vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ଅମରନାଥ ଯାତ୍ରା ସ୍ଥଗିତ : ଯାତ୍ରା ମାର୍ଗରୁ ମିଳିଲା ପାକ୍ ବାରୁଦ ସୁଡଙ୍ଗ ଓ ପାକିସ୍ତାନୀ ସ୍ନାଇପର ରାଇଫଲ୍

3/08/2019 at 8:53 AM

ଶ୍ରୀନଗର ୩|୮: ଜମ୍ମୁ କଶ୍ମୀରରେ ସରକାର ଜାରି କରିଥିବା ଆଡଭାଇଜରି ପରେ ଓ ଘାଟୀରେ ବିପୁଳ ସଂଖ୍ୟାରେ ସୁରକ୍ଷାବାହିନୀ ମୁତୟନ ପରେ ଉତ୍ତେଜନାପୂର୍ଣ୍ଣ ପରିସ୍ଥିତି ଦେଖାଯାଇଛି । ସମ୍ଭାବ୍ୟ ପରିସ୍ଥିତି ଉପରେ ସନ୍ଦେହ କରି ବିଭିନ୍ନ ରାଜନୈତିକ ଦଳ ସଂଧ୍ୟାରେ ଏକ ବୈଠକ କରିଥିଲେ । ମେହବୁବା ମୁଫତି, ଫାରକୁ ଅବଦୁଲା ଓ ଶାହ ଫୈଜଲ ସମେତ ରାଜ୍ୟର ନେତା ଚିନ୍ତା ପ୍ରକଟ କରିଛନ୍ତି । କେନ୍ଦ୍ର ସରକାର ଜାରି କରିଥିବା ଆଡଭାଇଜରି ପରେ କାଶ୍ମୀରରେ ଭୟର ବାତାବରଣ ସୃଷ୍ଟି ହୋଇଛି । ତେଣୁ ଏକ ପ୍ରତିନିଧିମଣ୍ଡଳୀ ବିଳମ୍ବିତ ରାତିରେ ରାଜ୍ୟପାଳ ସତ୍ୟପାଳ ମଲ୍ଲିକଙ୍କୁ ଭେଟିଛନ୍ତି । ନେତୃମଣ୍ଡଳୀ କଶ୍ମୀରରେ ‘ଭୟପୂର୍ଣ୍ଣ ବାତାବରଣ’ ନେଇ ଅବଗତ କରାଇଛନ୍ତି । ତେବେ ରାଜ୍ୟପାଳ କହିଛନ୍ତି, କାଶ୍ମୀର ସ୍ଥିତି ଠିକ୍ ଅଛି । ସମସ୍ତ ରାଜନୈତିକ ଦଳ ଗୁଜବ ପ୍ରତି ଧ୍ୟାନ ନ ଦିଅନ୍ତୁ । ନିଜର ସମର୍ଥକଙ୍କୁ ସମସ୍ୟା ଓ ଗୁଜବ ପ୍ରତି ଧ୍ୟାନ ଆକର୍ଷଣ କରାନ୍ତୁ । ସେ ଲୋକଙ୍କୁ ଶାନ୍ତି ପରିସ୍ଥିତି ଜାରି ରଖିବାକୁ ଅପିଲ କରିଛନ୍ତି ।

ଅନ୍ୟପଟେ ଜମ୍ମୁ କାଶ୍ମୀର ଛାଡିବାକୁ ଅମରନାଥ ଯାତ୍ରୀ ଓ ପର୍ଯ୍ୟଟକଙ୍କୁ ନିର୍ଦ୍ଦେଶନାମା ଜାରି କରିଛନ୍ତି ସରକାର । ଅମରନାଥ ଯାତ୍ରା ଉପରେ ବଡ ଧରଣର ଆକ୍ରମଣ ଆଶଙ୍କା କରି ଏହି ନିଷ୍ପତି ନିଆଯାଇଥିବା ନିର୍ଦ୍ଦେଶନାମାରେ ଉଲ୍ଲେଖ କରାଯାଇଛି । ଜମ୍ମୁ କାଶ୍ମୀର ଗୃହ ବିଭାଗ ସଚିବଙ୍କ ପକ୍ଷରୁ ଜାରି ସିକ୍ୟୁରିଟି ଆଡଭାଇଜରିରେ ଶ୍ରଦ୍ଧାଳୁ ଏବଂ ପର୍ଯ୍ୟଟକଙ୍କୁ ଯାତ୍ରା ଅବଧି କମ୍ କରି ତୁରନ୍ତ ଫେରିଯିବାକୁ କୁହାଯାଇଛି ।

ଅମରନାଥ ଯାତ୍ରାରେ ବଡଧରଣର ଆକ୍ରମଣ ଆଶଙ୍କା ଥିବା ସିଆରପିଏଫ, ଜମ୍ମୁ ପୋଲିସ ଓ ସେନା ପକ୍ଷରୁ ସୂଚନା ଦିଆଯାଇଛି । ଅମରନାଥ ଯାତ୍ରା ମାର୍ଗରେ ବାରୁଦ ସୁଡଙ୍ଗ ଓ ପାକିସ୍ତାନୀ ସ୍ନାଇପର ରାଇଫଲ ମିଳିବା ପରେ ଜାମ୍ମୁ-କାଶ୍ମୀରରେ ସୁରକ୍ଷାକର୍ମୀଙ୍କ ସଂଖ୍ୟା ବଢାଇ ଦେଇଛନ୍ତି ସରକାର । 

   Related Posts