ନାହିଁ । ଆମେରିକାର ବୟାନରୁ ସ୍ପଷ୍ଟ ହେଉଛି ଯେ ସେ ରାହୁଲ ଗାନ୍ଧୀଙ୍କ ବୟାନକୁ ଗୁରୁତ୍ୱ ଦେଉ ନାହିଁ ।

ରାହୁଲ ଗାନ୍ଧୀ ଛଅ ଦିନିଆ ଆମେରିକା ଗସ୍ତରେ ଯାଇ ପ୍ରଧାନମନ୍ତ୍ରୀ ମୋଦୀଙ୍କୁ ନିଶାନ କରିଛନ୍ତି । ନ୍ୟାସନାଲ ପ୍ରେସ କ୍ଲବରେ ଆୟୋଜିତ ଏକ କାର୍ଯ୍ୟକ୍ରମରେ ରାହୁଲ ଗାନ୍ଧୀ କହିଥିଲେ ଯେ, ଭାରତରେ ଗଣତନ୍ତ୍ର ପାଇଁ ଲଢେଇ ଲଢିବା ଆମ କାମ ଏବଂ ଆମେ ତାହା କରି ଚାଲିଛୁ । ଏହା ଏପରି ଏକ ପ୍ରସଙ୍ଗ, ଯାହାକୁ ଆମେ ବୁଝୁଛୁ । ଯାହାକୁ ଆମେ ସ୍ୱିକାର କରୁଛୁ । ଏକ କାର୍ଯ୍ୟକ୍ରମରେ ସେ କହଥିଲେ ଯେ ଭାରତର ଗଣତନ୍ତ୍ର ସାରା ବିଶ୍ୱର ଲୋକହିତ ସହ ଜଡିତ । ଯଦି ଏହା ନରହେ ତେବେ ସାରା ଦୁନିଆ ଉପରେ ପ୍ରଭାବ ପଡ଼ିବ । ଆମେରିକାରେ ବାସ କରୁଥିବା ଭାରତୀୟଙ୍କୁ ଭାରତ ଫେରିବା ପାଇଁ ରାହୁଲ ଅପିଲ କରି ଭାରତୀୟ ସମ୍ୱିଧାନର ସୁରକ୍ଷାରେ ଠିଆ ହେବା ପାଇଁ କହିଥିଲେ । କଂଗ୍ରେସ ନେତା ପୂର୍ବରୁ ମଧ୍ୟ ବିଦେଶ ମାଟିରୁ ଭାରତୀୟ ଗଣତନ୍ତ୍ର ବିପଦରେ ଥିବା କହିସାରିଛନ୍ତି ।

ପଢନ୍ତୁ: ରେଳ ଦୁର୍ଘଟଣା ଦେଇଛି ମାନସିକ ଆଘାତ; NDRF ଯବାନଙ୍କୁ ପାଣି ଦେଖାଯାଉଛି ରକ୍ତ ଭଳି, ଲାଗୁନି ଭୋକ

ଆମେରିକା ବିଦେଶ ମନ୍ତ୍ରାଳୟର ପ୍ରେସ କନଫରେନ୍ସରେ ସାମ୍ୱାଦିକା ଆସମା ଖାଲିଦ ଭାରତର ଗଣତନ୍ତ୍ର ଉପରେ ପ୍ରଶ୍ନ କରିଥିଲେ । ଏହାର ଜବାବରେ ରାଷ୍ଟ୍ରୀୟ ସୁରକ୍ଷା ପରିଷଦର ସଦସ୍ୟ ଜନ କିର୍ଭି କହିଛନ୍ତି, ‘ଭାରତ ଏକ ଜୀବନ ଗଣତନ୍ତ୍ର । ଯେ କହି ଭାରତ ଯାଇ ଏହାକୁ ଅନୁଭବ କରିପାରିବ । ନିଶ୍ଚିତ ରୂପେ ମୁଁ ଆଶାବାଦୀ ଯେ ଗଣତନ୍ତ୍ରିକ ସଂସ୍ଥାନର ଶକ୍ତି ଏବଂ ସ୍ଥିତି ଚର୍ଚ୍ଚାର ବିଷୟ ହେବ’।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୁନ ୨୧ରୁ ୨୪ ଯାଏ ଆମେରିକା ଗସ୍ତରେ ରହିବେ । ଏହି ଗସ୍ତରେ ସେ କଂଗ୍ରେସର ମିଳିତ ଅଧିବେଶନକୁ ସମ୍ୱୋଧିତ କରିବେ । ଆମେରିକା ରାଷ୍ଟ୍ରପତି ଏବଂ ପ୍ରଥମ ମହିଳା ଜିଲ ବାଇଡେନ ପ୍ରଧାନମନ୍ତ୍ରୀ ମୋଦୀଙ୍କ ସ୍ୱତନ୍ତ୍ର ଆୟୋଜନ କରିବେ । ଜୁନ ୨୨ରେ ପିଏମ ମୋଦୀଙ୍କ ପାଇଁ ରାଜକୀୟ ରାତ୍ରୀଭୋଜନର ଆୟୋଜନ କରାଯିବ ।

Also Read: AIକୁ ନେଇ ଗୀତା ଗୋପିନାଥଙ୍କ ଚେତାବନୀ, ନିୟନ୍ତ୍ରଣ ପାଇଁ ନିୟମ ଆଣିବାକୁ କଲେ ଅପିଲ୍