ନ୍ୟୁୟର୍କ, ୧୮।୧୨: ଆମେରିକାର ଖାଦ୍ୟ ଓ ଔଷଧ ପ୍ରଶାସନ ବା ଏଫଡିଏ ଗୁରୁବାର ମୋଡେର୍ଣ୍ଣା ଭାକସିନକୁ ଅନୁମତି ପ୍ରଦାନ କରିଛି । ଜରୁରୀକାଳିନ ସ୍ଥିତିରେ ଭାକସିନକୁ ଅନୁମତି ଦିଆଯିବ ବୋଲି ସୂଚନା ମିଳିଛି । ଦେଶରେ ବଢୁଥିବା କରୋନା ଭାଇରସର ମାମଲାକୁ ନଜରରେ ରଖି ଏହି ନିଷ୍ପତ୍ତି ନିଆଯାଇଛି ।
ଏଫଡିଏ କହିଛି ଯେ, ମୋଡେର୍ଣ୍ଣାକୁ ଜରୁରୀକାଳିନ ପ୍ରୟୋଗ ପାଇଁ ଅନୁମତି ପ୍ରଦାନ କରାଯାଇଛି । କିଛି ଦିନ ତଳେ ଏଫଡିଏ ଫାଇଜର-ବାୟୋଏନଟେକ୍ ଟିକାର ଜରୁରୀକାଳିନ ବ୍ୟବହାର ପାଇଁ ଅନୁମତି ପ୍ରଦାନ କରିଥିଲା । ଏନେଇ ଏଫଡିଏର ମୁଖ୍ୟ ବୈଜ୍ଞାନିକ ଫାଇଜରକୁ ପତ୍ର ଲେଖି ସୂଚନା ଦେଇଥିଲେ ।
ଫାଇଜର ଓ ବାୟୋଏନଟେକ୍ ଦାବି କରିଥିଲେ ଯେ, ସେମାନଙ୍କ ଭାକସିନ ୯୫ ପ୍ରତିଶତ ପ୍ରଭାବଶାଳୀ ସାବ୍ୟସ୍ତ ହୋଇଛି । ଯେଉଁ ୧୭୦ଜଣଙ୍କୁ ଟିକା ଦେବା ପରେ ଇନଫେକ୍ସନ ହୋଇଥିଲା ସେମାନଙ୍କ ମଧ୍ୟରୁ ମାତ୍ର ୮ଜଣଙ୍କୁ ପ୍ରକୃତ ଟିକା ଦିଆଯାଇଥିଲା ।