ଭୁବନେଶ୍ବର ୧୫।୩: ଶୂନ୍ୟକାଳରେ ବିରୋଧୀ ଦଳ ନେତାଙ୍କ ପୁଣି ବିସ୍ଫୋରଣ । ରାଜ୍ୟ ସରକାର ଓ 5-Tକୁ କଲେ ଜୋରଦାର ଟାର୍ଗେଟ୍ । ବିରୋଧୀଦଳ ନେତା ଜୟନାରାୟଣ ମିଶ୍ର କହିଚନ୍ତି, ମୁଁ ଉଠାଇଥିବା 5T ପ୍ରସଙ୍ଗରେ ମୁଖ୍ୟ ସଚେତକ କହିଥିଲେ 5-T ଏକ ଚିନ୍ତାଧାରା ଏକ ବିଚାରଧାରା । ଯଦି ତାହା ଏକ 5-T ବିଚାରଧାରା ତେବେ ତାହା ବିଚାରଧାରାରେ ରହୁ । ସବୁ ବିଭାଗର ମାଲିକ କେମିତି ହୋଇଯାଉଛନ୍ତି । ଲେଜିସଲେଚର, ଆଡ଼ମିନଷ୍ଟ୍ରେଟର ଓ ଜୁଡ଼ିସିଆରୀ ସମସ୍ତେ ସମସ୍ତଙ୍କ ପାଖରେ ଉତ୍ତର ଦାୟୀ । 5-T କାହା ପାଖରେ ଉତ୍ତର ଦାୟୀ । ସେ କ’ଣ ଉତ୍ତରଠୁ ଉର୍ଦ୍ଧ୍ବରେ । 5-T କ’ଣ ସବୁଠୁ ଉର୍ଦ୍ଧ୍ବରେ ବୋଲି ଜୟନାରାୟଣ ମିଶ୍ର କହିଛନ୍ତି ।

ସେପଟେ ଜୟ ନାରାୟଣଙ୍କୁ ଜବାବ ଦେଇଛନ୍ତି ବିଧାୟକ ଅମର ଶତପଥୀ । ସେ କହିଛନ୍ତି, 5-T ଏକ ମଡେଲ । ଗଭର୍ଣ୍ଣାନସକୁ ଚଳଚଞ୍ଚଳ କରିବା ପାଇଁ 5-T ବ୍ୟବସ୍ଥା । କେନ୍ଦ୍ର ସରକାର ବି ଓଡ଼ିଶାର ଗଭର୍ଣ୍ଣାନସ ମଡେଲକୁ ପ୍ରଶଂସା କରିଛନ୍ତି । ତେଣୁ ଏହି 5-T କଥା ବିରୋଧୀ ଦଳ ନେତାଙ୍କୁ କାହିଁକି ବାଧୁଛି । ସେ କେବଳ 5-T ସଚିବ ନୁହଁନ୍ତି ବରଂ ମୁଖ୍ୟମନ୍ତ୍ରୀଙ୍କ ବିଭିନ୍ନ କାମ ବି କରୁଛନ୍ତି 5-T ସଚିବ । ବିରୋଧୀଙ୍କୁ 5-T ଭୂତ ଲାଗିଛି । ସେ ଝାଡି ଦିଅନ୍ତୁ । ଅଯଥା ଏ ପ୍ରସଙ୍ଗ ଆଲୋଚନା କରି ଗୃହର ସମୟ ନଷ୍ଟ କରନ୍ତୁ ନାହିଁ ବୋଲି ଅମର କହିଛନ୍ତି ।