ମୁମ୍ୱାଇ ୦୪/୦୭: ଅମିଷା ପଟେଲ୍ । ପର୍ସନାଲ ଲାଇଫ୍‌କୁ ନେଇ ସେ ସର୍ବଦା ଚର୍ଚ୍ଚିତ । କହୋ ନା ପ୍ୟାର ହେଁ ଜରିଆରେ ବଲିଉଡ୍‌ରେ କରିଥିଲେ ଡେବ୍ୟୁ । ଫିଲ୍ମ ବକ୍ସ ଅଫିସରେ ଭଲ କଲେକ୍ସନ କରିଥିଲେ । ରାତାରାତି ଷ୍ଟାର ପାଲଟିଥିଲେ ଅମିଷା । ଏହା ପରଠୁ ସଫଳତା ଯେମିତି ତାଙ୍କ ପାଖ ଛାଡିନଥିଲା । କେବଳ ଫିଲ୍ମ ନୁହେଁ ସମୟ ଥିଲା ତାଙ୍କ ଆଫେୟାର ନେଇ ଥିଲେ ଚର୍ଚ୍ଚାରେ ।

ବିକ୍ରମ ଭଟ୍ଟଙ୍କ ସହ ତାଙ୍କ ପ୍ରେମ ସମ୍ପର୍କୁ ନେଇ ଗସିପ୍ ହୋଇଥିଲା । ଉଭୟ ଉଭୟଙ୍କୁ ଡେଟ୍ କରୁଥିବା ଶୁଣିବାକୁ ମିଳିଥିଲା । ନିକଟରେ ଗୋଟିଏ ସାକ୍ଷାତକାରରେ ଅଭିନେତ୍ରୀ ବିକ୍ରମ ଭଟ୍ଟଙ୍କ ସହ ତାଙ୍କ ସମ୍ପର୍କକୁ ନେଇ ଖୁଲ୍ଲାସା କରିଥିଲେ । କହିଥିଲେ ଯେ କେମିତି ଏହି ସମ୍ପର୍କ ତାଙ୍କ ଜୀବନର ମୋଡ ବଦଳାଇଦେଇଥିଲା । ତାଙ୍କ କ୍ୟାରିୟର ପାଇଁ ସୃଷ୍ଟି କରିଥିଲା ଘାତକ ।

ଅଭିନେତ୍ରୀ କହିଥିଲେ ଯଦି ତୁମେ ଏହି ଇଣ୍ଡଷ୍ଟ୍ରୀରେ ଇମାନଦାର ଓ ସଚ୍ଚୋଟ, ତେବେ ତୁମକୁ କେହି ପଚାରିବେନି । କରେଣ ଦିନ ଥିଲା ମୁଁ ବି ଏମିତି ଥିଲି । ହେଲେ ଲାଭ କଣ ହେଲା ଓଲଟା ମୋର କ୍ଷତି ହେଲା । ଏଥିପାଇଁ ମୋ ଜୀବନ ବ୍ଲାକ୍ ଆଣ୍ଡ ହ୍ୱାଇଟ୍ ଭଳି । ମୋ ଜୀବନରେ ବୋଧହୁଏ ଆପଣମାନେ ଦେଖିପାରୁଥିବେ କଣ ଚାଲିଛି । ମୁଁ ଏମିତି ଯିଏକି ମନକୁ ଯାହା ଆସେ ମୁଁ କହିଦିଏ । ମୋତେ ଲାଗୁଛି ଏହା ମୋ କ୍ୟାରିୟର ପାଇଁ ସବୁଠାରୁ ବଡ ଭୁଲ୍ ଥିଲା । ମୋ ଜୀବନରେ ଦୁଇଟି ରିଲେସନ୍ ଥିଲା ଯାହା ପବ୍ଲିକ୍ ହୋଇଗଲା । ସେଇ ଦୁଇ କାରଣ ପାଇଁ ମୋ କ୍ୟାରିୟର ବର୍ବାଦ୍ ହୋଇଗଲା ।

ଗତ ୧୨-୧୩ ବର୍ଷ ମଧ୍ୟରେ ମୋର କୌଣସି ରିଲେସନ ନାହିଁ କି ମୁଁ କାହାକୁ ଡେଟ୍ କରୁନି । ସେଥାପାଇଁ ବୋଧହୁଏ ମୋ ଲାଇଫ୍‌ରେ ଶାନ୍ତି ଅଛି । ଏହାଛଡା ମୋ ଜୀବନରେ ବାସ୍ ଆଉ କିଛି ଦରକାର ନାହିଁ । ଝିଅମାନଙ୍କର ସିଙ୍ଗଲ ଷ୍ଟାଟସ୍ ସର୍ବଦା ଆଖପାଖ ଲୋକଙ୍କ ପାଇଁ ଆଟ୍ରାକ୍ଟିଭ୍ ହୋଇଥାଏ । ବିକ୍ରମ ତାଙ୍କ ପୁରୁଣା ଇଣ୍ଟରଭିୟୁରେ କହିଥିଲେ ଯେ, ଅମିଷାଙ୍କ ସହ ତାଙ୍କ ସମ୍ପର୍କ ନେଇ ସେ କହିଥିଲେ ଯେ, ମୁଁ ତାଙ୍କ ଦୁଃଖ ବୁଝୁଛି । ଦିନେ ତାଙ୍କର ବି ଷ୍ଟାରଡମ୍ ଖସିଥିଲା । ଅମିଷା ଓ ବିକ୍ରମ ୫ ବର୍ଷ ଧରି ଉଭୟ ଉଭୟଙ୍କୁ କରିଥିଲେ ଡେଟ୍ । ସେତେବେଳେ ବିକ୍ରମ ଭଟ୍ଟ ଥିଲେ ବିବାହିତ ।

ଆଉ ଏହି ଆଫେୟାର ପାଇଁ ବର୍ବାଦ ହୋଇଥିଲା ଅମିଷାଙ୍କ କ୍ୟାରିୟର । କେବଳ ସେତିକି ନୁହେଁ ପରିବାର ଲୋକଙ୍କ ସହ ଖରାପ୍ ହୋଇଥିଲା ସଂପର୍କ । ବିକ୍ରମ ଭଟ୍ଟଙ୍କ ନିର୍ଦ୍ଦେଶିତ ଫିଲ୍ମ ଆପ ମୁଝେ ଅଚ୍ଛେ ଲଗନେ ଲଗେ ସୁଟିଂରେ ଉଭୟ ଉଭୟଙ୍କର ହୋଇଯାଇଥିଲେ ନିକଟତର । ସମ୍ପର୍କ ଏତେ ନିବିଡ ହୋଯାଇଥିଲା ଯେ, ଉଭୟ ଲିଭ୍-ଇନ୍‌ରେ ରହୁଥିବା ଶୁଣିବାକୁ ମିଳୁଥିଲା । ପ୍ୟାରେଣ୍ଟସ ବିକ୍ରମଙ୍କ ସହ ତାଙ୍କ ସମ୍ପର୍କକୁ ପସନ୍ଦ କରୁନଥିବାରୁ ଅମିଷା ବାପା-ମାଆଙ୍କ ବିରୋଧରେ କେସ୍ ବି କରିଥିଲେ ।

you can also read…