ମୁମ୍ୱାଇ ୦୮/୦୮: ବଲିଉଡ ଅଭିନେତ୍ରୀ ଅମିଶା ପଟେଲ । ରିଲିଜ ଅପେକ୍ଷାରେ ତାଙ୍କ ଅଭିନୀତ ଆଗାମୀ ଚଳଚ୍ଚିତ୍ର ଗଦର-୨ । ପ୍ରେକ୍ଷାଳୟରେ ଟିକେଟ୍ ପ୍ରି-ବୁକିଂ ଆରମ୍ଭ ହୋଇଛି । ଲୋକମାନେ ଏହି ଚଳଚ୍ଚିତ୍ରକୁ ଉତ୍ସାହର ସହିତ ଅପେକ୍ଷା କରିଛନ୍ତି । ଗଦର ଫିଲ୍ମ ସୁପର ହିଟ୍ ହେବା ପରେ ବର୍ତ୍ତମାନ ଗଦର-୨ ରିଲିଜ୍ ହେବାକୁ ଯାଉଛି । ଏହି ଚଳଚ୍ଚିତ୍ର ହେତୁ ଅଭିନେତ୍ରୀ ଅମିଶା ପଟେଲ ପୁଣି ଥରେ ଲାଇମଲାଇଟକୁ ଆସିଛନ୍ତି ।
ଅମିଶା ପଟେଲଙ୍କ କ୍ୟାରିୟର ବହୁତ ଅପ୍ ଆଣ୍ଡ ଡାଉନ୍ ରେ ଚାଲୁଛି । କ୍ୟାରିୟର ଆରମ୍ଭରେ ସେ ଦୁଇଟି ବଡ ଚଳଚ୍ଚିତ୍ରରେ କାମ କରିବାର ସୁଯୋଗ ପାଇଲେ । ପ୍ରଥମ ନାମ ହ୍ରିତିକ ରୋଶନଙ୍କ ଫିଲ୍ମ 'କାହୋ ନା ପ୍ୟାର' ଏବଂ ଦ୍ୱିତୀୟ ଚଳଚ୍ଚିତ୍ରଟି ହେଉଛି ଗଦର । ଦୁଇଟି ବଡ ହିଟ୍ ପରେ ଅମିଶାଙ୍କ କ୍ୟାରିଅର୍ ତଳକୁ ତଳକୁ ଖସିବାକୁ ଲାଗିଲା ।
କୁହାଯାଏ ଯେ ଅମିଶାଙ୍କ ପତନ ତାଙ୍କ ବ୍ୟକ୍ତିଗତ ଜୀବନ କାରଣରୁ ହୋଇଥିଲା । କହିବାକୁ ଗଲେ କ୍ୟାରିୟରର ଆରମ୍ଭରେ ସେ ତାଙ୍କ ପିତାମାତାଙ୍କ ସହ ଝଗଡା କରିବାକୁ ପଛାଇନଥିଲେ । ଅଭିଯୋଗ ଥିଲା କି, ତାଙ୍କ ବାପା ମାଆ ଟଙ୍କା ହଡପ କରୁଥିବା ନେଇ ଅଭିଯୋଗ ହୋଇଥିଲା । ପ୍ରଥମ ଦୁଇଟି ଚଳଚ୍ଚିତ୍ରର ଅଦ୍ଭୁତପୂର୍ବ ସଫଳତା ପରେ ଅମିଶା ପଟେଲଙ୍କ ଘର କଳି ଝଗଡା ହେବା ନେଇ ଗଣମାଧ୍ୟମରେ ଚର୍ଚ୍ଚା ହୋଇଥିଲା । ମାମଲା ଏତେ ବଢିଗଲା ଯେ, ମାମଲା କୋର୍ଟରେ ପହଞ୍ଚିଲା ।
ଅମିଷା ସର୍ବସାଧାରଣରେ ତାଙ୍କ ପିତାମାତାଙ୍କୁ ସେମାନଙ୍କର ରୋଜଗାରର ଅପବ୍ୟବହାର କରିଥିବା ଅଭିଯୋଗ କରିଥିଲେ । ଯେତେବେଳେ ସେ ଏହାକୁ ବିରୋଧ କରିଥିଲେ ସେତେବେଳେ ତାଙ୍କୁ ମଧ୍ୟ ମାଡ ପଡିଥିଲା । ଅମିଷା ପଟେଲ ମଧ୍ୟ ତାଙ୍କ ପିତାମାତାଙ୍କ ବିରୋଧରେ ୧୨ କୋଟି ଟଙ୍କା ନେଇଥିବା ଅଭିଯୋଗ କରିଥିଲେ। ଚଳଚ୍ଚିତ୍ର ନିର୍ଦ୍ଦେଶକ ବିକ୍ରମ ଭଟ୍ଟଙ୍କ ସହ ଘନିଷ୍ଠତା ହେତୁ ଏପରି ଭୋଗିବାକୁ ପଡିଥିଲା ।
